Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Psalmorum n

LIBER III
 

(Versiculus)

77 (In finem, n pro Idithun. Psalmus Asaph.) Voce mea ad Dominum clamavi ; voce mea ad Deum, et intendit mihi.

Victori per Idithun psalmus Asaph. Voce mea ad Dominum clamavi voce mea ad Dominum et exaudivit me.

2 In die tribulationis meæ Deum exquisivi ; manibus meis nocte contra eum, et non sum deceptus. Renuit consolari anima mea ;

In die tribulationis meae Dominum requisivi manus mea nocte extenditur et non quiescit noluit consolari anima mea.

3 Memor fui Dei, et delectatus sum ; et exercitatus sum, et defecit spiritus meus.

Recordans Dei conturbabar loquebar in memet ipso et deficiebat spiritus meus semper.

4 Anticipaverunt vigilias oculi mei ; turbatus sum, et non sum locutus.

Prohibebam suspectum oculorum meorum stupebam et non loquebar.

5 Cogitavi dies antiquos ; et annos æternos in mente habui.

Recogitabam dies antiquos annos pristinos.

6 Et meditatus sum nocte cum corde meo, et exercitabar, et scopebam spiritum meum.

Recordabar psalmorum meorum in nocte cum corde meo loquebar et scobebam spiritum meum.

7 Numquid in æternum projiciet Deus ? aut non apponet ut complacitior sit adhuc ?

Ergone in aeternum proiciet Dominus et non repropitiabitur ultra.

8 Aut in finem misericordiam suam abscindet a generatione in generationem ?

Ergone conplebit usque in finem misericordiam suam consummabit verbum de generatione et generatione.

9 Aut obliviscetur misereri Deus ? aut continebit in ira sua misericordias suas ?

Numquid oblitus est misereri Deus aut conplebit in furore misericordias suas semper.

10 Et dixi : Nunc cœpi ; hæc mutatio dexteræ Excelsi.

Et dixi inbecillitas mea est haec commutatio dexterae Excelsi.

11 Memor fui operum Domini, quia memor ero ab initio mirabilium tuorum,

Recordabor cogitationum Domini reminiscens antiqua mirabilia tua.

12 Et meditabor in omnibus operibus tuis ; et in adinventionibus tuis exercebor.

Et meditabor in omni opere tuo et adinventiones tuas loquar.

13 Deus, in sancto via tua. Quis deus magnus sicut Deus noster ?

Deus in sanctuario via tua quis deus magnus ut Deus.

14 Tu es Deus qui facis mirabilia. Notam fecisti in populis virtutem tuam ;

Tu es Deus faciens mirabilia ostendens in populis potentiam tuam.

15 Redemisti in brachio tuo populum tuum, filios Jacob et Joseph.

Redemisti in brachio populum tuum filios Iacob et Ioseph semper.

16 Viderunt te aquæ, Deus ; viderunt te aquæ, et timuerunt ; et turbatæ sunt abyssi.

Videntes te aquae Deus videntes te aquae parturierunt et commotae sunt abyssi.

17 Multitudo sonitus aquarum ; vocem dederunt nubes. Etenim sagittæ tuæ transeunt ;

Excusserunt aquas nubila vocem dederunt nubes et sagittae tuae discurrebant.

18 Vox tonitrui tui in rota. Illuxerunt coruscationes tuæ orbi terræ ; commota est, et contremuit terra.

Vox tonitrui tui in rota apparuerunt fulgora tua orbi concussa est et commota est terra.

19 In mari via tua, et semitæ tuæ in aquis multis, et vestigia tua non cognoscentur.

In mari via tua et semitae tuae in aquis multis et vestigia tua non sunt agnita.

20 Deduxisti sicut oves populum tuum, in manu Moysi et Aaron.

Deduxisti quasi gregem populum tuum in manu Mosi et Aaron.



Hieronymus Vulgata - Vide psalmum 76. (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org - Vide psalmum 76. || Nova Vulgata Bibliorum Sacrorum Editio.

spacer 


Aperit