150 (Alleluja.) Laudate Dominum in sanctis ejus ; laudate eum in firmamento virtutis ejus.
Alleluia. Laudate Deum in sancto eius laudate eum in fortitudine potentiae eius.
2 Laudate eum in virtutibus ejus ; laudate eum secundum multitudinem magnitudinis ejus.
Laudate eum in fortitudinibus eius laudate eum iuxta multitudinem magnificentiae suae.
3 Laudate eum in sono tubæ ; laudate eum in psalterio et cithara.
Laudate eum in clangore bucinae laudate eum in psalterio et cithara.
4 Laudate eum in tympano et choro ; laudate eum in chordis et organo.
Laudate eum in tympano et choro laudate eum in cordis et organo.
5 Laudate eum in cymbalis benesonantibus ; laudate eum in cymbalis jubilationis.
Laudate eum in cymbalis sonantibus laudate eum in cymbalis tinnientibus.
6 Omnis spiritus laudet Dominum. Alleluja.
Omne quod spirat laudet Dominum alleluia.
Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org || Nova Vulgata Bibliorum Sacrorum Editio.