Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Zachariæ

(Versiculus)

2 Et levavi oculos meos, et vidi ; et ecce vir, et in manu ejus funiculus mensorum.

Et levavi oculos meos et vidi et ecce vir et in manu eius funiculus mensorum.

2 Et dixi : Quo tu vadis ? Et dixit ad me : Ut metiar Jerusalem, et videam quanta sit latitudo ejus, et quanta longitudo ejus.

Et dixi quo tu vadis et dixit ad me ut metiar Hierusalem et videam quanta sit latitudo eius et quanta longitudo eius.

3 Et ecce angelus, qui loquebatur in me, egrediebatur, et angelus alius egrediebatur in occursum ejus.

Et ecce angelus qui loquebatur in me egrediebatur et angelus alius egrediebatur in occursum eius.

4 Et dixit ad eum : Curre, loquere ad puerum istum, dicens : Absque muro habitabitur Jerusalem, præ multitudine hominum, et jumentorum in medio ejus.

Et dixit ad eum curre loquere ad puerum istum dicens absque muro habitabitur Hierusalem prae multitudine hominum et iumentorum in medio eius.

5 Et ego ero ei, ait Dominus, murus ignis in circuitu ; et in gloria ero in medio ejus.

Et ego ero ei ait Dominus murus ignis in circuitu et in gloria ero in medio eius.

6 O, o, fugite de terra aquilonis, dicit Dominus ; quoniam in quatuor ventos cæli dispersi vos, dicit Dominus.

O o fugite de terra aquilonis dicit Dominus quoniam in quattuor ventos caeli dispersi vos dicit Dominus.

7 O Sion, fuge quæ habitas apud filiam Babylonis ;

O Sion fuge quae habitas apud filiam Babylonis.

8 Quia hæc dicit Dominus exercituum : Post gloriam misit me ad gentes, quæ spoliaverunt vos ; qui enim tetigerit vos, tangit pupillam oculi mei ;

Quia haec dicit Dominus exercituum post gloriam misit me ad gentes quae spoliaverunt vos qui enim tetigerit vos tangit pupillam oculi eius.

9 Quia ecce ego levo manum meam super eos, et erunt prædæ his, qui serviebant sibi ; et cognoscetis quia Dominus exercituum misit me.

Quia ecce ego levo manum meam super eos et erunt praedae his qui serviebant sibi et cognoscetis quia Dominus exercituum misit me.

10 Lauda, et lætare filia Sion ; quia ecce ego venio, et habitabo in medio tui, ait Dominus.

Lauda et laetare filia Sion quia ecce ego venio et habitabo in medio tui ait Dominus.

11 Et applicabuntur gentes multæ ad Dominum in die illa, et erunt mihi in populum, et habitabo in medio tui ; et scies quia Dominus exercituum misit me ad te.

Et adplicabuntur gentes multae ad Dominum in die illa et erunt mihi in populum et habitabo in medio tui et scies quia Dominus exercituum misit me ad te.

12 Et possidebit Dominus Judam partem suam in terra sanctificata ; et eliget adhuc Jerusalem.

Et possidebit Dominus Iudam partem suam in terra sanctificata et eliget adhuc Hierusalem.

13 Sileat omnis caro a facie Domini ; quia consurrexit de habitaculo sancto suo.

Sileat omnis caro a facie Domini quia consurrexit de habitaculo sancto suo.



Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org || Nova Vulgata Bibliorum Sacrorum Editio.

spacer 


Aperit