Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Psalmorum n

LIBER V
 

(Versiculus)

118 (Alleluja.) Confitemini Domino, quoniam bonus, quoniam in seculum misericordia ejus.

Confitemini Domino quoniam bonus quoniam in aeternum misericordia eius.

2 Dicat nunc Israel, quoniam bonus, quoniam in seculum misericordia ejus.

Dicat nunc Israhel quoniam in aeternum misericordia eius.

3 Dicat nunc domus Aaron, quoniam in seculum misericordia ejus.

Dicat domus Aaron quoniam in aeternum misericordia eius.

4 Dicant nunc qui timent Dominum, quoniam in seculum misericordia ejus.

Dicant qui timent Dominum quoniam in aeternum misericordia eius.

5 De tribulatione invocavi Dominum ; et exaudivit me in latitudine Dominus.

Cum tribularer invocavi Dominum et exaudivit me in latitudine Dominus.

6 Dominus mihi adjutor ; non timebo quid faciat mihi homo.

Dominus meus es non timebo quid faciat mihi homo.

7 Dominus mihi adjutor ; et ego despiciam inimicos meos.

Dominus mihi auxiliator et ego despiciam odientes me.

8 Bonum est confidere in Domino, quam confidere in homine.

Melius est sperare in Domino quam sperare in homine.

9 Bonum est sperare in Domino, quam sperare in principibus.

Melius est sperare in Domino quam sperare in principibus.

10 Omnes gentes circuierunt me ; et in nomine Domini quia ultus sum in eos.

Omnes gentes circumdederunt me et in nomine Domini ultus sum eas.

11 Circumdantes circumdederunt me ; et in nomine Domini quia ultus sum in eos.

Circumdederunt me et obsederunt me sed in nomine Domini ultus sum eas.

12 Circumdederunt me sicut apes, et exarserunt sicut ignis in spinis ; et in nomine Domini quia ultus sum in eos.

Circumdederunt me quasi apes extinctae sunt quasi ignis spinarum in nomine Domini quia ultus sum eas.

13 Impulsus eversus sum, ut caderem ; et Dominus suscepit me.

Inpulsus pellebar ut caderem et Dominus sustentavit me.

14 Fortitudo mea et laus mea Dominus ; et factus est mihi in salutem.

Fortitudo mea et laus mea Dominus et factus est mihi in salutem.

15 Vox exsultationis et salutis in tabernaculis justorum.

Vox laudis et salutis in tabernaculis iustorum.

16 Dextera Domini fecit virtutem, dextera Domini exaltavit me ; dextera Domini fecit virtutem.

Dextera Domini fecit fortitudinem dextera Domini excelsa dextera Domini fecit fortitudinem.

17 Non moriar, sed vivam ; et narrabo opera Domini.

Non moriar sed vivam et narrabo opera Domini.

18 Castigans castigavit me Dominus, et morti non tradidit me.

Corripiens arguit me Dominus et morti non tradidit me.

19 Aperite mihi portas justitiæ, ingressus in eas, confitebor Domino.

Aperite mihi portas iustitiae ingressus eas confitebor Domino.

20 Hæc porta Domini, justi intrabunt in eam.

Haec est porta Domini iusti intrabunt in eam.

21 Confitebor tibi quoniam exaudisti me, et factus es mihi in salutem.

Confitebor tibi quoniam exaudisti me et factus es mihi in salutem.

22 Lapidem quem reprobaverunt ædificantes, hic factus est in caput anguli.

Lapis quem reprobaverunt aedificantes factus est in caput anguli.

23 A Domino factum est istud, et est mirabile in oculis nostris.

A Domino factum est istud et hoc mirabile in oculis nostris.

24 Hæc est dies quam fecit Dominus ; exsultemus, et lætemur in ea.

Haec est dies quam fecit Dominus exultemus et laetemur in ea.

25 O Domine, salvum me fac ; o Domine, bene prosperare ;

Obsecro Domine salva obsecro obsecro Domine prosperare obsecro.

26 Benedictus qui venit in nomine Domini ! Benediximus vobis de domo Domini ;

Benedictus qui venit in nomine Domini benediximus vobis de domo Domini.

27 Deus Dominus, et illuxit nobis. Constituite diem solemnem in condensis, usque ad cornu altaris.

Deus Dominus et apparuit nobis frequentate sollemnitatem in frondosis usque ad cornua altaris.

28 Deus meus es tu, et confitebor tibi ; Deus meus es tu, et exaltabo te. Confitebor tibi quoniam exaudisti me, et factus es mihi in salutem.

Deus meus es tu et confitebor tibi Deus meus es tu exaltabo te.

29 Confitemini Domino, quoniam bonus, quoniam in seculum misericordia ejus.

Confitemini Domino quoniam bonus quoniam in aeternum misericordia eius.



Hieronymus Vulgata - Vide psalmum 117. (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org - Vide psalmum 117. || Nova Vulgata Bibliorum Sacrorum Editio.

spacer 


Aperit