Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Psalmorum n

LIBER II
 

(Versiculus)

66 (In finem. Canticum psalmi resurrectionis.) Jubilate Deo, omnis terra ;

Victori canticum psalmi. Iubilate Deo omnis terra.

2 Psalmum dicite nomini ejus ; date gloriam laudi ejus.

Cantate gloriam nomini eius date gloriam laudi eius.

3 Dicite Deo : Quam terribilia sunt opera tua, Domine ! in multitudine virtutis tuæ mentientur tibi inimici tui.

Dicite Deo quam terribile opus tuum in multitudine fortitudinis tuae mentientur tibi inimici tui.

4 Omnis terra adoret te, et psallat tibi ; psalmum dicat nomini tuo.

Omnis terra adoret te et cantet tibi cantet nomini tuo semper.

5 Venite, et videte opera Dei ; terribilis in consiliis super filios hominum ;

Venite et videte opera Dei terribilia consilia super filiis hominum.

6 Qui convertit mare in aridam, in flumine pertransibunt pede ; ibi lætabimur in ipso ;

Convertit mare in aridam in flumine pertransibunt pede ibi laetabimur in eo.

7 Qui dominatur in virtute sua in æternum, oculi ejus super gentes respiciunt. Qui exasperant non exaltentur in semetipsis.

Qui dominatur in fortitudine sua saeculo oculi eius gentes aspiciunt qui increduli sunt non exaltentur in semet ipsis semper.

8 Benedicite, gentes, Deum nostrum ; et auditam facite vocem laudis ejus ;

Benedicite populi Deo nostro et auditam facite vocem laudis eius.

9 Qui posuit animam meam ad vitam, et non dedit in commotionem pedes meos.

Qui posuit animam nostram in vitam et non dedit in commotione pedes nostros.

10 Quoniam probasti nos, Deus ! igne nos examinasti, sicut examinatur argentum.

Probasti enim nos Deus igne nos conflasti sicut conflatur argentum.

11 Induxisti nos in laqueum ; posuisti tribulationes in dorso nostro ;

Introduxisti nos in obsidione posuisti stridorem in dorso nostro.

12 Imposuisti homines super capita nostra. Transivimus per ignem et aquam ; et eduxisti nos in refrigerium.

Inposuisti homines super caput nostrum transivimus per ignem et aquam et eduxisti nos in refrigerium.

13 Introibo in domum tuam, in holocaustis ; reddam tibi vota mea,

Ingrediar domum tuam in holocaustis reddam tibi vota mea.

14 Quæ distinxerunt labia mea. Et locutum est os meum, in tribulatione mea.

Quae promiserunt tibi labia mea et locutum est os meum cum tribularer.

15 Holocausta medullata offeram tibi, cum incenso arietum ; offeram tibi boves cum hircis.

Holocausta medullata offeram tibi cum incensu arietum faciam boves cum hircis semper.

16 Venite, audite, et narrabo, omnes qui timetis Deum, quanta fecit animæ meæ.

Venite audite et narrabo omnes qui timetis Deum quanta fecerit animae meae.

17 Ad ipsum ore meo clamavi ; et exaltavi sub lingua mea.

Ipsum ore meo invocavi et exaltavi in lingua mea.

18 Iniquitatem si aspexi in corde meo, non exaudiet Dominus.

Iniquitatem si vidi in corde meo non exaudiat Dominus.

19 Propterea exaudivit Deus, et attendit voci deprecationis meæ.

Ideo exaudivit Deus et adtendit vocem deprecationis meae.

20 Benedictus Deus ! qui non amovit orationem meam, et misericordiam suam a me.

Benedictus Deus qui non abstulit orationem meam et misericordiam suam a me.



Hieronymus Vulgata - Vide psalmum 65. (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org - Vide psalmum 65. || Nova Vulgata Bibliorum Sacrorum Editio.

spacer 


Aperit