Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Judicum

(Versiculus)

5 Cecineruntque Debbora et Barac filius Abinoem, in illo die, dicentes :

Cecineruntque Debbora et Barac filius Abinoem in die illo dicentes.

2 Qui sponte obtulistis de Israel animas vestras ad periculum, benedicite Domino.

Qui sponte obtulistis de Israhel animas vestras ad periculum benedicite Domino.

3 Audite reges ; auribus percipite, principes : Ego sum, ego sum, quæ Domino canam, psallam Domino Deo Israel.

Audite reges percipite auribus principes ego sum ego sum quae Domino canam psallam Domino Deo Israhel.

4 Domine, cum exires de Seir, et transires per regiones Edom, terra mota est, cælique ac nubes distillaverunt aquis.

Domine cum exires de Seir et transires per regiones Edom terra mota est caelique ac nubes stillaverunt aquis.

5 Montes fluxerunt a facie Domini, et Sinai a facie Domini Dei Israel.

Montes fluxerunt a facie Domini et Sinai a facie Domini Dei Israhel.

6 In diebus Samgar, filii Anath, in diebus Jahel, quieverunt semitæ ; et qui ingrediebantur per eas, ambulaverunt per calles devios.

In diebus Samgar filii Anath in diebus Iahel quieverunt semitae et qui ingrediebantur per eas ambulaverunt per calles devios.

7 Cessaverunt fortes in Israel, et quieverunt, donec surgeret Debbora, surgeret mater in Israel.

Cessaverunt fortes in Israhel et quieverunt donec surgeret Debbora surgeret mater in Israhel.

8 Nova bella elegit Dominus, et portas hostium ipse subvertit ; clypeus et hasta si apparuerint in quadraginta millibus Israel.

Nova bella elegit Dominus et portas hostium ipse subvertit clypeus et hasta si apparuerint in quadraginta milibus Israhel.

9 Cor meum diligit principes Israel. Qui propria voluntate obtulistis vos discrimini, benedicite Domino.

Cor meum diligit principes Israhel qui propria voluntate obtulistis vos discrimini benedicite Domino.

10 Qui ascenditis super nitentes asinos, et sedetis in judicio, et ambulatis in via, loquimini.

Qui ascenditis super nitentes asinos et sedetis in iudicio et ambulatis in via loquimini.

11 Ubi collisi sunt currus, et hostium suffocatus est exercitus, ibi narrentur justitiæ Domini, et clementia in fortes Israel. Tunc descendit populus Domini ad portas, et obtinuit principatum.

Ubi conlisi sunt currus et hostium est suffocatus exercitus ibi narrentur iustitiae Domini et clementia in fortes Israhel tunc descendit populus Domini ad portas et obtinuit principatum.

12 Surge, surge, Debbora ; surge, surge, et loquere canticum ; surge Barac, et apprehende captivos tuos, fili Abinoem.

Surge surge Debbora surge surge et loquere canticum surge Barac et adprehende captivos tuos fili Abinoem.

13 Salvatæ sunt reliquiæ populi ; Dominus in fortibus dimicavit.

Salvatae sunt reliquiae populi Dominus in fortibus dimicavit.

14 Ex Ephraim delevit eos in Amalec, et post eum ex Benjamin in populos tuos, o Amalec ; de Machir principes descenderunt, et de Zabulon qui exercitum ducerent ad bellandum.

Ex Ephraim delevit eos in Amalech et post eum ex Beniamin in populos tuos o Amalech de Machir principes descenderunt et de Zabulon qui exercitum ducerent ad bellandum.

15 Duces Issachar fuere cum Debbora, et Barac vestigia sunt secuti, qui quasi in præceps ac barathrum se discrimini dedit ; diviso contra se Ruben, magnanimorum reperta est contentio.

Duces Isachar fuere cum Debbora et Barac vestigia sunt secuti qui quasi in praeceps ac baratrum se discrimini dedit diviso contra se Ruben magnanimorum repperta contentio est.

16 Quare habitas inter duos terminos, ut audias sibilos gregum ? diviso contra se Ruben, magnanimorum reperta est contentio.

Quare habitas inter duos terminos ut audias sibilos gregum diviso contra se Ruben magnanimorum repperta contentio est.

17 Galaad trans Jordanem quiescebat, et Dan vacabat navibus ; Aser habitabat in littore maris, et in portubus morabatur ;

Galaad trans Iordanem quiescebat et Dan vacabat navibus Aser habitabat in litore maris et in portibus morabatur.

18 Zabulon vero et Nephthali obtulerunt animas suas morti in regione Merome.

Zabulon vero et Nepthalim obtulerunt animas suas morti in regione Merome.

19 Venerunt reges et pugnaverunt, pugnaverunt reges Chanaan in Thanach juxta aquas Mageddo, et tamen nihil tulere prædantes.

Venerunt reges et pugnaverunt pugnaverunt reges Chanaan in Thanach iuxta aquas Mageddo et tamen nihil tulere praedantes.

20 De cælo dimicatum est contra eos ; stellæ manentes in ordine et cursu suo, adversus Sisaram pugnaverunt.

De caelo dimicatum est contra eos stellae manentes in ordine et cursu suo adversum Sisaram pugnaverunt.

21 Torrens Cison traxit cadavera eorum, torrens Cadumim, torrens Cison. Conculca, anima mea, robustos !

Torrens Cison traxit cadavera eorum torrens Cadumim torrens Cison conculca anima mea robustos.

22 Ungulæ equorum ceciderunt, fugientibus impetu, et per præceps ruentibus fortissimis hostium.

Ungulae equorum ceciderunt fugientibus impetu et per praeceps ruentibus fortissimis hostium.

23 Maledicite terræ Meroz ! dixit angelus Domini ; maledicite habitatoribus ejus, quia non venerunt ad auxilium Domini, in adjutorium fortissimorum ejus !

Maledicite terrae Meroz dixit angelus Domini maledicite habitatoribus eius quia non venerunt ad auxilium Domini in adiutorium fortissimorum eius.

24 Benedicta inter mulieres Jahel, uxor Haber, Cinæi, et benedicatur in tabernaculo suo.

Benedicta inter mulieres Iahel uxor Aber Cinei benedicatur in tabernaculo suo.

25 Aquam petenti lac dedit, et in phiala principum obtulit butyrum.

Aquam petenti lac dedit et in fiala principum obtulit butyrum.

26 Sinistram manum misit ad clavum, et dexteram ad fabrorum malleos, percussitque Sisaram, quærens in capite vulneri locum, et tempus valide perforans.

Sinistram manum misit ad clavum et dexteram ad fabrorum malleos percussitque Sisaram quaerens in capite vulneri locum et tempus valide perforans.

27 Inter pedes ejus ruit, defecit, et mortuus est ; volvebatur ante pedes ejus, et jacebat exanimis et miserabilis.

Inter pedes eius ruit defecit et mortuus est ante pedes illius volvebatur et iacebat exanimis et miserabilis.

28 Per fenestram respiciens, ululabat mater ejus, et de cœnaculo loquebatur : Cur moratur regredi currus ejus ? Quare tardaverunt pedes quadrigarum illius ?

Per fenestram prospiciens ululabat mater eius et de cenaculo loquebatur cur moratur regredi currus eius quare tardaverunt pedes quadrigarum illius.

29 Una sapientior ceteris uxoribus ejus, hæc socrui verba respondit :

Una sapientior ceteris uxoribus eius haec socrui verba respondit.

30 Forsitan nunc dividit spolia, et pulcherrima feminarum eligitur ei ; vestes diversorum Sisaræ traduntur in prædam, et supellex varia ad ornanda colla congeritur.

Forsitan nunc dividit spolia et pulcherrima feminarum eligitur ei vestes diversorum colorum Sisarae traduntur in praedam et supellex varia ad ornanda colla congeritur.

31 Sic pereant omnes inimici tui, Domine ; qui autem diligunt te, sicut sol in ortu suo splendet, ita rutilent.

Sic pereant omnes inimici tui Domine qui autem diligunt te sicut sol in ortu suo splendet ita rutilent.

32 Quievitque terra per quadraginta annos.

Quievitque terra per quadraginta annos.



Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org || Nova Vulgata Bibliorum Sacrorum Editio.

spacer 


Aperit