Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Proverbiorum

(Versiculus)

16 Hominis est animam præparare, et Domini gubernare linguam.

Hominis est animum praeparare et Dei gubernare linguam.

2 Omnes viæ hominis patent oculis ejus ; spirituum ponderator est Dominus.

Omnes viae hominum patent oculis eius spirituum ponderator est Dominus.

3 Revela Domino opera tua, et dirigentur cogitationes tuæ.

Revela Domino opera tua et dirigentur cogitationes tuae.

4 Universa propter semetipsum operatus est Dominus ; impium quoque ad diem malum.

Universa propter semet ipsum operatus est Dominus impium quoque ad diem malum.

5 Abominatio Domini est omnis arrogans ; etiamsi manus ad manum fuerit, non est innocens. Initium viæ bonæ facere justitiam ; accepta est autem apud Deum magis quam immolare hostias.

Abominatio Domini omnis arrogans etiam si manus ad manum fuerit non erit innocens [...].

6 Misericordia et veritate redimitur iniquitas ; et in timore Domini declinatur a malo.

Misericordia et veritate redimitur iniquitas et in timore Domini declinatur a malo.

7 Cum placuerint Domino viæ hominis, inimicos quoque ejus convertet ad pacem.

Cum placuerint Domino viae hominis inimicos quoque eius convertet ad pacem.

8 Melius est parum cum justitia quam multi fructus cum iniquitate.

Melius est parum cum iustitia quam multi fructus cum iniquitate.

9 Cor hominis disponit viam suam ; sed Domini est dirigere gressus ejus.

Cor hominis disponet viam suam sed Domini est dirigere gressus eius.

10 Divinatio in labiis regis ; in judicio non errabit os ejus.

Divinatio in labiis regis in iudicio non errabit os eius.

11 Pondus et statera judicia Domini sunt, et opera ejus omnes lapides sacculi.

Pondus et statera iudicia Domini sunt et opera eius omnes lapides sacculi.

12 Abominabiles regi qui agunt impie, quoniam justitia firmatur solium.

Abominabiles regi qui agunt impie quoniam iustitia firmatur solium.

13 Voluntas regum labia justa ; qui recta loquitur diligetur.

Voluntas regum labia iusta qui recta loquitur diligetur.

14 Indignatio regis nuntii mortis, et vir sapiens placabit eam.

Indignatio regis nuntii mortis et vir sapiens placabit eam.

15 In hilaritate vultus regis vita, et clementia ejus quasi imber serotinus.

In hilaritate vultus regis vita et clementia eius quasi imber serotinus.

16 Posside sapientiam, quia auro melior est ; et acquire prudentiam, quia pretiosior est argento.

Posside sapientiam quia auro melior est et adquire prudentiam quia pretiosior est argento.

17 Semita justorum declinat mala ; custos animæ suæ servat viam suam.

Semita iustorum declinat mala custos animae suae servat viam suam.

18 Contritionem præcedit superbia, et ante ruinam exaltatur spiritus.

Contritionem praecedit superbia et ante ruinam exaltatur spiritus.

19 Melius est humiliari cum mitibus quam dividere spolia cum superbis.

Melius est humiliari cum mitibus quam dividere spolia cum superbis.

20 Eruditus in verbo reperiet bona ; et qui sperat in Domino beatus est.

Eruditus in verbo repperiet bona et qui in Domino sperat beatus est.

21 Qui sapiens est corde appellabitur prudens ; et qui dulcis eloquio majora percipiet.

Qui sapiens corde est appellabitur prudens et qui dulcis eloquio maiora percipiet.

22 Fons vitæ eruditio possidentis ; doctrina stultorum fatuitas.

Fons vitae eruditio possidentis doctrina stultorum fatuitas.

23 Cor sapientis erudiet os ejus, et labiis ejus addet gratiam.

Cor sapientis erudiet os eius et labiis illius addet gratiam.

24 Favus mellis composita verba ; dulcedo animæ sanitas ossium.

Favus mellis verba conposita dulcedo animae et sanitas ossuum.

25 Est via quæ videtur homini recta, et novissima ejus ducunt ad mortem.

Est via quae videtur homini recta et novissimum eius ducit ad mortem.

26 Anima laborantis laborat sibi, quia compulit eum os suum.

Anima laborantis laborat sibi quia conpulit eum os suum.

27 Vir impius fodit malum ; et in labiis ejus ignis ardescit.

Vir impius fodit malum et in labiis eius ignis ardescit.

28 Homo perversus suscitat lites, et verbosus separat principes.

Homo perversus suscitat lites et verbosus separat principes.

29 Vir iniquus lactat amicum suum ; et ducit eum per viam non bonam.

Vir iniquus lactat amicum suum et ducit eum per viam non bonam.

30 Qui attonitis oculis cogitat prava, mordens labia sua perficit malum.

Qui adtonitis oculis cogitat prava mordens labia sua perficit malum.

31 Corona dignitatis senectus, quæ in viis justitiæ reperietur.

Corona dignitatis senectus in viis iustitiae repperietur.

32 Melior est patiens viro forti ; et qui dominatur animo suo expugnatore urbium.

Melior est patiens viro forte et qui dominatur animo suo expugnatore urbium.

33 Sortes mittuntur in sinum ; sed a Domino temperantur.

Sortes mittuntur in sinu sed a Domino temperantur.



Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org || Nova Vulgata Bibliorum Sacrorum Editio.

spacer 


Aperit