57 (In finem, n ne disperdas, David in tituli inscriptionem, cum fugeret a facie Saul in speluncam.) Miserere mei, Deus, miserere mei, quoniam in te confidit anima mea. Et in umbra alarum tuarum sperabo, donec transeat iniquitas.
Pro victoria ut non disperdas David humilem et simplicem quando fugit a facie Saul in spelunca. Miserere mei Deus miserere mei quoniam in te sperat anima mea in umbra alarum tuarum sperabo donec transeant insidiae.
2 Clamabo ad Deum altissimum, Deum qui benefecit mihi.
Invocabo Deum altissimum Deum ultorem meum.
3 Misit de cælo, et liberavit me ; dedit in opprobrium conculcantes me. Misit Deus misericordiam suam et veritatem suam,
Mittet de caelo et salvabit me exprobrabit conculcantibus me semper mittet Deus misericordiam suam et veritatem suam.
4 Et eripuit animam meam de medio catulorum leonum ; dormivi conturbatus. Filii hominum dentes eorum arma et sagittæ, et lingua eorum gladius acutus.
Anima mea in medio leonum dormivit ferocientium filii hominum dentes eorum lancea et sagittae et lingua eorum gladius acutus.
5 Exaltare super cælos, Deus, et in omnem terram gloria tua.
Exaltare super caelos Deus in omni terra gloria tua.
6 Laqueum paraverunt pedibus meis, et incurvaverunt animam meam. Foderunt ante faciem meam foveam, et inciderunt in eam.
Rete paraverunt gressibus meis ad incurvandam animam meam foderunt ante me foveam ceciderunt in medium eius semper.
7 Paratum cor meum, Deus, paratum cor meum ; cantabo, et psalmum dicam.
Paratum cor meum Deus paratum cor meum cantabo et psallam.
8 Exsurge, gloria mea ; exsurge, psalterium et cithara ; exsurgam diluculo.
Surge gloria mea surge psalterium et cithara surgam mane.
9 Confitebor tibi in populis, Domine, et psalmum dicam tibi in gentibus ;
Confitebor tibi in populis Domine cantabo tibi in gentibus.
10 Quoniam magnificata est usque ad cælos misericordia tua, et usque ad nubes veritas tua.
Quia magna usque ad caelos misericordia tua et usque ad nubes veritas tua.
11 Exaltare super cælos, Deus, et super omnem terram gloria tua.
Exaltare super caelos Deus in omni terra gloria tua.
Hieronymus Vulgata - Vide psalmum 56. (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org - Vide psalmum 56. || Nova Vulgata Bibliorum Sacrorum Editio.