Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Psalmorum n

LIBER II
 

(Versiculus)

72 (Psalmus, n in Salomonem.) Deus, judicium tuum regi da, et justitiam tuam filio regis ;

Salomonis. Deus iudicium regi da et iustitiam tuam filio regis.

2 Judicare populum tuum in justitia, et pauperes tuos in judicio.

Iudicabit populum tuum in iustitia et pauperes tuos in iudicio.

3 Suscipiant montes pacem populo, et colles justitiam.

Adsument montes pacem populo et colles iustitiam.

4 Judicabit pauperes populi, et salvos faciet filios pauperum, et humiliabit calumniatorem.

Iudicabit pauperes populi salvabit filios pauperis et confringet calumniatorem.

5 Et permanebit cum sole, et ante lunam, in generatione et generationem.

Et timebunt te quamdiu erit sol et ultra lunam in generatione generationum.

6 Descendet sicut pluvia in vellus, et sicut stillicidia stillantia super terram.

Descendet ut pluvia super vellus ut stillae inrorantes terram.

7 Orietur in diebus ejus justitia, et abundantia pacis, donec auferatur luna.

Germinabit in diebus eius iustitia et multitudo pacis donec non sit luna.

8 Et dominabitur a mari usque ad mare, et a flumine usque ad terminos orbis terrarum.

Et dominabitur a mari usque ad mare et a flumine usque ad terminos terrae.

9 Coram illo procident Æthiopes, et inimici ejus terram lingent.

Ante eum procident Aethiopes et inimici eius pulverem lingent.

10 Reges Tharsis et insulæ munera offerent ; reges Arabum et Saba dona adducent ;

Reges Tharsis et insulae munera offerent reges Arabiae et Saba tributum conferent.

11 Et adorabunt eum omnes reges terræ, omnes gentes servient ei,

Et adorabunt eum omnes reges universae nationes servient ei.

12 Quia liberabit pauperem a potente, et pauperem cui non erat adjutor.

Quia eruet pauperem a potente et inopem cui non est adiutor.

13 Parcet pauperi et inopi, et animas pauperum salvas faciet.

Parcet inopi et pauperi et animas pauperum salvabit.

14 Ex usuris et iniquitate redimet animas eorum, et honorabile nomen eorum coram illo.

Ab usura et iniquitate redimet animam eorum et pretiosus erit sanguis eorum coram oculis eius.

15 Et vivet, et dabitur ei de auro Arabiæ ; et adorabunt de ipso semper, tota die benedicent ei.

Et vivet et dabitur ei de auro Saba et orabunt de eo iugiter tota die benedicent ei.

16 Et erit firmamentum in terra in summis montium, superextolletur super Libanum fructus ejus ; et florebunt de civitate sicut fœnum terræ.

Erit memorabile triticum in terra in capite montium elevabitur sicut Libani fructus eius et florebunt de civitate sicut faenum terrae.

17 Sit nomen ejus benedictum in secula ! ante solem permanet nomen ejus. Et benedicentur in ipso omnes tribus terræ ; omnes gentes magnificabunt eum.

Erit nomen eius in aeternum ultra solem perseverabit nomen eius et benedicentur in eo omnes gentes et beatificabunt eum.

18 Benedictus Dominus, Deus Israel ! qui facit mirabilia solus.

Benedictus Dominus Deus Deus Israhel qui facit mirabilia solus.

19 Et benedictum nomen majestatis ejus in æternum ! et replebitur majestate ejus omnis terra ! Fiat ! fiat !

Et benedictum nomen gloriae eius in sempiternum et implebitur gloria eius universa terra amen amen.

20 Defecerunt laudes David, filii Jesse.

Conpletae sunt orationes David filii Iesse.



Hieronymus Vulgata - Vide psalmum 71. (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org - Vide psalmum 71. || Nova Vulgata Bibliorum Sacrorum Editio.

spacer 


Aperit