29 (Psalmus David. In consummatione tabernaculi.) Afferte Domino, filii Dei ; afferte Domino filios arietum.
Canticum David. Adferte Domino filios arietum.
2 Afferte Domino gloriam et honorem ; afferte Domino gloriam nomini ejus ; adorate Dominum in atrio sancto ejus.
Adferte Domino gloriam et imperium adferte Domino gloriam nomini eius adorate Dominum in decore sancto.
3 Vox Domini super aquas ; Deus majestatis intonuit ; Dominus super aquas multas.
Vox Domini super aquas Deus gloriae intonuit Dominus super aquas multas.
4 Vox Domini in virtute ; vox Domini in magnificentia.
Vox Domini in fortitudine vox Domini in decore.
5 Vox Domini confringentis cedros, et confringet Dominus cedros Libani ;
Vox Domini confringentis cedros et confringet Dominus cedros Libani.
6 Et comminuet eas tanquam vitulum Libani ; et dilectus quemadmodum filius unicornium.
Et disperget eas quasi vitulus Libani et Sarion quasi filius rinocerotis.
7 Vox Domini intercidentis flammam ignis ;
Vox Domini dividens flammas ignis.
8 Vox Domini concutientis desertum, et commovebit Dominus desertum Cades.
Vox Domini parturire faciens desertum Cades.
9 Vox Domini præparantis cervos, et revelabit condensa ; et in templo ejus omnes dicent gloriam.
Vox Domini obsetricans cervis et revelans saltus et in templo eius omnis loquetur gloriam.
10 Dominus diluvium inhabitare facit ; et sedebit Dominus rex in æternum.
Dominus diluvium inhabitat et sedebit Dominus rex in aeternum.
11 Dominus virtutem populo suo dabit ; Dominus benedicet populo suo in pace.
Dominus fortitudinem populo suo dabit Dominus benedicet populo suo in pace.
Hieronymus Vulgata - Vide psalmum 28. (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org - Vide psalmum 28. || Nova Vulgata Bibliorum Sacrorum Editio.