Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Psalmorum

LIBER I
 

(Versiculus)

7 (Psalmus David, n quem cantavit Domino pro verbis Chusi filii Jemini.) Domine Deus meus, in te speravi ; salvum me fac ex omnibus persequentibus me, et libera me.

Pro ignoratione David quod cecinit Domino super verbis Aethiopis filii Iemini. Domine Deus meus in te speravi salva me ab omnibus persequentibus me et libera me.

2 Ne quando rapiat ut leo animam meam, dum non est qui redimat, neque qui salvum faciat.

Ne forte capiat ut leo animam meam laceret et non sit qui eruat.

3 Domine Deus meus, si feci istud, si est iniquitas in manibus meis,

Domine Deus meus si feci istud si est iniquitas in manibus meis.

4 Si reddidi retribuentibus mihi mala, decidam merito ab inimicis meis inanis.

Si reddidi retribuentibus mihi malum et dimisi hostes meos vacuos.

5 Persequatur inimicus animam meam, et comprehendat ; et conculcet in terra vitam meam, et gloriam meam in pulverem deducat.

Persequatur inimicus animam meam et adprehendat et conculcet in terra vitam meam et gloriam meam in pulverem conlocet semper.

6 Exsurge, Domine, in ira tua ; et exaltare in finibus inimicorum meorum. Et exsurge, Domine Deus meus, in præcepto quod mandasti ;

Surge Domine in furore tuo elevare indignans super hostes meos et consurge ad me iudicio quod mandasti.

7 Et synagoga populorum circumdabit te. Et propter hanc in altum regredere.

Et congregatio tribuum circumdet te et pro hac in altum revertere.

8 Dominus judicat populos. Judica me, Domine, secundum justitiam meam, et secundum innocentiam meam super me.

Dominus iudicabit populos iudica me Domine secundum iustitiam meam et secundum simplicitatem meam quae est in me.

9 Consumetur nequitia peccatorum ; et diriges justum, scrutans corda et renes, Deus.

Consumatur malum iniquorum et confirmetur iustitia probator cordis et renum Deus iustus.

10 Justum adjutorium meum a Domino, qui salvos facit rectos corde.

Clipeus meus in Deo qui salvat rectos corde.

11 Deus judex justus, fortis, et patiens ; numquid irascitur per singulos dies ?

Deus iudex iustus et fortis comminans tota die.

12 Nisi conversi fueritis, gladium suum vibrabit ; arcum suum tetendit, et paravit illum.

Non convertenti gladium suum acuet arcum suum tetendit et paravit illum.

13 Et in eo paravit vasa mortis ; sagittas suas ardentibus effecit.

Et in ipso praeparavit vasa mortis sagittas suas ad conburendum operatus est.

14 Ecce parturiit injustitiam ; concepit dolorem, et peperit iniquitatem.

Ecce parturit iniquitatem et concepto dolore peperit mendacium.

15 Lacum aperuit, et effodit eum ; et incidit in foveam quam fecit.

Lacum aperuit et effodit eum et incidet in interitum quem operatus est.

16 Convertetur dolor ejus in caput ejus, et in verticem ipsius iniquitas ejus descendet.

Revertetur dolor suus in caput eius et super verticem eius iniquitas sua descendet.

17 Confitebor Domino secundum justitiam ejus ; et psallam nomini Domini altissimi.

Confitebor Domino secundum iustitiam eius et cantabo nomini Domini altissimi.



Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org || Nova Vulgata Bibliorum Sacrorum Editio.

spacer 


Aperit