Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Psalmorum n

LIBER III
 

(Versiculus)

83 (Canticum Psalmi n Asaph.) Deus, quis similis erit tibi ? Ne taceas, neque compescaris, Deus,

Canticum psalmi Asaph. Deus ne taceas ne sileas et non quiescas Deus.

2 Quoniam ecce inimici tui sonuerunt, et qui oderunt te extulerunt caput.

Quia ecce inimici tui tumultuati sunt et qui oderunt te levaverunt caput.

3 Super populum tuum malignaverunt consilium, et cogitaverunt adversus sanctos tuos.

Contra populum tuum nequiter tractaverunt et inierunt consilium adversum arcanum tuum.

4 Dixerunt : Venite, et disperdamus eos de gente ; et non memoretur nomen Israel ultra.

Dixerunt venite et conteramus eos de gente et non sit memoria nominis Israhel ultra.

5 Quoniam cogitaverunt unanimiter, simul adversum te testamentum disposuerunt,

Quoniam tractaverunt pariter contra te foedus pepigerunt.

6 Tabernacula Idumæorum, et Ismahelitæ ; Moab, et Agareni,

Tabernacula Idumeae et Ismahelitarum Moab et Aggareni.

7 Gebal, et Ammon, et Amalec ; alienigenæ cum habitantibus Tyrum.

Gebal et Ammon et Amalech Palestina cum habitatoribus Tyri.

8 Etenim Assur venit cum illis, facti sunt in adjutorium filiis Lot.

Sed et Assur venit cum eis facti sunt brachium filiorum Loth semper.

9 Fac illis sicut Madian et Sisaræ, sicut Jabin, in torrente Cisson.

Fac illis sicut Madian et Sisarae sicut Iabin in torrente Cison.

10 Disperierunt in Endor ; facti sunt ut stercus terræ.

Contriti sunt in Aendor fuerunt quasi sterquilinium terrae.

11 Pone principes eorum sicut Oreb, et Zeb, et Zebee, et Salmana ; omnes principes eorum

Pone duces eorum sicut Oreb et Zeb et Zebee et Salmana omnes principes eorum.

12 Qui dixerunt : Hæreditate possideamus sanctuarium Dei.

Qui dixerunt possideamus nobis pulchritudinem Dei.

13 Deus meus, pone illos ut rotam, et sicut stipulam ante faciem venti.

Deus meus pone eos ut rotam quasi stipulam ante faciem venti.

14 Sicut ignis qui comburit silvam, et sicut flamma comburens montes ;

Quomodo ignis conburit silvam et sicut flamma devorat montes.

15 Ita persequeris illos in tempestate tua, et in ira tua turbabis eos.

Sic persequere eos in tempestate tua et in turbine tuo conturba eos.

16 Imple facies eorum ignominia, et quærent nomen tuum, Domine.

Imple facies eorum ignominia et quaerent nomen tuum Domine.

17 Erubescant, et conturbentur in sæculum seculi ! et confundantur, et pereant !

Confundantur et conturbentur usque in saeculum et erubescant et pereant.

18 Et cognoscant quia nomen tibi Dominus ; tu solus Altissimus in omni terra.

Et sciant quia nomen tuum est Dominus solus tu Excelsus super omnem terram.



Hieronymus Vulgata - Vide psalmum 82. (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org - Vide psalmum 82. || Nova Vulgata Bibliorum Sacrorum Editio.

spacer 


Aperit