4 Audite verbum Domini filii Israel, quia judicium Domino cum habitatoribus terræ ; non est enim veritas, et non est misericordia, et non est scientia Dei in terra.
Audite verbum Domini filii Israhel quia iudicium Domino cum habitatoribus terrae non est enim veritas et non est misericordia et non est scientia Dei in terra.
2 Maledictum, et mendacium, et homicidium, et furtum, et adulterium inundaverunt, et sanguis sanguinem tetigit.
Maledictum et mendacium et homicidium et furtum et adulterium inundaverunt et sanguis sanguinem tetigit.
3 Propter hoc lugebit terra, et infirmabitur omnis, qui habitat in ea, in bestia agri, et in volucre cœli ; sed et pisces maris congregabuntur.
Propter hoc lugebit terra et infirmabitur omnis qui habitat in ea in bestia agri et in volucre caeli sed et pisces maris congregabuntur.
4 Verumtamen unusquisque non judicet ; et non arguatur vir ; populus enim tuus sicut hi, qui contradicunt sacerdoti.
Verumtamen unusquisque non iudicet et non arguatur vir populus enim tuus sicut hii qui contradicunt sacerdoti.
5 Et corrues hodie, et corruet etiam propheta tecum ; nocte tacere feci matrem tuam.
Et corrues hodie et corruet etiam propheta tecum nocte tacere feci matrem tuam.
6 Conticuit populus meus, eo quod non habuerit scientiam ; quia tu scientiam repulisti, repellam te, ne sacerdotio fungaris mihi ; et oblita es legis Dei tui, obliviscar filiorum tuorum et ego.
Conticuit populus meus eo quod non habuerit scientiam quia tu scientiam reppulisti repellam te ne sacerdotio fungaris mihi et oblita es legis Dei tui obliviscar filiorum tuorum et ego.
7 Secundum multitudinem eorum sic peccaverunt mihi ; gloriam eorum in ignominiam commutabo.
Secundum multitudinem eorum sic peccaverunt mihi gloriam eorum in ignominiam commutabo.
8 Peccata populi mei comedent, et ad iniquitatem eorum sublevabunt animas eorum.
Peccata populi mei comedent et ad iniquitatem eorum sublevabunt animas eorum.
9 Et erit sicut populus, sic sacerdos ; et visitabo super eum vias ejus, et cogitationes ejus reddam ei.
Et erit sicut populus sic sacerdos et visitabo super eum vias eius et cogitationes eius reddam ei.
10 Et comedent, et non saturabuntur ; fornicati sunt, et non cessaverunt ; quoniam Dominum dereliquerunt in non custodiendo.
Et comedent et non saturabuntur fornicati sunt et non cessaverunt quoniam Dominum reliquerunt in non custodiendo.
11 Fornicatio, et vinum, et ebrietas auferunt cor.
Fornicatio et vinum et ebrietas aufert cor.
12 Populus meus in ligno suo interrogavit, et baculus ejus annuntiavit ei ; spiritus enim fornicationum decepit eos, et fornicati sunt a Deo suo.
Populus meus in ligno suo interrogavit et baculus eius adnuntiavit ei spiritus enim fornicationum decepit eos et fornicati sunt a Deo suo.
13 Super capita montium sacrificabant, et super colles ascendebant thymiama ; subtus quercum, et populum, et terebinthum, quia bona erat umbra ejus ; ideo fornicabuntur filiæ vestræ, et sponsæ vestræ adulteræ erunt.
Super capita montium sacrificabant et super colles accendebant thymiama subtus quercum et populum et terebinthum quia bona erat umbra eius ideo fornicabuntur filiae vestrae et sponsae vestrae adulterae erunt.
14 Non visitabo super filias vestras cum fuerint fornicatæ, et super sponsas vestras cum adulteraverint ; quoniam ipsi cum meretricibus conversabantur, et cum effeminatis sacrificabant, et populus non intelligens vapulabit.
Non visitabo super filias vestras cum fuerint fornicatae et super sponsas vestras cum adulteraverint quoniam ipsi cum meretricibus versabantur et cum effeminatis sacrificabant et populus non intellegens vapulabit.
15 Si fornicaris tu, Israel, non delinquat saltem Juda ; et nolite ingredi in Galgala, et ne ascenderitis in Bethaven, neque juraveritis : Vivit Dominus.
Si fornicaris tu Israhel non delinquat saltim Iuda et nolite ingredi in Galgala et ne ascenderitis in Bethaven neque iuraveritis vivit Dominus.
16 Quoniam sicut vacca lasciviens declinavit Israel ; nunc pascet eos Dominus, quasi agnum in latitudine.
Quoniam sicut vacca lasciviens declinavit Israhel nunc pascet eos Dominus quasi agnum in latitudine.
17 Particeps idolorum Ephraim, dimitte eum.
Particeps idolorum Ephraim dimitte eum.
18 Separatum est convivium eorum, fornicatione fornicati sunt ; dilexerunt afferre ignominiam protectores ejus.
Separatum est convivium eorum fornicatione fornicati sunt dilexerunt adferre ignominiam protectores eius.
19 Ligavit eum spiritus in alis suis, et confundentur a sacrificiis suis.
Ligavit spiritus eam in alis suis et confundentur a sacrificiis suis.
Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org || Nova Vulgata Bibliorum Sacrorum Editio.