Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Psalmorum n

LIBER I
 

(Versiculus)

30 (Psalmus cantici, n in dedicatione domus David.) Exaltabo te, Domine, quoniam suscepisti me, nec delectasti inimicos meos super me.

Psalmus cantici pro dedicatione domus David. Exaltabo te Domine quoniam salvasti me et non delectasti inimicos meos super me.

2 Domine Deus meus, clamavi ad te, et sanasti me.

Domine Deus meus clamavi ad te et sanasti me.

3 Domine, eduxisti ab inferno animam meam ; salvasti me a descendentibus in lacum.

Domine eduxisti de inferno animam meam vivificasti me ne descenderem in lacum.

4 Psallite Domino, sancti ejus ; et confitemini memoriæ sanctitatis ejus.

Cantate Domino sancti eius et confitemini memoriae sanctitatis eius.

5 Quoniam ira in indignatione ejus, et vita in voluntate ejus. Ad vesperum demorabitur fletus, et ad matutinum lætitia.

Quoniam ad momentum est ira eius et vita in repropitiatione eius ad vesperum commorabitur fletus et in matutino laus.

6 Ego autem dixi in abundantia mea : Non movebor in æternum.

Ego autem dixi in abundantia mea non commovebor in sempiternum.

7 Domine, in voluntate tua præstitisti decori meo virtutem. Avertisti faciem tuam a me, et factus sum conturbatus.

Domine in voluntate tua posuisti monti meo fortitudinem abscondisti faciem tuam et factus sum conturbatus.

8 Ad te, Domine, clamabo ; et ad Deum meum deprecabor.

Ad Dominum clamabo et Dominum deprecabor.

9 Quæ utilitas in sanguine meo, dum descendo in corruptionem ? Numquid confitebitur tibi pulvis, aut annuntiabit veritatem tuam ?

Quae est utilitas in sanguine meo cum descendero in corruptionem numquid confitebitur tibi pulvis aut adnuntiabit veritatem tuam.

10 Audivit Dominus, et misertus est mei ; Dominus factus est adjutor meus.

Audi Domine et miserere mei Domine esto adiutor.

11 Convertisti planctum meum in gaudium mihi ; conscidisti saccum meum, et circumdedisti me lætitia,

Convertisti planctum meum in chorum mihi solvisti saccum meum et accinxisti me laetitia.

12 Ut cantet tibi gloria mea, et non compungar. Domine Deus meus, in æternum confitebor tibi.

Ut laudet te gloria et non taceat Domine Deus meus in sempiternum confitebor tibi.



Hieronymus Vulgata - Vide psalmum 29. (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org - Vide psalmum 29. || Nova Vulgata Bibliorum Sacrorum Editio.

spacer 


Aperit