Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Michææ

(Versiculus)

3 Et dixi : Audite princeps Jacob, et duces domus Israel : Numquid non vestrum est scire judicium,

Et dixi audite principes Iacob et duces domus Israhel numquid non vestrum est scire iudicium.

2 Qui odio habetis bonum, et diligitis malum ; qui violenter tollitis pelles eorum desuper eis, et carnem eorum desuper ossibus eorum ?

Qui odio habetis bonum et diligitis malum qui violenter tollitis pelles eorum desuper eos et carnem eorum desuper ossibus eorum.

3 Qui comederunt carnem populi mei, et pellem eorum desuper excoriaverunt ; et ossa eorum confregerunt, et conciderunt sicut in lebete, et quasi carnem in medio ollæ.

Qui comederunt carnem populi mei et pellem eorum desuper excoriaverunt et ossa eorum confregerunt et conciderunt sicut in lebete et quasi carnem in medio ollae.

4 Tunc clamabunt ad Dominum, et non exaudiet eos ; et abscondet faciem suam ab eis in tempore illo sicut nequiter egerunt in adinventionibus suis.

Tunc clamabunt ad Dominum et non exaudiet eos et abscondet faciem suam ab eis in tempore illo sicut nequiter egerunt in adinventionibus suis.

5 Hæc dicit Dominus super prophetas, qui seducunt populum meum ; qui mordent dentibus suis, et prædicant pacem ; et si quis non dederit in ore eorum quippiam, sanctificant super eum prælium.

Haec dicit Dominus super prophetas qui seducunt populum meum qui mordent dentibus suis et praedicant pacem et si quis non dederit in ore eorum quippiam sanctificant super eum proelium.

6 Propterea nox vobis pro visione erit, et tenebræ vobis pro divinatione ; et occumbet sol super prophetas, et obtenebrabitur super eos dies.

Propterea nox vobis pro visione erit et tenebrae vobis pro divinatione et occumbet sol super prophetas et obtenebrabitur super eos dies.

7 Et confundentur qui vident visiones, et confundentur divini ; et operient omnes vultos suos, quia non est responsum Dei.

Et confundentur qui vident visiones et confundentur divini et operient vultus suos omnes quia non est responsum Dei.

8 Verumtamen ego repletus sum fortitudine spiritus Domini, judicio, et virtute ; ut annuntiem Jacob scelus suum, et Israel peccatum suum.

Verumtamen ego repletus sum fortitudine spiritus Domini iudicio et virtute ut adnuntiem Iacob scelus suum et Israhel peccatum suum.

9 Audite hoc principes domus Jacob, et judices domus Israel ; qui abominamini judicium, et omnia recta pervertitis.

Audite haec principes domus Iacob et iudices domus Israhel qui abominamini iudicium et omnia recta pervertitis.

10 Qui ædificatis Sion in sanguinibus, et Jerusalem in iniquitate.

Qui aedificatis Sion in sanguinibus et Hierusalem in iniquitate.

11 Principes ejus in muneribus judicabant, et sacerdotes ejus in mercede docebant, et prophetæ ejus in pecunia divinabant ; et super Dominum requiescebant, dicentes : Numquid non Dominus in medio nostrum ? non venient super nos mala.

Principes eius in muneribus iudicabant et sacerdotes eius in mercede docebant et prophetae eius in pecunia divinabant et super Dominum requiescebant dicentes numquid non Dominus in medio nostrum non venient super nos mala.

12 Propter hoc, causa vestri, Sion quasi ager arabitur, et Jerusalem quasi acervus lapidum erit, et mons templi in excelsa silvarum.

Propter hoc causa vestri Sion quasi ager arabitur et Hierusalem quasi acervus lapidum erit et mons templi in excelsa silvarum.



Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org || Nova Vulgata Bibliorum Sacrorum Editio.

spacer 


Aperit