149 Alleluja. Cantate Domino canticum novum ; laus ejus in ecclesia sanctorum !
Alleluia cantate Domino canticum novum laus eius in congregatione sanctorum.
2 Lætetur Israel in eo qui fecit eum ! et filii Sion exsultent in rege suo !
Laetetur Israhel in factore suo filii Sion exultent in rege suo.
3 Laudent nomen ejus in choro ! in tympano et psalterio psallant ei !
Laudent nomen eius in choro in tympano et cithara cantent ei.
4 Quia beneplacitum est Domino in populo suo, et exaltabit mansuetos in salutem.
Quia conplacet sibi Dominus in populo suo exaltabit mansuetos in Iesu.
5 Exultabunt sancti in gloria, lætabuntur in cubilibus suis.
Exultabunt sancti in gloria laudabunt in cubilibus suis.
6 Exaltationes Dei in gutture eorum ; et gladii ancipites in manibus eorum,
Exaltationes Dei in gutture eorum et gladii ancipites in manibus eorum.
7 Ad faciendam vindictam in nationibus, increpationes in populis ;
Ad faciendam vindictam in gentibus increpationes in populis.
8 Ad alligandos reges eorum in compedibus, et nobiles eorum in manicis ferreis ;
Ut alligent reges eorum catenis et inclitos eorum conpedibus ferreis.
9 Ut faciant in eis judicium conscriptum. Gloria hæc est omnibus sanctis ejus. Alleluja.
Ut faciant in eis iudicium scriptum decor est omnium sanctorum eius alleluia.
Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org || Nova Vulgata Bibliorum Sacrorum Editio.