45 Verbum, quod locutus est Jeremias propheta ad Baruch filium Neriæ, cum scripsisset verba hæc in libro ex ore Jeremiæ, anno quarto Joakim filii Josiæ regis Juda, dicens :
Verbum quod locutus est Hieremias propheta ad Baruch filium Neri cum scripsisset verba haec in libro de ore Hieremiae anno quarto Ioachim filii Iosiae regis Iuda dicens.
2 Hæc dicit Dominus Deus Israel ad te Baruch ;
Haec dicit Dominus Deus Israhel ad te Baruch.
3 Dixisti : Væ misero mihi, quoniam addidit Dominus dolorem dolori meo ; laboravi in gemitu meo, et requiem non inveni.
Dixisti vae misero mihi quoniam addidit Dominus dolorem dolori meo laboravi in gemitu meo et requiem non inveni.
4 Hæc dicit Dominus : Sic dices ad eum : Ecce quos ædificavi, ego destruo ; et quos plantavi, ego evello, et universam terram hanc :
Haec dices ad eum sic dicit Dominus ecce quos aedificavi ego destruo et quos plantavi ego evello et universam terram hanc.
5 Et tu quæris tibi grandia ? noli quærere ; quia ecce ego adducam malum super omnem carnem, ait Dominus ; et dabo tibi animam tuam in salutem in omnibus locis, ad quæcumque perrexeris.
Et tu quaeris tibi grandia noli quaerere quia ecce ego adducam malum super omnem carnem ait Dominus et dabo tibi animam tuam in salutem in omnibus locis ad quaecumque perrexeris.
Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org || Nova Vulgata Bibliorum Sacrorum Editio.