Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Psalmorum n

LIBER I
 

(Versiculus)

25 (In finem. Psalmus David.) Ad te, Domine, levavi animam meam ;

David. Ad te Domine animam meam levabo.

2 Deus meus, in te confido ; non erubescam ;

Deus meus in te confisus sum ne confundar.

3 Neque irrideant me inimici mei ; etenim universi qui sustinent te non confundentur.

Ne laetentur inimici mei sed et universi qui sperant in te non confundantur.

4 Confundantur omnes iniqua agentes supervacue. Vias tuas, Domine, demonstra mihi, et semitas tuas edoce me.

Confundantur qui iniqua gerunt frustra vias tuas Domine ostende mihi semitas tuas doce me.

5 Dirige me in veritate tua, et doce me, quia tu es Deus salvator meus, et te sustinui tota die.

Deduc me in veritate tua et doce me quia tu Deus salvator meus te expectavi tota die.

6 Reminiscere miserationum tuarum, Domine, et misericordiarum tuarum quæ a seculo sunt.

Recordare miserationum tuarum Domine et misericordiarum tuarum quia ex sempiterno sunt.

7 Delicta juventutis meæ, et ignorantias meas ne memineris. Secundum misericordiam tuam memento mei, tu ; propter bonitatem tuam, Domine.

Peccatorum adulescentiae meae et scelerum meorum ne memineris secundum misericordiam tuam recordare mei propter bonitatem tuam Domine.

8 Dulcis et rectus Dominus ; propter hoc legem dabit delinquentibus in via.

Bonus et rectus Dominus propterea docebit peccatores in via.

9 Diriget mansuetos in judicio ; docebit mites vias suas.

Deducet mansuetos in iudicio et docebit modestos viam suam.

10 Universæ viæ Domini, misericordia et veritas, requirentibus testamentum ejus et testimonia ejus.

Omnes semitae Domini misericordia et veritas his qui custodiunt pactum eius et testificationem eius.

11 Propter nomen tuum, Domine, propitiaberis peccato meo ; multum est enim.

Propter nomen tuum propitiare iniquitati meae quoniam grandis est.

12 Quis est homo qui timet Dominum ? legem statuit ei in via quam elegit.

Quis est iste vir timens Dominum quem docebit in via quam elegerit.

13 Anima ejus in bonis demorabitur ; et semen ejus hæreditabit terram.

Anima eius in bono commorabitur et semen eius hereditabit terram.

14 Firmamentum est Dominus timentibus eum ; et testamentum ipsius ut manifestetur illis.

Secretum Domini timentibus eum et pactum suum ostendet eis.

15 Oculi mei semper ad Dominum, quoniam ipse evellet de laqueo pedes meos.

Oculi mei semper ad Dominum quia ipse educet de rete pedes meos.

16 Respice in me, et miserere mei ; quia unicus et pauper sum ego.

Respice in me et miserere mei quoniam solus et pauper sum ego.

17 Tribulationes cordis mei multiplicatæ sunt ; de necessitatibus meis erue me.

Tribulationes cordis mei multiplicatae sunt de angustiis meis educ me.

18 Vide humilitatem meam et laborem meum, et dimitte universa delicta mea.

Vide adflictionem meam et laborem meum et porta omnia peccata mea.

19 Respice inimicos meos, quoniam multiplicati sunt, et odio iniquo oderunt me.

Vide inimicos meos quia multiplicati sunt et odio iniquo oderunt me.

20 Custodi animam meam, et erue me ; non erubescam, quoniam speravi in te.

Custodi animam meam et libera me non confundar quia speravi in te.

21 Innocentes et recti adhæserunt mihi, quia sustinui te.

Simplicitas et aequitas servabunt me quia expectavi te.

22 Libera, Deus, Israel ex omnibus tribulationibus suis.

Redime Deus Israhelem ex omnibus angustiis suis.



Hieronymus Vulgata - Vide psalmum 24. (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org - Vide psalmum 24. || Nova Vulgata Bibliorum Sacrorum Editio.

spacer 


Aperit