Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Psalmorum n

LIBER II
 

(Versiculus)

55 (In finem, n in carminibus intellectus David.) Exaudi, Deus, orationem meam, et ne despexeris deprecationem meam :

Victori in psalmis eruditi David. Exaudi Deus orationem meam et ne dispicias deprecationem meam.

2 Intende mihi, et exaudi me. Contristatus sum in exercitatione mea ; et conturbatus sum

Adtende mihi et exaudi me humiliatus sum in meditatione mea et conturbatus.

3 A voce inimici, et a tribulatione peccatoris. Quoniam declinaverunt in me iniquitates, et in ira molesti erant mihi.

A voce inimici a facie persequentis impii quoniam proiecerunt super me iniquitatem et in furore adversabantur mihi.

4 Cor meum conturbatum est in me, et formido mortis cecidit super me.

Cor meum doluit in vitalibus meis et terrores mortis ceciderunt super me.

5 Timor et tremor venerunt super me, et contexerunt me tenebræ.

Timor et tremor venit super me et operuit me caligo.

6 Et dixi : Quis dabit mihi pennas sicut columbæ, et volabo, et requiescam ?

Et dixi quis dabit mihi pinnas columbae ut volem et requiescam.

7 Ecce elongavi fugiens ; et mansi in solitudine.

Ut procul abeam et commorer in deserto semper.

8 Exspectabam eum qui salvum me fecit a pusillanimitate spiritus, et tempestate.

Festinabo ut salver ab spiritu tempestatis et turbinis.

9 Præcipita, Domine, divide linguas eorum, quoniam vidi iniquitatem et contradictionem in civitate.

Praecipita Domine divide linguas eorum quoniam vidi iniquitatem et contradictionem in civitate.

10 Die ac nocte circumdabit eam super muros ejus iniquitas ; et labor in medio ejus,

Die et nocte circumeuntes muros eius scelus et dolorem in medio eius.

11 Et injustitia. Et non defecit de plateis ejus usura et dolus.

Insidiae in vitalibus eius et non recedet de plateis eius damnum et fraudulentia.

12 Quoniam si inimicus meus maledixisset mihi, sustinuissem utique. Et si is qui oderat me super me magna locutus fuisset, abscondissem me forsitan ab eo.

Non enim inimicus exprobravit mihi ut sustineam neque is qui me oderat super me magnificatus est ut abscondar ab eo.

13 Tu vero homo unanimis, dux meus, et notus meus ;

Sed tu homo unianimis meus dux meus et notus meus.

14 Qui simul mecum dulces capiebas cibos, in domo Dei ambulavimus cum consensu.

Qui simul habuimus dulce secretum in domo Dei ambulavimus in terrore.

15 Veniat mors super illos, et descendant in infernum viventes ; quoniam nequitiæ in habitaculis eorum, in medio eorum.

Veniat mors super eos descendant in infernum viventes quia nequitiae in congregatione eorum et in medio eorum.

16 Ego autem ad Deum clamavi, et Dominus salvabit me.

Ego ad Deum clamabo et Dominus salvabit me.

17 Vespere, et mane, et meridie, narrabo et annuntiabo ; et exaudiet vocem meam.

Vespere et mane et meridie eloquar et resonabo et exaudiet vocem meam.

18 Redimet in pace animam meam ab his qui appropinquant mihi ; quoniam inter multos erant mecum.

Redimet in pace animam meam ab adpropinquantibus mihi multi enim fuerunt adversum me.

19 Exaudiet Deus, et humiliabit illos, qui est ante secula. Non enim est illis commutatio, et non timuerunt Deum ;

Exaudiet Deus et humiliabit eos qui iudex est ab initio semper non enim mutantur neque timent Deum.

20 Extendit manum suam in retribuendo. Contaminaverunt testamentum ejus,

Extendit manum suam ad pacifica sua contaminabit pactum suum.

21 Divisi sunt ab ira vultus ejus ; et appropinquavit cor illius. Molliti sunt sermones ejus super oleum ; et ipsi sunt jacula.

Nitidius butyro os eius pugnat autem cor illius molliores sermones eius oleo cum sint lanceae.

22 Jacta super Dominum curam tuam, et ipse te enutriet ; non dabit in æternum fluctuationem justo.

Proice super Dominum caritatem tuam et ipse enutriet te non dabit in aeternum fluctuationem iusto.

23 Tu vero, Deus, deduces eos in puteum interitus. Viri sanguinum et dolosi non dimidiabunt dies suos ; ego autem sperabo in te, Domine.

Tu autem Deus deduces eos in puteum interitus viri sanguinum et dolosi non dimidiabunt dies suos ego autem fiduciam habeo tui.



Hieronymus Vulgata - Vide psalmum 54. (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org - Vide psalmum 54. || Nova Vulgata Bibliorum Sacrorum Editio.

spacer 


Aperit