Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Psalmorum n

LIBER III
 

(Versiculus)

86 (Oratio ipsi David.) Inclina, Domine, aurem tuam, et exaudi me, quoniam inops et pauper sum ego.

Oratio David. Inclina Domine aurem tuam exaudi me quia egenus et pauper ego sum.

2 Custodi animam meam, quoniam sanctus sum. Salvum fac servum tuum, Deus meus, sperantem in te.

Custodi animam meam quia sanctus sum salva servum tuum tu Deus meus qui confidit in te.

3 Miserere mei, Domine, quoniam ad te clamavi tota die ;

Miserere mei Domine quoniam ad te clamabo tota die.

4 Lætifica animam servi tui, quoniam ad te, Domine, animam meam levavi.

Laetifica animam servi tui quia ad te animam meam levo.

5 Quoniam tu, Domine, suavis et mitis, et multæ misericordiæ omnibus invocantibus te.

Tu enim es Domine bonus et propitiabilis et multus misericordia omnibus qui invocant te.

6 Auribus percipe, Domine, orationem meam ; et intende voci deprecationis meæ.

Exaudi Domine orationem meam et ausculta vocem deprecationum mearum.

7 In die tribulationis meæ clamavi ad te, quia exaudisti me.

In die tribulationis meae invocabo te quia exaudies me.

8 Non est similis tui in diis, Domine, et non est secundum opera tua.

Non est similis tui in diis Domine non est iuxta opera tua.

9 Omnes gentes quascumque fecisti venient, et adorabunt coram te, Domine ; et glorificabunt nomen tuum.

Omnes gentes quas fecisti venient et adorabunt coram te Domine et glorificabunt nomen tuum.

10 Quoniam magnus es tu, et faciens mirabilia ; tu es Deus solus.

Quia magnus tu et faciens mirabilia tu Deus solus.

11 Deduc me, Domine, in via tua, et ingrediar in veritate tua ; lætetur cor meum, ut timeat nomen tuum !

Doce me Domine viam tuam ut ambulem in veritate tua unicum fac cor meum ut timeat nomen tuum.

12 Confitebor tibi, Domine Deus meus, in toto corde meo ; et glorificabo nomen tuum in æternum,

Confitebor tibi Domine Deus meus in toto corde meo et glorificabo nomen tuum in sempiternum.

13 Quia misericordia tua magna est super me, et eruisti animam meam ex inferno inferiori.

Quia misericordia tua magna super me et eruisti animam meam de inferno extremo.

14 Deus, iniqui insurrexerunt super me, et synagoga potentium quæsierunt animam meam, et non proposuerunt te in conspectu suo.

Deus superbi surrexerunt adversus me et coetus robustorum quaesivit animam meam et non posuerunt te in conspectu suo.

15 Et tu, Domine Deus, miserator et misericors ; patiens, et multæ misericordiæ, et verax.

Tu autem Domine Deus misericors et clemens patiens et multae misericordiae et verus.

16 Respice in me, et miserere mei ; da imperium tuum puero tuo, et salvum fac filium ancillæ tuæ.

Respice ad me et miserere mei da fortitudinem tuam servo tuo et salva filium ancillae tuae.

17 Fac mecum signum in bonum, ut videant qui oderunt me, et confundantur, quoniam tu, Domine, adjuvisti me, et consolatus es me.

Fac mecum signum in bonitate et videant qui oderunt me et confundantur quia tu Domine auxiliatus es mihi et consolatus es me.



Hieronymus Vulgata - Vide psalmum 85. (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org - Vide psalmum 85. || Nova Vulgata Bibliorum Sacrorum Editio.

spacer 


Aperit