Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Osee

(Versiculus)

9 Noli lætari Israel, noli exsultare sicut populi ; quia fornicatus es a Deo tuo, dilexisti mercedem super omnes areas tritici.

Noli laetari Israhel noli exultare sicut populi quia fornicatus es a Deo tuo dilexisti mercedem super omnes areas tritici.

2 Area et torcular non pascet eos, et vinum mentietur eis.

Area et torcular non pascet eos et vinum mentietur eis.

3 Non habitabunt in terra Domini ; reversus est Ephraim in Ægyptum, et in Assyriis pollutum comedit.

Non habitabunt in terra Domini reversus est Ephraim Aegyptum et in Assyriis pollutum comedit.

4 Non libabunt Domino vinum, et non placebunt ei ; sacrificia eorum, quasi panis lugentium ; omnes, qui comedent eum, contaminabuntur ; quia panis eorum animæ ipsorum, non intrabit in domum Domini.

Non libabunt Domino vinum et non placebunt ei sacrificia eorum quasi panis lugentium omnes qui comedunt eum contaminabuntur quia panis eorum animae ipsorum non intrabit in domum Domini.

5 Quid facietis in die solemni, in die festivitatis Domini ?

Quid facietis in die sollemni in die festivitatis Domini.

6 Ecce enim profecti sunt a vastitate : Ægyptus congregabit eos, Memphis sepeliet eos ; desiderabile argentum eorum urtica hæreditabit, lappa in tabernaculis eorum.

Ecce enim profecti sunt a vastitate Aegyptus congregavit eos Memphis sepeliet eos desiderabile argenti eorum urtica hereditabit lappa in tabernaculis eorum.

7 Venerunt dies visitationis, venerunt dies retributionis ; scitote Israel stultum prophetam, insanum virum spiritualem, propter multitudinem iniquitatis tuæ, et multitudinem amentiæ.

Venerunt dies visitationis venerunt dies retributionis scitote Israhel stultum prophetam insanum virum spiritalem propter multitudinem iniquitatis tuae et multitudo amentiae.

8 Speculator Ephraim cum Deo meo ; propheta laqueus ruinæ factus est super omnes vias ejus, insania in domo Dei ejus.

Speculator Ephraim cum Deo meo propheta laqueus ruinae super omnes vias eius insania in domo Dei eius.

9 Profunde peccaverunt, sicut in diebus Gabaa ; recordabitur iniquitatis eorum, et visitabit peccata eorum.

Profunde peccaverunt sicut in diebus Gabaa recordabitur iniquitatis eorum et visitabit peccata eorum.

10 Quasi uvas in deserto inveni Israel ; quasi prima poma ficulneæ in cacumine ejus vidi patres eorum ; ipsi autem intraverunt ad Beelphegor, et abalienati sunt in confusionem, et facti sunt abominabiles sicut ea, quæ dilexerunt.

Quasi uvas in deserto inveni Israhel quasi prima poma ficulneae in cacumine eius vidi patres eorum ipsi autem intraverunt ad Beelphegor et abalienati sunt in confusione et facti sunt abominabiles sicut ea quae dilexerunt.

11 Ephraim quasi avis avolavit, gloria eorum a partu, et ab utero, et a conceptu.

Ephraim quasi avis avolavit gloria eorum a partu et ab utero et a conceptu.

12 Quod etsi enutrierint filios suos, absque liberis eos faciam in hominibus ; sed et væ eis cum recessero ab eis.

Quod si et enutrierint filios suos absque liberis eos faciam in hominibus sed et vae eis cum recessero ab eis.

13 Ephraim, ut vidi, Tyrus erat fundata in pulchritudine ; et Ephraim educet ad interfectorem filios suos.

Ephraim ut vidi Tyrus erat fundata in pulchritudine et Ephraim educit ad interfectorem filios suos.

14 Da eis Domine. Quid dabis eis ? Da eis vulvam sine liberis, et ubera arentia.

Da eis Domine quid dabis eis da eis vulvam sine liberis et ubera arentia.

15 Omnes nequitiæ eorum in Galgal, quia ibi exosos habui eos ; propter malitiam adinventionum eorum de domo mea ejiciam eos ; non addam ut diligam eos, omnes principes eorum recedentes.

Omnes nequitiae eorum in Galgal quia ibi exosos habui eos propter malitiam adinventionum eorum de domo mea eiciam eos non addam ut diligam eos omnes principes eorum recedentes.

16 Percussus est Ephraim, radix eorum exsiccata est ; fructum nequaquam facient. Quod et si genuerint, interficiam amantissima uteri eorum.

Percussus est Ephraim radix eorum exsiccata est fructum nequaquam facient quod si et genuerint interficiam amantissima uteri eorum.

17 Abjiciet eos Deus meus, quia non audierunt eum ; et erunt vagi in nationibus.

Abiciet eos Deus meus quia non audierunt eum et erunt vagi in nationibus.



Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org || Nova Vulgata Bibliorum Sacrorum Editio.

spacer 


Aperit