Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Psalmorum n

LIBER V
 

(Versiculus)

136 Alleluja. Confitemini Domino, quoniam bonus, quoniam in æternum misericordia ejus.

Confitemini Domino quoniam bonus quoniam in aeternum misericordia eius.

2 Confitemini Deo deorum, quoniam in æternum misericordia ejus.

Confitemini Deo deorum quoniam in aeternum misericordia eius.

3 Confitemini Domino dominorum, quoniam in æternum misericordia ejus.

Confitemini Domino dominorum quoniam in aeternum misericordia eius.

4 Qui facit mirabilia magna solus, quoniam in æternum misericordia ejus.

Qui facit mirabilia magna solus quoniam in aeternum misericordia eius.

5 Qui fecit cælos in intellectu, quoniam in æternum misericordia ejus.

Qui fecit caelos in sapientia quoniam in aeternum misericordia eius.

6 Qui firmavit terram super aquas, quoniam in æternum misericordia ejus.

Qui firmavit terram super aquas quoniam in aeternum misericordia eius.

7 Qui fecit luminaria magna, quoniam in æternum misericordia ejus :

Qui fecit luminaria magna quoniam in aeternum misericordia eius.

8 Solem, in potestatem diei, quoniam in æternum misericordia ejus ;

Solem in potestatem diei quoniam in aeternum misericordia eius.

9 Lunam et stellas, in potestatem noctis, quoniam in æternum misericordia ejus.

Lunam et stellas in potestatem noctis quoniam in aeternum misericordia eius.

10 Qui percussit Ægyptum cum primogenitis eorum, quoniam in æternum misericordia ejus.

Qui percussit Aegyptum cum primitivis suis quoniam in aeternum misericordia eius.

11 Qui eduxit Israel de medio eorum, quoniam in æternum misericordia ejus ;

Et eduxit Israhel de medio eorum quoniam in aeternum misericordia eius.

12 In manu potenti et brachio excelso, quoniam in æternum misericordia ejus.

In manu valida et in brachio extento quoniam in aeternum misericordia eius.

13 Qui divisit mare Rubrum in divisiones, quoniam in æternum misericordia ejus ;

Qui divisit mare Rubrum in divisiones quoniam in aeternum misericordia eius.

14 Et eduxit Israel per medium ejus, quoniam in æternum misericordia ejus ;

Et eduxit Israhel in medio eius quoniam in aeternum misericordia eius.

15 Et excussit Pharaonem et virtutem ejus in mari Rubro, quoniam in æternum misericordia ejus.

Et convolvit Pharao et exercitum eius in mari Rubro quoniam in aeternum misericordia eius.

16 Qui traduxit populum suum per desertum, quoniam in æternum misericordia ejus.

Qui duxit populum suum per desertum quoniam in aeternum misericordia eius.

17 Qui percussit reges magnos, quoniam in æternum misericordia ejus.

Qui percussit reges magnos quoniam in aeternum misericordia eius.

18 Et occidit reges fortes, quoniam in æternum misericordia ejus ;

Et occidit reges magnificos quoniam in aeternum misericordia eius.

19 Sehon, regem Amorrhæorum, quoniam in æternum misericordia ejus ;

Seon regem Amorreorum quoniam in aeternum misericordia eius.

20 Et Og, regem Basan, quoniam in æternum misericordia ejus ;

Et Og regem Basan quoniam in aeternum misericordia eius.

21 Et dedit terram eorum hæreditatem, quoniam in æternum misericordia ejus ;

Et dedit terram eorum in hereditatem quoniam in aeternum misericordia eius.

22 Hæreditatem Israel, servo suo, quoniam in æternum misericordia ejus.

Hereditatem Israhel servo suo quoniam in aeternum misericordia eius.

23 Quia in humilitate nostra memor fuit nostri, quoniam in æternum misericordia ejus ;

Quia in humilitate nostra memor fuit nostri quoniam in aeternum misericordia eius.

24 Et redemit nos ab inimicis nostris, quoniam in æternum misericordia ejus.

Et redemit nos de hostibus nostris quoniam in aeternum misericordia eius.

25 Qui dat escam omni carni, quoniam in æternum misericordia ejus.

Qui dat panem omni carni quoniam in aeternum misericordia eius.

26 Confitemini Deo cæli, quoniam in æternum misericordia ejus.

Confitemini Deo caeli quoniam in aeternum misericordia eius.



Hieronymus Vulgata - Vide psalmum 135. (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org - Vide psalmum 135. || Nova Vulgata Bibliorum Sacrorum Editio.

spacer 


Aperit