Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Job

(Versiculus)

22 Respondens autem Eliphaz Themanites, dixit :

Respondens autem Eliphaz Themanites dixit.

2 Numquid Deo potest comparari homo, etiam cum perfectæ fuerit scientiæ ?

Numquid Deo conparari potest homo etiam cum perfectae fuerit scientiae.

3 Quid prodest Deo, si justus fueris ? aut quid ei confers, si immaculata fuerit via tua ?

Quid prodest Deo si iustus fueris aut quid ei confers si inmaculata fuerit via tua.

4 Numquid timens arguet te, et veniet tecum in judicium,

Numquid timens arguet te et veniet tecum in iudicium.

5 Et non propter malitiam tuam plurimam, et infinitas iniquitates tuas ?

Et non propter malitiam tuam plurimam et infinitas iniquitates tuas.

6 Abstulisti enim pignus fratrum tuorum sine causa, et nudos spoliasti vestibus.

Abstulisti enim pignus fratrum tuorum sine causa et nudos spoliasti vestibus.

7 Aquam lasso non dedisti, et esurienti subtraxisti panem.

Aquam lasso non dedisti et esurienti subtraxisti panem.

8 In fortitudine brachii tui possidebas terram, et potentissimus obtinebas eam.

In fortitudine brachii tui possidebas terram et potentissimus obtinebas eam.

9 Viduas dimisisti vacuas, et lacertos pupillorum comminuisti.

Viduas dimisisti vacuas et lacertos pupillorum comminuisti.

10 Propterea circumdatus es laqueis, et conturbat te formido subita.

Propterea circumdatus es laqueis et conturbat te formido subita.

11 Et putabas te tenebras non visurum, et impetu aquarum inundantium non oppressum iri ?

Et putabas te tenebras non visurum et impetu aquarum inundantium non oppressurum.

12 An non cogitas quod Deus excelsior cœlo sit, et super stellarum verticem sublimetur ?

An cogitas quod Deus excelsior caelo et super stellarum vertices sublimetur.

13 Et dicis : Quid enim novit Deus ? et quasi per caliginem judicat.

Et dicis quid enim novit Deus et quasi per caliginem iudicat.

14 Nubes latibulum ejus, nec nostra considerat, et circa cardines cæli perambulat.

Nubes latibulum eius nec nostra considerat et circa cardines caeli perambulat.

15 Numquid semitam sæculorum custodire cupis, quam calcaverunt viri iniqui,

Numquid semitam saeculorum custodire cupis quam calcaverunt viri iniqui.

16 Qui sublati sunt ante tempus suum, et fluvius subvertit fundamentum eorum :

Qui sublati sunt ante tempus suum et fluvius subvertit fundamentum eorum.

17 Qui dicebant Deo : Recede a nobis : et quasi nihil posset facere Omnipotens, æstimabant eum :

Qui dicebant Deo recede a nobis et quasi nihil possit facere Omnipotens aestimabant eum.

18 Cum ille implesset domos eorum bonis : quorum sententia procul sit a me.

Cum ille implesset domos eorum bonis quorum sententia procul sit a me.

19 Videbunt justi, et lætabuntur, et innocens subsannabit eos.

Videbunt iusti et laetabuntur et innocens subsannabit eos.

20 Nonne succisa est erectio eorum, et reliquias eorum devoravit ignis ?

Nonne succisa est erectio eorum et reliquias eorum devoravit ignis.

21 Acquiesce igitur ei, et habeto pacem ; et per hæc habebis fructus optimos.

Adquiesce igitur ei et habeto pacem et per haec habebis fructus optimos.

22 Suscipe ex ore illius legem, et pone sermones ejus in corde tuo.

Suscipe ex ore illius legem et pone sermones eius in corde tuo.

23 Si reversus fueris ad Omnipotentem, ædificaberis, et longe facies iniquitatem a tabernaculo tuo.

Si reversus fueris ad Omnipotentem aedificaberis et longe facies iniquitatem a tabernaculo tuo.

24 Dabit pro terra silicem, et pro silice torrentes aureos.

Dabit pro terra silicem et pro silice torrentes aureos.

25 Eritque Omnipotens contra hostes tuos, et argentum coacervabitur tibi.

Eritque Omnipotens contra hostes tuos et argentum coacervabitur tibi.

26 Tunc super Omnipotentem deliciis afflues, et elevabis ad Deum faciem tuam.

Tunc super Omnipotentem deliciis afflues et elevabis ad Deum faciem tuam.

27 Rogabis eum, et exaudiet te, et vota tua reddes.

Rogabis eum et exaudiet te et vota tua reddes.

28 Decernes rem, et veniet tibi, et in viis tuis splendebit lumen.

Decernes rem et veniet tibi et in viis tuis splendebit lumen.

29 Qui enim humiliatus fuerit, erit in gloria : et qui inclinaverit oculos, ipse salvabitur.

Qui enim humiliatus fuerit erit in gloria et qui inclinaverit oculos suos ipse salvabitur.

30 Salvabitur innocens, salvabitur autem in munditia manuum suarum.

Salvabitur innocens salvabitur autem munditia manuum suarum.



Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org || Nova Vulgata Bibliorum Sacrorum Editio.

spacer 


Aperit