Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Proverbiorum

(Versiculus)

8 Numquid non sapientia clamitat, et prudentia dat vocem suam ?

Numquid non sapientia clamitat et prudentia    dat vocem suam.

2 In summis, excelsisque verticibus supra viam, in mediis semitis stans,

In summis excelsisque verticibus super viam in mediis semitis stans.

3 Juxta portas civitatis, in ipsis foribus loquitur, dicens :

Iuxta portas civitatis in ipsis foribus loquitur dicens.

4 O viri, ad vos clamito, et vox mea ad filios hominum.

O viri ad vos clamito et vox mea ad filios hominum.

5 Intelligite parvuli, astutiam, et insipientes animadvertite.

Intellegite parvuli astutiam et insipientes animadvertite.

6 Audite, quoniam de rebus magnis locutura sum ; et aperientur labia mea, ut recta prædicent.

Audite quoniam de rebus magnis locutura sum et aperientur labia mea ut recta praedicent.

7 Veritatem meditabitur guttur meum, et labia mea detestabuntur impium.

Veritatem meditabitur guttur meum et labia mea detestabuntur impium.

8 Justi sunt omnes sermones mei, non est in eis pravum quid neque perversum.

Iusti sunt omnes sermones mei non est in eis pravum quid neque perversum.

9 Recti sunt intelligentibus, et æqui invenientibus scientiam.

Recti sunt intellegentibus et aequi invenientibus scientiam.

10 Accipite disciplinam meam, et non pecuniam ; doctrinam magis quam aurum eligite.

Accipite disciplinam meam et non pecuniam doctrinam magis quam aurum eligite.

11 Melior est enim sapientia cunctis pretiosissimis ; et omne desiderabile ei non potest comparari.

Melior est enim sapientia cunctis pretiosissimis et omne desiderabile ei non potest conparari.

12 Ego sapientia, habito in consilio ; et eruditis intersum cogitationibus.

Ego sapientia habito in consilio et eruditis intersum cogitationibus.

13 Timor Domini odit malum. Arrogantiam, et superbiam, et viam pravam, et os bilingue detestor.

Timor Domini odit malum arrogantiam et superbiam et viam pravam et os bilingue   detestor.

14 Meum est consilium, et æquitas ; mea est prudentia, mea est fortitudo.

Meum est consilium et aequitas mea prudentia mea est fortitudo.

15 Per me reges regnant, et legum conditores justa decernunt ;

Per me reges regnant et legum conditores iusta decernunt.

16 Per me principes imperant, et potentes decernunt justitiam.

Per me principes imperant et potentes decernunt iustitiam.

17 Ego diligentes me diligo ; et qui mane vigilant ad me, invenient me.

Ego diligentes me diligo et qui mane vigilant ad me invenient me.

18 Mecum sunt divitiæ et gloria, opes superbæ et justitia.

Mecum sunt divitiae et gloria opes superbae et iustitia.

19 Melior est enim fructus meus auro et lapide pretioso, et genimina me argento electo.

Melior est fructus meus auro et pretioso lapide et genimina mea argento electo.

20 In viis justitiæ ambulo, in medio semitarum judicii,

In viis iustitiae ambulo in medio semitarum iudicii.

21 Ut ditem diligentes me, et thesauros eorum repleam.

Ut ditem diligentes me et thesauros eorum repleam.

22 Dominus possedit me in initio viarum suarum, antequam quidquam faceret a principio.

Dominus possedit me initium viarum suarum antequam quicquam faceret a principio.

23 Ab æterno ordinata sum, et ex antiquis antequam terra fieret.

Ab aeterno ordita sum et ex antiquis antequam terra fieret.

24 Nondum erant abyssi, et ego jam concepta eram ; necdum fontes aquarum eruperant,

Necdum erant abyssi et ego iam concepta eram necdum fontes aquarum eruperant.

25 Necdum montes gravi mole constiterant ; ante colles ego parturiebar.

Necdum montes gravi mole constiterant ante colles ego parturiebar.

26 Adhuc terram non fecerat, et flumina, et cardines orbis terræ.

Adhuc terram non fecerat et flumina et cardines orbis terrae.

27 Quando præparabat cælos, aderam ; quando certa lege, et gyro vallabat abyssos ;

Quando praeparabat caelos aderam quando certa lege et gyro vallabat abyssos.

28 Quando æthera firmabat sursum, et librabat fontes aquarum ;

Quando aethera firmabat sursum et librabat fontes aquarum.

29 Quando circumdabat mari terminum suum, et legem ponebat aquis, ne transirent fines suos ; quando appendebat fundamenta terræ ;

Quando circumdabat mari terminum suum et legem ponebat aquis ne transirent fines suos quando adpendebat fundamenta terrae.

30 Cum eo eram, cuncta componens. Et delectabar per singulos dies, ludens coram eo omni tempore ;

Cum eo eram cuncta conponens et delectabar per singulos dies ludens coram eo omni tempore.

31 Ludens in orbe terrarum ; et deliciæ meæ esse cum filiis hominum.

Ludens in orbe terrarum et deliciae meae esse cum filiis hominum.

32 Nunc ergo, filii, audite me : Beati qui custodiunt vias meas.

Nunc ergo filii audite me beati qui custodiunt vias meas.

33 Audite disciplinam, et estote sapientes ; et nolite abjicere eam.

Audite disciplinam et estote sapientes et nolite abicere eam.

34 Beatus homo qui audit me, et qui vigilat ad fores meas quotidie, et observat ad postes ostii mei.

Beatus homo qui audit me qui vigilat ad fores meas cotidie et observat ad postes ostii mei.

35 Qui me invenerit, inveniet vitam, et hauriet salutem a Domino.

Qui me invenerit inveniet vitam et hauriet salutem a Domino.

36 Qui autem in me peccaverit, lædet animam suam. Omnes qui me oderunt diligunt mortem.

Qui autem in me peccaverit laedet animam suam omnes qui me oderunt diligunt mortem.



Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org || Nova Vulgata Bibliorum Sacrorum Editio.

spacer 


Aperit