Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Psalmorum n

LIBER II
 

(Versiculus)

65 (In finem. n Psalmus David, canticum Jeremiæ et Ezechielis populo transmigrationis, cum inciperent exire.) Te decet hymnus, Deus, in Sion, et tibi reddetur votum in Jerusalem.

Victori carmen David cantici. Tibi silens laus Deus in Sion et tibi reddetur votum.

2 Exaudi orationem meam ; ad te omnis caro veniet.

Exaudi orationem donec ad te omnis caro veniat.

3 Verba iniquorum prævaluerunt super nos ; et impietatibus nostris tu propitiaberis.

Verba iniquitatum praevaluerunt adversum me sceleribus nostris tu propitiaberis.

4 Beatus quem elegisti et assumpsisti ! inhabitabit in atriis tuis. Replebimur in bonis domus tuæ ; sanctum est templum tuum,

Beatus quem elegeris et susceperis habitabit enim in atriis tuis replebimur bonis domus tuae sanctificatione templi tui.

5 Mirabile in æquitate. Exaudi nos, Deus, salutaris noster, spes omnium finium terræ, et in mari longe.

Terribilis in iustitia exaudi nos Deus salvator noster confidentia omnium finium terrae et maris longinqui.

6 Præparans montes in virtute tua, accinctus potentia ;

Praeparans montes in virtute tua accinctus fortitudine.

7 Qui conturbas profundum maris, sonum fluctuum ejus. Turbabuntur gentes,

Conpescens sonitum maris fremitum fluctuum eius et multitudinem gentium.

8 Et timebunt qui habitant terminos a signis tuis ; exitus matutini et vespere delectabis.

Et timebunt qui habitant in extremis a signis tuis egressus matutinos et vespere laudantes facies.

9 Visitasti terram, et inebriasti eam ; multiplicasti locupletare eam. Flumen Dei repletum est aquis ; parasti cibum illorum ; quoniam ita est præparatio ejus.

Visita terram et inriga eam ubertate dita eam rivus Dei plenus aqua praeparabis frumentum eorum quia sic fundasti eam.

10 Rivos ejus inebria, multiplica genimina ejus ; in stillicidiis ejus lætabitur germinans.

Sulcos eius inebria multiplica fruges eius pluviis inriga eam et germini eius benedic.

11 Benedices coronæ anni benignitatis tuæ, et campi tui replebuntur ubertate.

Volvetur annus in bonitate tua et vestigia tua rorabunt pinguidine.

12 Pinguescent speciosa deserti, et exsultatione colles accingentur.

Pinguescent pascua deserti et exultatione colles accingentur.

13 Induti sunt arietes ovium ; et valles abundabunt frumento ; clamabunt, etenim hymnum dicent.

Vestientur agnis greges et valles plenae erunt frumento coaequabuntur et canent.



Hieronymus Vulgata - Vide psalmum 64. (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org - Vide psalmum 64. || Nova Vulgata Bibliorum Sacrorum Editio.

spacer 


Aperit