Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Psalmorum n

LIBER II
 

(Versiculus)

60 (In finem, n pro his qui immutabuntur, in tituli inscriptionem ipsi David in doctrinam, cum succendit Mesopotamiam Syriæ, et Sobal, et convertit Joab, et percussit Idumæam in valle Salinarum duodecim millia.) Deus, repulisti nos, et destruxisti nos ; iratus es et misertus es nobis.

Victori pro liliis testimonium humilis et perfecti David ad docendum. Quando pugnavit adversum Syriam Mesopotamiae et adversum Syriam Suba et reversus est Ioab et percussit Edom in valle Salinarum duodecim milia. Deus proiecisti nos et scidisti iratus convertisti nos.

2 Commovisti terram, et conturbasti eam ; sana contritiones ejus, quia commota est.

Commovisti terram et disrupisti eam sana contritiones eius quoniam commota est.

3 Ostendisti populo tuo dura ; potasti nos vino compunctionis.

Ostendisti populo tuo duritiam potasti nos vino consopiente.

4 Dedisti metuentibus te significationem, ut fugiant a facie arcus : Ut liberentur dilecti tui,

Dedisti timentibus te signum ut fugerent a facie arcus semper ut liberentur amici tui.

5 Salvum fac dextera tua, et exaudi me.

Salva dextera tua et exaudi me.

6 Deus locutus est in sancto suo : Lætabor, et partibor Sichimam ; et convallem tabernaculorum metibor.

Deus locutus est in sanctuario suo laetabor dividam Sicimam et vallem Soccoth dimetiar.

7 Meus est Galaad, et meus est Manasses ; et Ephraim fortitudo capitis mei. Juda rex meus ;

Meus est Galaad et meus Manasse et Efraim fortitudo capitis mei Iudas legifer meus.

8 Moab olla spei meæ. In Idumæam extendam calceamentum meum ; mihi alienigenæ subditi sunt.

Moab olla lavacri mei super Idumeam incedam calciamento meo mihi Palestina foederata est.

9 Quis deducet me in civitatem munitam ? quis deducet me usque in Idumæam ?

Quis deducet me ad civitatem munitam quis deducet me usque ad Idumeam.

10 Nonne tu, Deus, qui repulisti nos ? Et non egredieris, Deus, in virtutibus nostris ?

Nonne tu Deus qui proiecisti nos et non egredieris Deus in exercitibus nostris.

11 Da nobis auxilium de tribulatione, quia vana salus hominis.

Da nobis auxilium in tribulatione vana est enim salus ab homine.

12 In Deo faciemus virtutem ; et ipse ad nihilum deducet tribulantes nos.

In Deo faciemus virtutem et ipse conculcabit tribulantes nos.



Hieronymus Vulgata - Vide psalmum 59. (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org - Vide psalmum 59. || Nova Vulgata Bibliorum Sacrorum Editio.

spacer 


Aperit