Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Proverbiorum

(Versiculus)

1 Parabolæ Salomonis, filii David, regis Israel,

Parabolae Salomonis filii David regis Israhel.

2 Ad sciendam sapientiam et disciplinam :

Ad sciendam sapientiam et disciplinam.

3 Ad intelligenda verba prudentiæ, et suscipiendam eruditionem doctrinæ, justitiam, et judicium, et æquitatem ;

Ad intellegenda verba prudentiae et suscipiendam eruditionem doctrinae iustitiam et iudicium et aequitatem.

4 Ut detur parvulis astutia, adolescenti scientia et intellectus.

Ut detur parvulis astutia adulescenti scientia et intellectus.

5 Audiens sapiens, sapientior erit ; et intelligens gubernacula possidebit.

Audiens sapiens sapientior erit et intellegens gubernacula possidebit.

6 Animadvertet parabolam et interpretationem, verba sapientum et ænigmata eorum.

Animadvertet parabolam et interpretationem verba sapientium et enigmata eorum.

7 Timor Domini principium sapientiæ. Sapientiam atque doctrinam stulti despiciunt.

Timor Domini principium scientiae sapientiam atque doctrinam stulti despiciunt.

8 Audi, fili mi, disciplinam patris tui, et ne dimittas legem matris tuæ ;

Audi fili mi disciplinam patris tui et ne dimittas legem matris tuae.

9 Ut addatur gratia capiti tuo, et torques collo tuo.

Ut addatur gratia capiti tuo et torques collo tuo.

10 Fili mi, si te lactaverint peccatores, ne acquiescas eis.

Fili mi si te lactaverint peccatores ne adquiescas.

11 Si dixerint : Veni nobiscum, insidiemur sanguini ; abscondamus tendiculas contra insontem frustra ;

Si dixerint veni nobiscum insidiemur sanguini abscondamus tendiculas contra insontem frustra.

12 Deglutiamus eum sicut infernus viventem, et integrum quasi descendentem in lacum ;

Degluttiamus eum sicut infernus viventem et integrum quasi descendentem in lacum.

13 Omnem pretiosam substantiam reperiemus ; implebimus domos nostras spoliis ;

Omnem pretiosam substantiam repperiemus implebimus domos nostras spoliis.

14 Sortem mitte nobiscum, marsupium unum sit omnium nostrum ;

Sortem mitte nobiscum marsuppium unum sit omnium nostrum.

15 Fili mi, ne ambules cum eis ; prohibe pedem tuum a semitis eorum ;

Fili mi ne ambules cum eis prohibe pedem tuum a semitis eorum.

16 Pedes enim illorum ad malum currunt ; et festinant ut effundant sanguinem.

Pedes enim illorum ad malum currunt et festinant ut effundant sanguinem.

17 Frustra autem jacitur rete ante oculos pennatorum.

Frustra autem iacitur rete ante oculos pinnatorum.

18 Ipsi quoque contra sanguinem suum insidiantur, et moliuntur fraudes contra animas suas.

Ipsique contra sanguinem suum insidiantur et moliuntur fraudes contra animas suas.

19 Sic semitæ omnis avari : animas possidentium rapiunt.

Sic semitae omnis avari animas possidentium rapiunt.

20 Sapientia foris prædicat : in plateis dat vocem suam ;

Sapientia foris praedicat in plateis dat vocem suam.

21 In capite turbarum clamitat ; in foribus portarum urbis profert verba sua, dicens :

In capite turbarum clamitat in foribus portarum urbis profert verba sua dicens.

22 Usquequo, parvuli, diligitis infantiam, et stulti ea quæ sibi sunt noxia cupient, et imprudentes odibunt scientiam ?

Usquequo parvuli diligitis infantiam et stulti ea quae sibi sunt noxia cupiunt et inprudentes odibunt scientiam.

23 Convertimini ad correptionem meam. En proferam vobis spiritum meum, et ostendam vobis verba mea.

Convertimini ad correptionem meam en proferam vobis spiritum meum et ostendam verba mea.

24 Quia vocavi, et renuistis ; extendi manum meam, et non fuit qui aspiceret ;

Quia vocavi et rennuistis extendi manum meam et non fuit qui aspiceret.

25 Despexistis omne consilium meum, et increpationes meas neglexistis ;

Despexistis omne consilium meum et increpationes meas neglexistis.

26 Ego quoque in interitu vestro ridebo ; et subsannabo cum vobis id quod timebatis advenerit.

Ego quoque in interitu vestro ridebo et subsannabo cum vobis quod timebatis advenerit.

27 Cum irruerit repentina calamitas, et interitus quasi tempestas ingruerit ; quando venerit super vos tribulatio et angustia ;

Cum inruerit repentina calamitas et interitus quasi tempestas ingruerit quando venerit super vos tribulatio et angustia.

28 Tunc invocabunt me, et non exaudiam ; mane consurgent, et non invenient me ;

Tunc invocabunt me et non exaudiam mane consurgent et non invenient me.

29 Eo quod exosam habuerint disciplinam, et timorem Domini non susceperint,

Eo quod exosam habuerint disciplinam et timorem Domini non susceperint.

30 Nec acquieverint consilio meo, et detraxerint universæ correptioni meæ.

Nec adquieverint consilio meo et detraxerint universae correptioni meae.

31 Comedent igitur fructus viæ suæ, suisque consiliis saturabuntur.

Comedent igitur fructus viae suae suisque consiliis saturabuntur.

32 Aversio parvulorum interficiet eos, et prosperitas stultorum perdet illos.

Aversio parvulorum interficiet eos et prosperitas stultorum perdet illos.

33 Qui autem me audierit absque terrore requiescet, et abundantia perfruetur, timore malorum sublato.

Qui autem me audierit absque terrore requiescet et abundantia perfruetur malorum timore sublato.



Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org || Nova Vulgata Bibliorum Sacrorum Editio.

spacer 


Aperit