Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Isaiæ

(Versiculus)

1 Visio Isaiæ, filii Amos, quam vidit super Judam et Jerusalem, in diebus Oziæ, Joathan, Achaz, et Ezechiæ, regum Juda.

Visio Isaiae filii Amos quam vidit super Iudam et Hierusalem in diebus Oziae Ioatham Ahaz Ezechiae regum Iuda.

2 Audite, cæli ; et auribus percipe, terra, quoniam Dominus locutus est : Filios enutrivi, et exaltavi ; ipsi autem speverunt me.

Audite caeli et auribus percipe terra quoniam Dominus locutus est filios enutrivi et exaltavi ipsi autem spreverunt me.

3 Cognovit bos possessorem suum, et asinus præsepe domini sui ; Israel autem me non cognovit, et populus meus non intellexit.

Cognovit bos possessorem suum et asinus praesepe domini sui Israhel non cognovit populus meus non intellexit.

4 Væ genti peccatrici, populo gravi iniquitate, semini nequam, filiis sceleratis ! dereliquerunt Dominum, blasphemaverunt Sanctum Israel, abalienati sunt retrorsum.

Vae genti peccatrici populo gravi iniquitate semini nequam filiis sceleratis dereliquerunt Dominum blasphemaverunt Sanctum Israhel abalienati sunt retrorsum.

5 Super quo percutiam vos ultra, addentes prævaricationem ? Omne caput languidum, et omne cor mœrens.

Super quo percutiam vos ultra addentes praevaricationem omne caput languidum et omne cor maerens.

6 A planta pedis usque ad verticem, non est in eo sanitas ; vulnus, et livor, et plaga tumens, non est circumligata, nec curata medicamine, neque fota oleo.

A planta pedis usque ad verticem non est in eo sanitas vulnus et livor et plaga tumens non est circumligata nec curata medicamine neque fota oleo.

7 Terra vestra deserta, civitates vestræ succensæ igni : regionem vestram coram vobis alieni devorant, et desolabitur sicut in vastitate hostili.

Terra vestra deserta civitates vestrae succensae igni regionem vestram coram vobis alieni devorant et desolabitur sicut in vastitate hostili.

8 Et derelinquetur filia Sion ut umbraculum in vinea, et sicut tugurium in cucumerario, et sicut civitas quæ vastatur.

Et derelinquetur filia Sion ut umbraculum in vinea et sicut tugurium in cucumerario sicut civitas quae vastatur.

9 Nisi Dominus exercituum reliquisset nobis semen, quasi Sodoma fuissemus, et quasi Gomorrha similes essemus.

Nisi Dominus exercituum reliquisset nobis semen quasi Sodoma fuissemus et quasi Gomorra similes essemus.

10 Audite verbum Domini, principes Sodomorum ; percipite auribus legem Dei nostri, populus Gomorrhæ.

Audite verbum Domini principes Sodomorum percipite auribus legem Dei nostri populus Gomorrae.

11 Quo mihi multitudinem victimarum vestrarum ? dicit Dominus. Plenus sum. Holocausta arietum, et adipem pinguium, et sanguinem vitulorum, et agnorum, et hircorum, nolui.

Quo mihi multitudinem victimarum vestrarum dicit Dominus plenus sum holocausta arietum et adipem pinguium et sanguinem vitulorum et agnorum et hircorum nolui.

12 Cum veniretis ante conspectum meum, quis quæsivit hæc de manibus vestris, ut ambularetis in atriis meis ?

Cum veneritis ante conspectum meum quis quaesivit haec de manibus vestris ut ambularetis in atriis meis.

13 Ne offeratis ultra sacrificium frustra, incensum abominatio est mihi. Neomeniam et sabbatum, et festivitates alias, non feram ; iniqui sunt cœtus vestri.

Ne adferatis ultra sacrificium frustra incensum abominatio est mihi neomeniam et sabbatum et festivitates alias non feram iniqui sunt coetus vestri.

14 Calendas vestras, et solemnitates vestras, odivit anima mea ; facta sunt mihi molesta, laboravi sustinens.

Kalendas vestras et sollemnitates vestras odivit anima mea facta sunt mihi molesta laboravi sustinens.

15 Et cum extenderitis manus vestras, avertam oculos meos a vobis ; et cum multiplicaveritis orationem, non exaudiam, manus enim vestræ sanguine plenæ sunt.

Et cum extenderitis manus vestras avertam oculos meos a vobis et cum multiplicaveritis orationem non audiam manus vestrae sanguine plenae sunt.

16 Lavamini, mundi estote ; auferte malum cogitationum vestrarum ab oculis meis ; quiescite agere perverse,

Lavamini mundi estote auferte malum cogitationum vestrarum ab oculis meis quiescite agere perverse.

17 Discite benefacere ; quærite judicium, subvenite oppresso, judicate pupillo, defendite viduam.

Discite benefacere quaerite iudicium subvenite oppresso iudicate pupillo defendite viduam.

18 Et venite, et arguite me, dicit Dominus. Si fuerint peccata vestra ut coccinum, quasi nix dealbabuntur ; et si fuerint rubra quasi vermiculus, velut lana alba erunt.

Et venite et arguite me dicit Dominus si fuerint peccata vestra ut coccinum quasi nix dealbabuntur et si fuerint rubra quasi vermiculus velut lana erunt.

19 Si volueritis, et audieritis me, bona terræ comeditis.

Si volueritis et audieritis bona terrae comedetis.

20 Quod si nolueritis, et me ad iracundiam provocaveritis, gladius devorabit vos, quia os Domini locutum est.

Quod si nolueritis et me provocaveritis ad iracundiam gladius devorabit vos quia os Domini locutum est.

21 Quomodo facta est meretrix civitas fidelis, plena judicii ? Justitia habitavit in ea, nunc autem homicidæ.

Quomodo facta est meretrix civitas fidelis plena iudicii iustitia habitavit in ea nunc autem homicidae.

22 Argentum tuum versum est in scoriam, vinum tuum mistum est aqua.

Argentum tuum versum est in scoriam vinum tuum mixtum est aqua.

23 Principes tui infideles, socii furum. Omnes diligunt munera, sequuntur retributiones. Pupillo non judicant, et causa viduæ non ingreditur ad illos.

Principes tui infideles socii furum omnes diligunt munera sequuntur retributiones pupillo non iudicant et causa viduae non ingreditur ad eos.

24 Propter hoc ait Dominus, Deus exercituum, Fortis Israel : Heu ! consolabor super hostibus meis, et vindicabor de inimicis meis.

Propter hoc ait Dominus exercituum Fortis Israhel heu consolabor super hostibus meis et vindicabor de inimicis meis.

25 Et convertam manum meam ad te, et excoquam ad puram scoriam tuam, et auferam omne stannum tuum.

Et convertam manum meam ad te et excoquam ad purum scoriam tuam et auferam omne stagnum tuum.

26 Et restituam judices tuos ut fuerunt prius, et consiliarios tuos sicut antiquitus ; post hæc vocaberis civitas justi, urbs fidelis.

Et restituam iudices tuos ut fuerunt prius et consiliarios tuos sicut antiquitus post haec vocaberis civitas iusti urbs fidelis.

27 Sion in judicio redimetur, et reducent eam in justitia.

Sion in iudicio redimetur et reducent eam in iustitia.

28 Et conteret scelestos, et peccatores simul ; et qui dereliquerunt Dominum consumentur.

Et conteret scelestos et peccatores simul et qui dereliquerunt Dominum consumentur.

29 Confundentur enim ab idolis quibus sacrificaverunt, et erubescetis super hortis quos elegeratis ;

Confundentur enim ab idolis quibus sacrificaverunt et erubescetis super hortis quos elegeratis.

30 Cum fueritis velut quercus defluentibus foliis, et velut hortus absque aqua.

Cum fueritis velut quercus defluentibus foliis et velut hortus absque aqua.

31 Et erit fortitudo vestra ut favilla stuppæ, et opus vestrum quasi scintilla ; et succendetur utrumque simul, et non erit qui extinguat.

Et erit fortitudo vestra ut favilla stuppae et opus vestrum quasi scintilla et succendetur utrumque simul et non erit qui extinguat.



Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org || Nova Vulgata Bibliorum Sacrorum Editio.

spacer 


Aperit