Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Osee

(Versiculus)

2 Dicite fratribus vestris : Populus meus ; et sorori vestræ, misericordiam consecuta.

Dicite fratribus vestris Populus meus et sorori vestrae Misericordiam consecuta.

2 Judicate matrem vestram, judicate ; quoniam ipsa non uxor mea, et ego non vir ejus ; auferat fornicationes suas a facie sua, et adulteria sua de medio uberum suorum.

Iudicate matrem vestram iudicate quoniam ipsa non uxor mea et ego non vir eius auferat fornicationes suas a facie sua et adulteria sua de medio uberum suorum.

3 Ne forte expoliem eam nudam, et statuam eam secundum diem nativitatis suæ ; et ponam eam quasi solitudinem, et statuam eam velut terram inviam, et interficiam eam siti.

Ne forte expoliem eam nudam et statuam eam secundum diem nativitatis suae et ponam eam quasi solitudinem et statuam eam velut terram inviam et interficiam eam siti.

4 Et filiorum illius non miserebor ; quoniam filii fornicationum sunt ;

Et filiorum illius non miserebor quoniam filii fornicationum sunt.

5 Quia fornicata est mater eorum, confusa est quæ concepit eos ; quia dixit : Vadam post amatores meos, qui dant panes mihi, et aquas meas, lanam meam, et linum meum, oleum meum, et potum meum.

Quia fornicata est mater eorum confusa est quae concepit eos quia dixit vadam post amatores meos qui dant panes mihi et aquas meas lanam meam et linum meum oleum meum et potum meum.

6 Propter hoc ecce ego sepiam viam tuam spinis, et sepiam eam maceria, et semitas suas non inveniet.

Propter hoc ecce ego sepiam viam tuam spinis et sepiam eam maceria et semitas suas non inveniet.

7 Et sequetur amatores suos, et non apprehendet eos ; et quæret eos, et non inveniet, et dicet : Vadam, et revertar ad virum meum priorem ; quia bene mihi erat tunc magis quam nunc.

Et sequetur amatores suos et non adprehendet eos et quaeret eos et non inveniet et dicet vadam et revertar ad virum meum priorem quia bene mihi erat tunc magis quam nunc.

8 Et hæc nescivit, quia ego dedi ei frumentum, et vinum, et oleum, et argentum multiplicavi ei, et aurum, quæ fecerunt Baal.

Et haec nescivit quia ego dedi ei frumentum et vinum et oleum et argentum multiplicavi ei et aurum quae fecerunt Baal.

9 Idcirco convertar, et sumam frumentum meum in tempore suo, et vinum meum in tempore suo, et liberabo lanam meam et linum meum, quæ operiebant ignominiam ejus.

Idcirco convertar et sumam frumentum meum in tempore suo et vinum meum in tempore suo et liberabo lanam meam et linum meum quae operiebant ignominiam eius.

10 Et nunc revelabo stultitiam ejus in oculis amatorum ejus ; et vir non eruet eam de manu mea ;

Et nunc revelabo stultitiam eius in oculis amatorum eius et vir non eruet eam de manu mea.

11 Et cessare faciam omne gaudium ejus, solemnitatem ejus, neomeniam ejus, sabbatum ejus, et omnia festa tempora ejus.

Et cessare faciam omne gaudium eius sollemnitatem eius neomeniam eius sabbatum eius et omnia festa tempora eius.

12 Et corrumpam vineam ejus, et ficum ejus ; de quibus dixit : Mercedes hæ, meæ sunt, quas dederunt mihi amatores mei ; et ponam eam in saltum, et comedet eam bestia agri.

Et corrumpam vineam eius et ficum eius de quibus dixit mercedes hae meae sunt quas dederunt mihi amatores mei et ponam eam in saltu et comedet illam bestia agri.

13 Et visitabo super eam dies Baalim, quibus accendebat incensum, et ornabatur in aure sua, et monili suo, et ibat post amatores suos, et mei obliviscebatur, dicit Dominus.

Et visitabo super eam dies Baalim quibus accendebat incensum et ornabatur inaure sua et monili suo et ibat post amatores suos et mei obliviscebatur dicit Dominus.

14 Propter hoc, ecce ego lactabo eam, et ducam eam in solitudinem, et loquar ad cor ejus.

Propter hoc ecce ego lactabo eam et ducam eam in solitudinem et loquar ad cor eius.

15 Et dabo ei vinitores ejus ex eodem loco, et vallem Achor ad aperiendam spem ; et canet ibi juxta dies juventutis suæ, et juxta dies ascensionis suæ de terra Ægypti.

Et dabo ei vinitores eius ex eodem loco et vallem Achor ad aperiendam spem et canet ibi iuxta dies iuventutis suae et iuxta dies ascensionis suae de terra Aegypti.

16 Et erit in die illa, ait Dominus ; vocabit me : Vir meus ; et non vocabit me ultra, Baali.

Et erit in die illo ait Dominus vocabit me Vir meus et non vocabit me ultra Baali.

17 Et auferam nomina Baalim de ore ejus, et non recordabitur ultra nominis eorum.

Et auferam nomina Baalim de ore eius et non recordabitur ultra nominis eorum.

18 Et percutiam cum eis fœdus in die illa, cum bestia agri, et cum volucre cœli, et cum reptili terræ ; et arcum, et gladium, et bellum conteram de terra ; et dormire eos faciam fiducialiter.

Et percutiam eis foedus in die illa cum bestia agri et cum volucre caeli et cum reptili terrae et arcum et gladium et bellum conteram de terra et dormire eos faciam fiducialiter.

19 Et sponsabo te mihi in sempiternum ; et sponsabo te mihi in justitia, et judicio, et in misericordia, et in miserationibus.

Et sponsabo te mihi in sempiternum et sponsabo te mihi in iustitia et iudicio et in misericordia et miserationibus.

20 Et sponsabo te mihi in fide ; et scies quia ego Dominus.

Et sponsabo te mihi in fide et scies quia ego Dominus.

21 Et erit in die illa : Exaudiam, dicit Dominus, exaudiam cœlos, et illi exaudient terram.

Et erit in illa die exaudiam dicit Dominus exaudiam caelos et illi exaudient terram.

22 Et terra exaudiet triticum, et vinum, et oleum ; et hæc exaudient Jezrahel.

Et terra exaudiet triticum et vinum et oleum et haec exaudient Hiezrahel.

23 Et seminabo eam mihi in terra, et miserebor ejus, quæ fuit Absque misericordia.

Et seminabo eam mihi in terram et miserebor eius quae fuit absque misericordia.

24 Et dicam Non populo meo : Populus meus es tu ; et ipse dicet : Deus meus es tu.

 

Et dicam non populo meo populus meus tu et ipse dicet Dominus meus es tu.



Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org || Nova Vulgata Bibliorum Sacrorum Editio.

spacer 


Aperit