Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Psalmorum n

LIBER III
 

(Versiculus)

84 (In finem, n pro torcularibus filiis Core. Psalmus.) Quam dilecta tabernacula tua, Domine virtutum !

Victori pro torculari filiorum Core canticum. Quam dilecta tabernacula tua Domine exercituum.

2 Concupiscit, et deficit anima mea in atria Domini. Cor meum et caro mea exsultaverunt in Deum vivum.

Desiderat et defecit anima mea in atria Domini cor meum et caro mea laudabunt Deum viventem.

3 Etenim passer invenit sibi domum, et turtur nidum sibi, ubi ponat pullos suos. Altaria tua, Domine virtutum, rex meus, et Deus meus.

Siquidem avis invenit domum et passer nidum sibi ubi ponat pullos suos altaria tua Domine exercituum rex meus et Deus meus.

4 Beati qui habitant in domo tua, Domine ! in secula seculorum laudabunt te.

Beati qui habitant in domo tua adhuc laudabunt te semper.

5 Beatus vir cujus est auxilium abs te, ascensiones in corde suo disposuit,

Beatus homo cuius fortitudo est in te semitae in corde eius.

6 In valle lacrimarum, in loco quem posuit !

Transeuntes in valle fletus fontem ponent eam.

7 Etenim benedictionem dabit legislator, ibunt de virtute in virtutem, videbitur Deus deorum in Sion.

Benedictione quoque amicietur doctor ibunt de fortitudine in fortitudinem parebunt apud Deum in Sion.

8 Domine, Deus virtutum, exaudi orationem meam ; auribus percipe, Deus Jacob !

Domine Deus exercituum exaudi orationem meam ausculta Deus Iacob semper.

9 Protector noster, aspice, Deus, et respice in faciem christi tui !

Clipeus noster vide Deus et adtende faciem christi tui.

10 Quia melior est dies una in atriis tuis super millia. Elegi abjectus esse in domo Dei mei, magis quam habitare in tabernaculis peccatorum.

Quoniam melior est dies in atriis tuis super milia elegi abiectus esse in domo Dei mei magis quam habitare in tabernaculis impietatis.

11 Quia misericordiam et veritatem diligit Deus, gratiam et gloriam dabit Dominus.

Quia sol et scutum Dominus Deus gratiam et gloriam dabit Dominus.

12 Non privabit bonis eos qui ambulant in innocentia. Domine virtutum, beatus homo qui sperat in te !

Nec prohibebit bonum ab his qui ambulant in perfectione Domine exercituum beatus homo qui confidet in te.



Hieronymus Vulgata - Vide psalmum 83. (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org - Vide psalmum 83. || Nova Vulgata Bibliorum Sacrorum Editio.

spacer 


Aperit