Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Psalmorum n

LIBER II
 

(Versiculus)

50 (Psalmus Asaph.) Deus, deorum Dominus, locutus est, et vocavit terram, a solis ortu usque ad occasum ;

Canticum Asaph fortis. Deus Dominus locutus est et vocavit terram ab ortu solis usque ad occasum eius.

2 Ex Sion species decoris ejus.

De Sion perfecta decore Deus apparuit.

3 Deus manifeste veniet ; Deus noster, et non silebit. Ignis in conspectu ejus exardescet ; et in circuitu ejus tempestas valida.

Veniet Deus noster et non tacebit ignis coram eo vorabit et in circuitu eius tempestas valida.

4 Advocabit cælum desursum, et terram, discernere populum suum.

Vocabit caelum desursum et terram ut iudicet populum suum.

5 Congregate illi sanctos ejus, qui ordinant testamentum ejus super sacrificia.

Congregate mihi sanctos meos qui feriunt pactum meum in sacrificio.

6 Et annuntiabunt cæli justitiam ejus, quoniam Deus judex est.

Et adnuntiabunt caeli iustitiam eius quia Deus iudex est semper.

7 Audi, populus meus, et loquar ; Israel, et testificabor tibi. Deus, Deus tuus ego sum.

Audi popule meus et loquar Israhel et contestabor te Deus Deus tuus ego sum.

8 Non in sacrificiis tuis arguam te ; holocausta autem tua in conspectu meo sunt semper.

Non propter victimas tuas arguam te et holocaustomata tua coram me sunt semper.

9 Non accipiam de domo tua vitulos, neque de gregibus tuis hircos ;

Non accipiam de domo tua vitulum neque de gregibus tuis hircos.

10 Quoniam meæ sunt omnes feræ silvarum, jumenta in montibus et boves.

Mea sunt enim omnia animalia silvarum pecudes in montibus milium.

11 Cognovi omnia volatilia cæli ; et pulchritudo agri mecum est.

Scio omnes aves montium et universitas agri mecum est.

12 Si esuriero, non dicam tibi ; meus est enim orbis terræ, et plenitudo ejus.

Si esuriero non dicam tibi meus est enim orbis et plenitudo eius.

13 Numquid manducabo carnes taurorum ? aut sanguinem hircorum potabo ?

Numquid comedam carnem taurorum aut sanguinem hircorum bibam.

14 Immola Deo sacrificium laudis, et redde Altissimo vota tua.

Immola Deo laudem et redde Altissimo vota tua.

15 Et invoca me in die tribulationis ; eruam te, et honorificabis me.

Et invoca me in die tribulationis liberabo te et glorificabis me.

16 Peccatori autem dixit Deus : Quare tu enarras justitias meas, et assumis testamentum meum per os tuum ?

Impio autem dixit Deus quid tibi est cum narratione praeceptorum meorum et ut adsumas pactum meum in ore tuo.

17 Tu vero odisti disciplinam, et projecisti sermones meos retrorsum.

Qui odisti disciplinam et proiecisti verba mea post te.

18 Si videbas furem, currebas cum eo ; et cum adulteris portionem tuam ponebas.

Si videbas furem consentiebas ei et cum adulteris erat pars tua.

19 Os tuum abundavit malitia ; et lingua tua concinnabat dolos.

Os tuum dimisisti ad malitiam et lingua tua concinnavit dolum.

20 Sedens, adversus fratrem tuum loquebaris, et adversus filium matris tuæ ponebas scandalum.

Sedens adversum fratrem tuum loquebaris et adversum filium matris tuae fabricabaris obprobrium.

21 Hæc fecisti, et tacui. Existimasti, inique, quod ero tui similis. Arguam te, et statuam contra faciem tuam.

Haec fecisti et tacui existimasti futurum me similem tui arguam te et proponam te ante oculos tuos.

22 Intelligite hæc, qui obliviscimini Deum ; ne quando rapiat, et non sit qui eripiat.

Intellegite hoc qui obliviscimini Deum ne forte capiam et non sit qui liberet.

23 Sacrificium laudis honorificabit me ; et illic iter quo ostendam illi salutare Dei.

Qui immolat confessionem glorificat me et qui ordinate ambulat ostendam ei salutare Dei.



Hieronymus Vulgata - Vide psalmum 49. (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org - Vide psalmum 49. || Nova Vulgata Bibliorum Sacrorum Editio.

spacer 


Aperit