10 Filius sapiens lætificat patrem ; filius vero stultus mœstitia est matris suæ.
Parabolae Salomonis. Filius sapiens laetificat patrem filius vero stultus maestitia est matris suae.
2 Nil proderunt thesauri impietatis ; justitia vero liberabit a morte.
Non proderunt thesauri impietatis iustitia vero liberabit a morte.
3 Non affliget Dominus fame animam justi, et insidias impiorum subvertet.
Non adfliget Dominus fame animam iusti et insidias impiorum subvertet.
4 Egestatem operata est manus remissa ; manus autem fortium divitias parat. Qui nititur mendaciis, hic pascit ventos ; idem autem ipse sequitur aves volantes.
Egestatem operata est manus remissa manus autem fortium divitias parat.
5 Qui congregat in messe, filius sapiens est ; qui autem stertit æstate, filius confusionis.
Qui congregat in messe filius sapiens est qui autem stertit aestate filius confusionis.
6 Benedictio Domini super caput justi ; os autem impiorum operit iniquitas.
Benedictio super caput iusti os autem impiorum operit iniquitatem.
7 Memoria justi cum laudibus ; et nomen impiorum putrescet.
Memoria iusti cum laudibus et nomen impiorum putrescet.
8 Sapiens corde præcepta suscipit ; stultus cæditur labiis.
Sapiens corde praecepta suscipiet stultus caeditur labiis.
9 Qui ambulat simpliciter ambulat confidenter ; qui autem depravat vias suas manifestus erit.
Qui ambulat simpliciter ambulat confidenter qui autem depravat vias suas manifestus erit.
10 Qui annuit oculo, dabit dolorem ; et stultus labiis verberabitur.
Qui annuit oculo dabit dolorem stultus labiis verberabitur.
11 Vena vitæ os justi ; et os impiorum operit iniquitatem.
Vena vitae os iusti et os impiorum operiet iniquitatem.
12 Odium suscitat rixas, et universa delicta operit charitas.
Odium suscitat rixas et universa delicta operit caritas.
13 In labiis sapientis invenitur sapientia ; et virga in dorso ejus qui indiget corde.
In labiis sapientis invenietur sapientia et virga in dorso eius qui indiget corde.
14 Sapientes abscondunt scientiam ; os autem stulti confusioni proximum est.
Sapientes abscondunt scientiam os autem stulti confusioni proximum est.
15 Substantia divitis urbs fortitudinis ejus ; pavor pauperum, egestas eorum.
Substantia divitis urbs fortitudinis eius pavor pauperum egestas eorum.
16 Opus justi ad vitam ; fructus autem impii ad peccatum.
Opus iusti ad vitam fructus impii ad peccatum.
17 Via vitæ custodienti disciplinam ; qui autem increpationes relinquit, errat.
Via vitae custodienti disciplinam qui autem increpationes relinquit errat.
18 Abscondunt odium labia mendacia ; qui profert contumeliam, insipiens est.
Abscondunt odium labia mendacia qui profert contumeliam insipiens est.
19 In multiloquio non deerit peccatum ; qui autem moderatur labia sua prudentissimus est.
In multiloquio peccatum non deerit qui autem moderatur labia sua prudentissimus est.
20 Argentum electum lingua justi ; cor autem impiorum pro nihilo.
Argentum electum lingua iusti cor impiorum pro nihilo.
21 Labia justi erudiunt plurimos ; qui autem indocti sunt in cordis egestate morientur.
Labia iusti erudiunt plurimos qui autem indocti sunt in cordis egestate morientur.
22 Benedictio Domini divites facit ; nec sociabitur eis afflictio.
Benedictio Domini divites facit nec sociabitur ei adflictio.
23 Quasi per risum stultus operatur scelus ; sapientia autem est viro prudentia.
Quasi per risum stultus operatur scelus sapientia autem est viro prudentia.
24 Quod timet impius veniet super eum ; desiderium suum justis dabitur.
Quod timet impius veniet super eum desiderium suum iustis dabitur.
25 Quasi tempestas transiens non erit impius ; justus autem quasi fundamentum sempiternum.
Quasi tempestas transiens non erit impius iustus autem quasi fundamentum sempiternum.
26 Sicut acetum dentibus, et fumus oculis, sic piger his qui miserunt eum.
Sicut acetum dentibus et fumus oculis sic piger his qui miserunt eum.
27 Timor Domini apponet dies ; et anni impiorum breviabuntur.
Timor Domini adponet dies et anni impiorum breviabuntur.
28 Exspectatio justorum lætitia ; spes autem impiorum peribit.
Expectatio iustorum laetitia spes autem impiorum peribit.
29 Fortitudo simplicis via Domini ; et pavor his qui operantur malum.
Fortitudo simplicis via Domini et pavor his qui operantur malum.
30 Justus in æternum non commovebitur ; impii autem non habitabunt super terram.
Iustus in aeternum non commovebitur impii autem non habitabunt in terram.
31 Os justi parturiet sapientiam ; lingua pravorum peribit.
Os iusti parturiet sapientiam lingua pravorum peribit.
32 Labia justi considerant placita ; et os impiorum perversa.
Labia iusti considerant placita et os impiorum perversa.
Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org || Nova Vulgata Bibliorum Sacrorum Editio.