116 (Alleluja.) Dilexi, quoniam exaudiet Dominus vocem orationis meæ.
Dilexi quoniam audies Domine vocem deprecationis meae.
2 Quia inclinavit aurem suam mihi, et in diebus meis invocabo.
Inclinavit aurem suam mihi et in diebus meis invocabo.
3 Circumdederunt me dolores mortis ; et pericula inferni invenerunt me. Tribulationem et dolorem inveni ;
Circumdederunt me funes mortis et munitiones inferni invenerunt me angustiam et dolorem repperi.
4 Et nomen Domini invocavi : O Domine ! libera animam meam.
Et nomen Domini invocavi obsecro Domine salva animam meam.
5 Misericors Dominus et justus ; et Deus noster miseretur.
Clemens Dominus et iustus et Deus noster misericors.
6 Custodiens parvulos Dominus ; humiliatus sum, et liberavit me.
Custodit parvulos Dominus adtenuatus sum et salvavit me.
7 Convertere, anima mea, in requiem tuam, quia Dominus benefecit tibi ;
Revertere anima mea in requiem tuam quia Dominus reddet tibi.
8 Quia eripuit animam meam de morte, oculos meos a lacrymis, pedes meos a lapsu.
Quia eruit animam meam de morte oculos meos a lacrimis pedes meos ab offensa.
9 Placebo Domino in regione vivorum.
Deambulabo coram Domino in terris viventium.
10 (Alleluja.) Credidi, propter quod locutus sum ; ego autem humiliatus sum nimis.
Credidi propter quod locutus sum ego adflictus sum nimis.
11 Ego dixi in excessu meo : Omnis homo mendax.
Ego dixi in stupore meo omnis homo mendacium.
12 Quid retribuam Domino pro omnibus quæ retribuit mihi ?
Quid reddam Domino pro omnibus quae tribuit mihi.
13 Calicem salutaris accipiam, et nomen Domini invocabo.
Calicem salutis accipiam et nomen Domini invocabo.
14 Vota mea Domino reddam coram omni populo ejus.
Vota mea Domino reddam coram omni populo eius.
15 Pretiosa in conspectu Domini mors sanctorum ejus.
Gloriosa in conspectu Domini mors sanctorum eius.
16 O Domine, quia ego servus tuus, ego servus tuus, et filius ancillæ tuæ. Dirupisti vincula mea ;
Obsecro Domine quia ego servus tuus ego servus tuus filius ancillae tuae dissolvisti vincula mea.
17 Tibi sacrificabo hostiam laudis, et nomen Domini invocabo.
Tibi immolabo hostiam laudis et in nomine Domini invocabo.
18 Vota mea Domino reddam in conspectu omnis populi ejus ;
Vota mea Domino reddam in conspectu omnis populi eius.
19 In atriis domus Domini, in medio tui, Jerusalem !
In atriis domus Domini in medio tui Hierusalem alleluia.
Hieronymus Vulgata - Vide psalmum 114.1-9. (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org - Vide psalmum 114.1-9 et 115. || Nova Vulgata Bibliorum Sacrorum Editio.