67 (In finem, n in hymnis. Psalmus cantici David.) Deus misereatur nostri, et benedicat nobis ! illuminet vultum suum super nos, et misereatur nostri !
Victori in psalmis canticum carminis. Deus misereatur nostri et benedicat nobis inlustret faciem suam super nos semper.
2 Ut cognoscamus in terra viam tuam, in omnibus gentibus salutare tuum.
Ut nota fiat in terra via tua in universis gentibus salus tua.
3 Confiteantur tibi populi, Deus ! confiteantur tibi populi omnes !
Confiteantur tibi populi Deus confiteantur tibi populi omnes.
4 Lætentur et exsultent gentes ! quoniam judicas populos in æquitate, et gentes in terra dirigis.
Laetentur et laudent gentes quoniam iudicas populos in aequitate et gentium quae in terra sunt ductor es sempiternus.
5 Confiteantur tibi populi, Deus ! confiteantur tibi populi omnes !
Confiteantur tibi populi Deus confiteantur tibi populi omnes.
6 Terra dedit fructum suum. Benedicat nos Deus, Deus noster !
Terra dedit germen suum benedicat nobis Deus Deus noster.
7 Benedicat nos Deus ! et metuant eum omnes fines terræ !
Benedicat nobis Deus et timeant eum omnes fines terrae.
Hieronymus Vulgata - Vide psalmum 66. (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org - Vide psalmum 66. || Nova Vulgata Bibliorum Sacrorum Editio.