Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Psalmorum n

LIBER II
 

(Versiculus)

47 (In finem, n pro filiis Core. Psalmus.) Omnes gentes, plaudite manibus ; jubilate Deo in voce exsultationis.

Victori filiorum Core canticum. Omnes populi plaudite manibus iubilate Deo in voce laudis.

2 Quoniam Dominus excelsus, terribilis, rex magnus super omnem terram.

Quoniam Dominus altissimus terribilis rex magnus super omnem terram.

3 Subjecit populos nobis, et gentes sub pedibus nostris.

Congregavit populos subter nos et tribus sub pedibus nostris.

4 Elegit nobis hæreditatem suam ; speciem Jacob quam dilexit.

Elegit nobis hereditatem nostram gloriam Iacob quam dilexit semper.

5 Ascendit Deus in jubilo, et Dominus in voce tubæ.

Ascendit Deus in iubilo Deus in voce bucinae.

6 Psallite Deo nostro, psallite ; psallite regi nostro, psallite ;

Canite Deo canite canite regi nostro canite.

7 Quoniam rex omnis terræ Deus, psallite sapienter.

Quia rex universae terrae Deus canite erudite.

8 Regnabit Deus super gentes ; Deus sedet super sedem sanctam suam.

Regnavit Deus super gentes Deus sedet super thronum sanctum suum.

9 Principes populorum congregati sunt cum Deo Abraham, quoniam dii fortes terræ vehementer elevati sunt.

Principes populorum congregati sunt populus Dei Abraham quoniam Dei scuta terrae vehementer elevata sunt.



Hieronymus Vulgata - Vide psalmum 46. (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org - Vide psalmum 46. || Nova Vulgata Bibliorum Sacrorum Editio.

spacer 


Aperit