75 (In finem. n Ne corrumpas. Psalmus cantici Asaph.) Confitebimur tibi, Deus ; confitebimur, et invocabimus nomen tuum. Narrabimus mirabilia tua
Victori ut non disperdas psalmus Asaph cantici. Confitebimur tibi Deus confitebimur et iuxta nomen tuum narrabunt mirabilia tua.
2 Cum accepero tempus, ego justitias judicabo.
Cum accepero tempus ego iustitias iudicabo.
3 Liquefacta est terra et omnes qui habitant in ea ; ego confirmavi columnas ejus.
Dissolvetur terra cum omnibus habitatoribus suis ego adpendi columnas eius semper.
4 Dixi iniquis : Nolite inique agere ; et delinquentibus : Nolite exaltare cornu :
Dixi inique agentibus nolite inique agere et impiis nolite exaltare cornu.
5 Nolite extollere in altum cornu vestrum ; nolite loqui adversus Deum iniquitatem.
Nolite exaltare in excelsum cornu vestrum loquentes in cervice veteri.
6 Quia neque ab oriente, neque ab occidente, neque a desertis montibus [exaltatio] ;
Quia nec ab oriente neque ab occidente neque a solitudine montium.
7 Quoniam Deus judex est. Hunc humiliat, et hunc exaltat,
Sed Deus iudex hunc humiliabit et hunc exaltabit.
8 Quia calix in manu Domini vini meri, plenus misto. Et inclinavit ex hoc in hoc, verumtamen fæx ejus non est exinanita ; bibent omnes peccatores terræ.
Quia calix in manu Domini est et vino meraco usque ad plenum mixtus et propinabit ex eo verumtamen feces eius epotabunt bibentes omnes impii terrae.
9 Ego autem annuntiabo in seculum ; cantabo Deo Jacob.
Ego autem adnuntiabo in sempiternum cantabo Deo Iacob.
10 Et omnia cornua peccatorum confringam, et exaltabuntur cornua justi.
Et omnia cornua impiorum confringam exaltabuntur cornua iusti.
Hieronymus Vulgata - Vide psalmum 74. (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org - Vide psalmum 74. || Nova Vulgata Bibliorum Sacrorum Editio.