Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Psalmorum n

LIBER IV
 

(Versiculus)

98 (Psalmus ipsi David.) Cantate Domino canticum novum, quia mirabilia fecit. Salvavit sibi dextera ejus, et brachium sanctum ejus.

Canticum. Cantate Domino canticum novum quia mirabilia fecit salvavit sibi dextera eius et brachium sanctum eius.

2 Notum fecit Dominus salutare suum ; in conspectu gentium revelavit justitiam suam.

Notum fecit Dominus salutare suum in conspectu gentium revelavit iustitiam suam.

3 Recordatus est misericordiæ suæ, et veritatis suæ domui Israel. Viderunt omnes termini terræ salutare Dei nostri.

Recordatus est misericordiae suae et veritatis suae domui Iacob viderunt omnes fines terrae salutare Dei nostri.

4 Jubilate Deo, omnis terra ; cantate et exsultate, et psallite.

Iubilate Domino omnis terra vociferamini et laudate et canite.

5 Psallite Domino in cithara ; in cithara et voce psalmi ;

Cantate Domino in cithara in cithara et voce carminis.

6 In tubis ductilibus, et voce tubæ corneæ. Jubilate in conspectu regis Domini ;

In tubis et clangore bucinae iubilate coram rege Domino.

7 Moveatur mare, et plenitudo ejus ; orbis terrarum, et qui habitant in eo.

Tonet mare et plenitudo eius orbis et habitatores eius.

8 Flumina plaudent manu, simul montes exsultabunt

Flumina plaudent manu simul montes laudabunt.

9 A conspectu Domini, quoniam venit judicare terram. Judicabit orbem terrarum in justitia, et populos in æquitate.

Ate Dominum quia venit iudicare terram iudicabit orbem in iustitia et populos in aequitatibus.



Hieronymus Vulgata - Vide psalmum 97. (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org - Vide psalmum 97. || Nova Vulgata Bibliorum Sacrorum Editio.

spacer 


Aperit