Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Proverbiorum

(Versiculus)

27 Ne glorieris in crastinum, ignorans quid superventura pariat dies.

Ne glorieris in crastinum ignorans quid superventura pariat dies.

2 Laudet te alienus, et non os tuum ; extraneus, et non labia tua.

Laudet te alienus et non os tuum extraneus et non labia tua.

3 Grave est saxum, et onerosa arena ; sed ira stulti utroque gravior.

Grave est saxum et onerosa harena sed ira stulti utroque gravior.

4 Ira non habet misericordiam nec erumpens furor ; et impetum concitati ferre quis poterit ?

Ira non habet misericordiam nec erumpens furor et impetum concitati ferre quis poterit.

5 Melior est manifesta correptio quam amor absconditus.

Melior est manifesta correptio quam amor absconditus.

6 Meliora sunt vulnera diligentis quam fraudulenta oscula odientis.

Meliora sunt vulnera diligentis quam fraudulenta odientis oscula.

7 Anima saturata calcabit favum ; et anima esuriens etiam amarum pro dulci sumet.

Anima saturata calcabit favum anima esuriens et amarum pro dulce sumet.

8 Sicut avis transmigrans de nido suo, sic vir qui derelinquit locum suum.

Sicut avis transmigrans de nido suo sic vir qui relinquit locum suum.

9 Unguento et variis odoribus delectatur cor ; et bonis amici consiliis anima dulcoratur.

Unguento et variis odoribus delectatur cor et bonis amici consiliis anima dulcoratur.

10 Amicum tuum, et amicum patris tui ne dimiseris ; et domum fratris tui ne ingrediaris in die afflictionis tuæ. Melior est vicinus juxta quam frater procul.

Amicum tuum et amicum patris tui ne dimiseris et domum fratris tui ne ingrediaris in die adflictionis tuae melior est vicinus iuxta quam frater procul.

11 Stude sapientiæ, fili mi, et lætifica cor meum, ut possis exprobranti respondere sermonem.

Stude sapientiae fili mi et laetifica cor meum ut possim exprobranti respondere sermonem.

12 Astutus videns malum, absconditus est ; parvuli transeuntes sustinuerunt dispendia.

Astutus videns malum absconditus est parvuli transeuntes sustinuere dispendia.

13 Tolle vestimentum ejus qui spopondit pro extraneo ; et pro alienis aufer ei pignus.

Tolle vestimentum eius qui spopondit pro extraneo et pro alienis auferto pignus.

14 Qui benedicit proximo suo voce grandi de nocte consurgens maledicenti similis erit.

Qui benedicit proximo suo voce grandi de nocte consurgens maledicenti similis erit.

15 Tecta perstillantia in die frigoris et litigiosa mulier comparantur.

Tecta perstillantia in die frigoris et litigiosa mulier conparantur.

16 Qui retinet eam quasi qui ventum teneat, et oleum dexteræ suæ vocabit.

Qui retinet eam quasi qui ventum teneat et oleum dexterae suae vocabit.

17 Ferrum ferro exacuitur, et homo exacuit faciem amici sui.

Ferrum ferro acuitur et homo exacuit faciem amici sui.

18 Qui servat ficum comedet fructus ejus ; et qui custos est domini sui glorificabitur.

Qui servat ficum comedet fructus eius et qui custos est domini sui glorificabitur.

19 Quomodo in aquis resplendent vultus prospicientium, sic corda hominum manifesta sunt prudentibus.

Quomodo in aquis resplendent vultus prospicientium sic corda hominum manifesta sunt prudentibus.

20 Infernus et perditio numquam implentur ; similiter et oculi hominum insatiabiles.

Infernus et perditio non replentur similiter et oculi hominum insatiabiles.

21 Quomodo probatur in conflatorio argentum, et in fornace aurum, sic probatur homo ore laudantis. Cor iniqui inquirit mala, cor autem rectum inquirit scientiam.

Quomodo probatur in conflatorio argentum et in fornace aurum sic probatur homo ore laudantis.

22 Si contuderis stultum in pila quasi ptisanas feriente desuper pilo, non auferetur ab eo stultitia ejus.

Si contuderis stultum in pila quasi tisanas feriente desuper pilo non auferetur ab eo stultitia eius.

23 Diligenter agnosce vultum pecoris tui, tuosque greges considera ;

Diligenter agnosce vultum pecoris tui tuosque greges considera.

24 Non enim habebis jugiter potestatem ; sed corona tribuetur in generationem et generationem.

Non enim habebis iugiter potestatem sed corona tribuetur in generatione generationum.

25 Aperta sunt prata, et apparuerunt herbæ virentes, et collecta sunt fœna de montibus.

Aperta sunt prata et apparuerunt herbae virentes et collecta sunt faena de montibus.

26 Agni ad vestimentum tuum, et hædi ad agri pretium.

Agni ad vestimentum tuum et hedi agri pretium.

27 Sufficiat tibi lac caprarum in cibos tuos, et in necessaria domus tuæ, et ad victum ancillis tuis.

Sufficiat tibi lac caprarum in cibos tuos in necessaria domus tuae et ad victum ancillis tuis.



Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org || Nova Vulgata Bibliorum Sacrorum Editio.

spacer 


Aperit