Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Osee

(Versiculus)

12 Ephraim pascit ventum, et sequitur æstum ; tota die mendacium, et vastitatem multiplicat ; et fœdus cum Assyriis iniit, et oleum in Ægyptum ferebat.

Ephraim pascit ventum et sequitur aestum tota die mendacium et vastitatem multiplicat et foedus cum Assyriis iniit et oleum in Aegyptum ferebat.

2 Judicium ergo Domini cum Juda, et visitatio super Jacob ; juxta vias ejus, et juxta adinventiones ejus reddet ei.

Iudicium ergo Domini cum Iuda et visitatio super Iacob iuxta vias eius et iuxta adinventiones eius reddet ei.

3 In utero supplantavit fratrem suum ; et in fortitudine sua directus est cum angelo.

In utero subplantavit fratrem suum et in fortitudine sua directus est cum angelo.

4 Et invaluit ad angelum, et confortatus est ; flevit, et rogavit eum ; in Bethel invenit eum, et ibi locutus est nobiscum.

Et invaluit ad angelum et confortatus est flevit et rogavit eum in Bethel invenit eum et ibi locutus est nobiscum.

5 Et Dominus Deus exercituum, Dominus memoriale ejus.

Et Dominus Deus exercituum Dominus memoriale eius.

6 Et tu ad Deum tuum converteris ; misericordiam et judicium custodi, et spera in Deo tuo semper.

Et tu ad Deum tuum converteris misericordiam et iudicium custodi et spera in Deo tuo semper.

7 Chanaan, in manu ejus statera dolosa, calumniam dilexit.

Chanaan in manu eius statera dolosa calumniam dilexit.

8 Et dixit Ephraim : Verumtamen dives effectus sum, inveni idolum mihi ; omnes labores mei non invenient mihi iniquitatem, quam peccavi.

Et dixit Ephraim verumtamen dives effectus sum inveni idolum mihi omnes labores mei non invenient mihi iniquitatem quam peccavi.

9 Et ego Dominus Deus tuus ex terra Ægypti, adhuc sedere te faciam in tabernaculis, sicut in diebus festivitatis.

Et ego Dominus Deus tuus ex terra Aegypti adhuc sedere te faciam in tabernaculis sicut in diebus festivitatis.

10 Et locutus sum super prophetas, et ego visionem multiplicavi, et in manu prophetarum assimilatus sum.

Et locutus sum super prophetas et ego visionem multiplicavi et in manu prophetarum adsimilatus sum.

11 Si Galaad idolum, ergo frustra erant in Galgal bobus immolantes ; nam et altaria eorum quasi acervi super sulcos agri.

Si Galaad idolum tamen frustra erant in Galgal bubus immolantes nam et altaria eorum quasi acervi super sulcos agri.

12 Fugit Jacob in regionem Syriæ, et servivit Israel in uxorem, et in uxorem servavit.

Fugit Iacob in regionem Syriae et servivit Israhel in uxore et in uxore servavit.

13 In propheta autem eduxit Dominus Israel de Ægypto ; et in propheta servatus est.

In propheta autem eduxit Dominus Israhel de Aegypto et in propheta servatus est.

14 Ad iracundiam me provocavit Ephraim in amaritudinibus suis, et sanguis ejus super eum veniet, et opprobrium ejus restituet ei Dominus suus.

Ad iracundiam me provocavit Ephraim in amaritudinibus suis et sanguis eius super eum veniet et obprobrium eius restituet ei Dominus suus.



Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org || Nova Vulgata Bibliorum Sacrorum Editio.

spacer 


Aperit