Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Psalmorum n

LIBER III
 

(Versiculus)

85 (In finem, n filiis Core. Psalmus.) Benedixisti, Domine, terram tuam ; avertisti captivitatem Jacob.

Victori filiorum Core canticum. Placatus es Domine terrae tuae reduxisti captivitatem Iacob.

2 Remisisti iniquitatem plebis tuæ ; operuisti omnia peccata eorum.

Dimisisti iniquitatem populo tuo operuisti omnes iniquitates eorum semper.

3 Mitigasti omnem iram tuam, avertisti ab ira indignationis tuæ.

Continuisti omnem indignationem tuam conversus es ab ira furoris tui.

4 Converte nos, Deus salutaris noster, et averte iram tuam a nobis !

Converte nos Deus Iesus noster et solve iram tuam adversum nos.

5 Numquid in æternum irasceris nobis ? aut extendes iram tuam a generatione in generationem ?

Noli in aeternum irasci nobis extendens iram tuam in generationem et generationem.

6 Deus, tu conversus vivificabis nos ; et plebs tua lætabitur in te.

Nonne tu revertens vivificabis nos et populus tuus laetabitur in te.

7 Ostende nobis, Domine, misericordiam tuam, et salutare tuum da nobis.

Ostende nobis Domine misericordiam tuam et salutare tuum da nobis.

8 Audiam quid loquatur in me Dominus Deus, quoniam loquetur pacem in plebem suam, et super sanctos suos, et in eos qui convertuntur ad cor.

Audiam quid loquatur Dominus Deus loquetur enim pacem ad populum suum et ad sanctos suos ut non convertantur ad stultitiam.

9 Verumtamen prope timentes eum salutare ipsius, ut inhabitet gloria in terra nostra.

Verumtamen prope est his qui timent eum salutare eius ut habitet gloria in terra nostra.

10 Misericordia et veritas obviaverunt sibi ; justitia et pax osculatæ sunt.

Misericordia et veritas occurrerunt iustitia et pax deosculatae sunt.

11 Veritas de terra orta est, et justitia de cælo prospexit.

Veritas de terra orta est et iustitia de caelo prospexit.

12 Etenim Dominus dabit benignitatem, et terra nostra dabit fructum suum.

Sed et Dominus dabit bonum et terra nostra dabit germen suum.

13 Justitia ante eum ambulabit, et ponet in via gressus suos.

Iustitia ante eum ibit et ponet in via gressus suos.



Hieronymus Vulgata - Vide psalmum 84. (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org - Vide psalmum 84. || Nova Vulgata Bibliorum Sacrorum Editio.

spacer 


Aperit