132 (Canticum graduum.) Memento, Domine, David, et omnis mansuetudinis ejus.
Canticum graduum. Memento Domine David et omnis adflictionis eius.
2 Sicut juravit Domino, votum vovit Deo Jacob :
Qui iuravit Domino votum vovit Deo Iacob.
3 Si introiero in tabernaculum domus meæ ; si ascendero in lectum strati mei ;
Si intravero in tabernaculum domus meae si adsedero super lectum straminis mei.
4 Si dedero somnum oculis meis, et palpebris meis dormitationem ;
Si dedero somnum oculis meis et palpebris dormitationem.
5 Et requiem temporibus meis, donec inveniam locum Domino, tabernaculum Deo Jacob.
Donec inveniam locum Domino tabernacula Deo Iacob.
6 Ecce audivimus eam in Ephrata ; invenimus eam in campis silvæ.
Ecce audivimus illum in Ephrata invenimus illum in regione saltus.
7 Introibimus in tabernaculum ejus ; adorabimus in loco ubi steterunt pedes ejus.
Intremus in tabernacula eius adoremus scabillum pedum eius.
8 Surge, Domine, in requiem tuam, tu et arca sanctificationis tuæ.
Surge Domine in requiem tuam tu et arca fortitudinis tuae.
9 Sacerdotes tui induantur justitiam, et sancti tui exsultent.
Sacerdotes tui induantur iustitia et sancti tui laudent.
10 Propter David, servum tuum, non avertas faciem Christi tui.
Propter David servum tuum ne avertas faciem christi tui.
11 Juravit Dominus David veritatem, et non frustrabitur eam. De fructu ventris tui ponam super sedem tuam.
Iuravit Dominus David veritatem non avertetur ab ea de fructu ventris tui ponam super sedem tuam.
12 Si custodierint filii tui testamentum meum, et testimonia mea hæc quæ docebo eos. Et filii eorum usque in seculum, sedebunt super sedem tuam.
Si custodierint filii tui pactum meum et testificationem meam quam docuero eos et filii eorum usque in aeternum sedebunt super thronum tuum.
13 Quoniam elegit Dominus Sion, elegit eam in habitationem sibi.
Quia elegit Dominus Sion desideravit eam in habitaculum suum.
14 Hæc requies mea in seculum seculi ; hic habitabo, quoniam elegi eam.
Haec est requies mea in sempiternum hic habitabo quia desideravi eam.
15 Viduam ejus benedicens benedicam ; pauperes ejus saturabo panibus.
Venationem eius benedicens benedicam pauperes eius saturabo pane.
16 Sacerdotes ejus induam salutari, et sancti ejus exsultatione exsultabunt.
Sacerdotes eius induam salutari et sancti eius laude laudabunt.
17 Illuc producam cornu David ; paravi lucernam Christo meo.
Ibi oriri faciam cornu David paravi lucernam christo meo.
18 Inimicos ejus induam confusione ; super ipsum autem efflorebit sanctificatio mea.
Inimicos eius induam confusione super ipsum autem florebit sanctificatio eius.
Hieronymus Vulgata - Vide psalmum 131. (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org - Vide psalmum 131. || Nova Vulgata Bibliorum Sacrorum Editio.