Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Job

(Versiculus)

4 Respondens autem Eliphaz Themanites, dixit :

Respondens autem Eliphaz Themanites dixit.

2 Si cœperimus loqui tibi, forsitan moleste accipies ; sed conceptum sermonem tenere quis poterit ?

Si coeperimus loqui tibi forsitan moleste accipias sed conceptum sermonem tenere quis possit.

3 Ecce docuisti multos, et manus lassas roborasti ;

Ecce docuisti multos et manus lassas roborasti.

4 Vacillantes confirmaverunt sermones tui, et genua trementia confortasti ;

Vacillantes confirmaverunt sermones tui et genua trementia confortasti.

5 Nunc autem venit super te plaga, et defecisti ; tetigit te, et conturbatus es.

Nunc autem venit super te plaga et defecisti tetigit te et conturbatus es.

6 Ubi est timor tuus, fortitudo tua, patientia tua, et perfectio viarum tuarum ?

Timor tuus fortitudo tua patientia tua et perfectio viarum tuarum.

7 Recordare, obsecro te, quis umquam innocens periit ? aut quando recti deleti sunt ?

Recordare obsecro te quis umquam innocens perierit aut quando recti deleti sint.

8 Quin potius vidi eos, qui operantur iniquitatem, et seminant dolores, et metunt eos,

Quin potius vidi eos qui operantur iniquitatem et seminant dolores et metunt eos.

9 Flante Deo perisse, et spiritu iræ ejus esse consumptos.

Flante Deo perisse et spiritu irae eius esse consumptos.

10 Rugitus leonis, et vox leænæ, et dentes catulorum leonum contriti sunt ;

Rugitus leonis et vox leaenae et dentes catulorum leonum contriti sunt.

11 Tigris periit, eo quod non haberet prædam, et catuli leonis dissipati sunt.

Tigris periit eo quod non haberet praedam et catuli leonis dissipati sunt.

12 Porro ad me dictum est verbum absconditum, et quasi furtive suscepit auris mea venas susurri ejus.

Porro ad me dictum est verbum absconditum et quasi furtive suscepit auris mea venas susurri eius.

13 In horrore visionis nocturnæ, quando solet sopor occupare homines,

In horrore visionis nocturnae quando solet sopor occupare homines.

14 Pavor tenuit me, et tremor, et omnia ossa mea perterrita sunt.

Pavor tenuit me et tremor et omnia ossa mea perterrita sunt.

15 Et cum spiritus, me præsente transiret, inhorruerunt pili carnis meæ.

Et cum spiritus me praesente transiret inhorruerunt pili carnis meae.

16 Stetit quidam, cujus non agnoscebam vultum, imago coram oculis meis, et vocem quasi auræ lenis audivi.

Stetit quidam cuius non agnoscebam vultum imago coram oculis meis et vocem quasi aurae lenis audivi.

17 Numquid homo, Dei comparatione, justificabitur, aut factore suo purior erit vir ?

Numquid homo Dei conparatione iustificabitur aut factore suo purior erit vir.

18 Ecce qui serviunt ei, non sunt stabiles, et in angelis suis reperit pravitatem ;

Ecce qui serviunt ei non sunt stabiles et in angelis suis repperit pravitatem.

19 Quanto magis hi qui habitant domos luteas, qui terrenum habent fundamentum, consumentur velut a tinea ?

Quanto magis hii qui habitant domos luteas qui terrenum habent fundamentum consumentur velut a tinea.

20 De mane usque ad vesperam succidentur ; et quia nullus intelligit, in æternum peribunt.

De mane usque ad vesperum succidentur et quia nullus intellegit in aeternum peribunt.

21 Qui autem reliqui fuerint, auferentur ex eis ; morientur, et non in sapientia.

Qui autem reliqui fuerint auferentur ex eis morientur et non in sapientia.



Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org || Nova Vulgata Bibliorum Sacrorum Editio.

spacer 


Aperit