Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Jeremiæ

(Versiculus)

17 Peccatum Juda scriptum est stylo ferreo in ungue adamantino, exaratum super latitudinem cordis eorum, et in cornibus ararum eorum.

Peccatum Iuda scriptum est stilo ferreo in ungue adamantino exaratum super latitudinem cordis eorum et in cornibus ararum eorum.

2 Cum recordati fuerint filii eorum ararum suarum, et lucorum suorum, lignorumque frondentium, in montibus excelsis ;

Cum recordati fuerint filii eorum ararum suarum et lucorum lignorumque frondentium in montibus excelsis.

3 Sacrificantes in agro ; fortitudinem tuam, et omnes thesauros tuos in direptionem dabo, excelsa tua propter peccata in universis finibus tuis.

Sacrificantes in agro fortitudinem tuam et omnes thesauros tuos in direptionem dabo excelsa tua propter peccata in universis finibus tuis.

4 Et relinqueris sola ab hæreditate tua, quam dedi tibi ; et servire te faciam inimicis tuis in terra, quam ignoras ; quoniam ignem succendisti in furore meo, usque in æternum ardebit.

Et relinqueris sola ab hereditate tua quam dedi tibi et servire te faciam inimicis tuis in terra quam ignoras quoniam ignem succendisti in furore meo usque in aeternum ardebit.

5 Hæc dicit Dominus : Maledictus homo, qui confidit in homine, et ponit carnem brachium suum, et a Domino recedit cor ejus.

Haec dicit Dominus maledictus homo qui confidit in homine et ponit carnem brachium suum et a Domino recedit cor eius.

6 Erit enim quasi myricæ in deserto, et non videbit cum venerit bonum ; sed habitabit in siccitate in deserto, in terra salsuginis, et inhabitabili.

Erit enim quasi myrice in deserto et non videbit cum venerit bonum sed habitabit in siccitate in deserto in terra salsuginis et inhabitabili.

7 Benedictus vir, qui confidit in Domino, et erit Dominus fiducia ejus.

Benedictus vir qui confidit in Domino et erit Dominus fiducia eius.

8 Et erit quasi lignum, quod transplantatur super aquas, quod ad humorem mittit radices suas ; et non timebit cum venerit æstus. Et erit folium ejus viride, et in tempore siccitatis non erit sollicitum, nec aliquando desinet facere fructum.

Et erit quasi lignum quod transplantatur super aquas quod ad humorem mittit radices suas et non timebit cum venerit aestus et erit folium eius viride et in tempore siccitatis non erit sollicitum nec aliquando desinet facere fructum.

9 Pravum est cor omnium, et inscrutabile ; quis cognoscet illud ?

Pravum est cor omnium et inscrutabile quis cognoscet illud.

10 Ego Dominus scrutans cor, et probans renes ; qui do unicuique juxta viam suam, et juxta fructum adinventionum suarum.

Ego Dominus scrutans cor et probans renes qui do unicuique iuxta viam et iuxta fructum adinventionum suarum.

11 Perdix fovit quæ non peperit ; fecit divitias, et non in judicio ; in dimidio dierum suorum derelinquet eas, et in novissimo suo erit insipiens.

Perdix fovit quae non peperit fecit divitias et non in iudicio in dimidio dierum suorum derelinquet eas et in novissimo suo erit insipiens.

12 Solium gloriæ altitudinis a principio, locus sanctificationis nostræ.

Solium gloriae altitudinis a principio locus sanctificationis nostrae.

13 Expectatio Israel Domine ; omnes, qui te derelinquunt, confundentur ; recedentes a te, in terra scribentur ; quoniam dereliquerunt venam aquarum viventium Dominum.

Expectatio Israhel Domine omnes qui te derelinquunt confundentur recedentes in terra scribentur quoniam dereliquerunt venam aquarum viventium Dominum.

14 Sana me Domine, et sanabor ; salvum me fac, et salvus ero ; quoniam laus mea tu es.

Sana me Domine et sanabor salvum me fac et salvus ero quoniam laus mea tu es.

15 Ecce ipsi dicunt ad me : Ubi est verbum Domini ? veniat.

Ecce ipsi dicunt ad me ubi est verbum Domini veniat.

16 Et ego non sum turbatus, te pastorem sequens ; et diem hominis non desideravi, tu scis. Quod egressum est de labiis meis, rectum in conspectu tuo fuit.

Et ego non sum turbatus te pastorem sequens et diem hominis non desideravi tu scis quod egressum est de labiis meis rectum in conspectu tuo fuit.

17 Non sis tu mihi formidini, spes mea tu in die afflictionis.

Non sis mihi tu formidini spes mea tu in die adflictionis.

18 Confundantur qui me persequuntur, et non confundar ego ; paveant illi, et non paveam ego ; induc super eos diem afflictionis, et duplici contritione contere eos.

Confundantur qui persequuntur me et non confundar ego paveant illi et non paveam ego induc super eos diem adflictionis et duplici contritione contere eos.

19 Hæc dicit Dominus ad me : Vade, et sta in porta filiorum populi, per quam ingrediuntur reges Juda, et egrediuntur, et in cunctis portis Jerusalem ;

Haec dicit Dominus ad me vade et sta in porta filiorum populi per quam ingrediuntur reges Iuda et egrediuntur et in cunctis portis Hierusalem.

20 Et dices ad eos : Audite verbum Domini reges Juda, et omnis Juda, cunctique habitatores Jerusalem, qui ingredimini per portas istas.

Et dices ad eos audite verbum Domini reges Iuda et omnis Iudaea cunctique habitatores Hierusalem qui ingredimini per portas istas.

21 Hæc dicit Dominus : Custodite animas vestras, et nolite portare pondera in die sabbati ; nec inferatis per portas Jerusalem.

Haec dicit Dominus custodite animas vestras et nolite portare pondera in die sabbati nec inferatis per portas Hierusalem.

22 Et nolite ejicere onera de domibus vestris in die sabbati, et omne opus non facietis ; sanctificate diem sabbati, sicut præcepi patribus vestris.

Et nolite eicere onera de domibus vestris in die sabbati et omne opus non facietis sanctificate diem sabbati sicut praecepi patribus vestris.

23 Et non audierunt, nec inclinaverunt aurem suam ; sed induraverunt cervicem suam ne audirent me, et ne acciperent disciplinam.

Et non audierunt nec inclinaverunt aurem suam sed induraverunt cervicem suam ne audirent me et ne acciperent disciplinam.

24 Et erit : Si audieritis me, dicit Dominus, ut non inferatis onera per portas civitatis hujus in die sabbati ; et si sanctificaveritis diem sabbati, ne faciatis in eo omne opus ;

Et erit si audieritis me dicit Dominus ut non inferatis onera per portas civitatis huius in die sabbati et si sanctificaveritis diem sabbati ne faciatis in ea omne opus.

25 Ingredientur per portas civitatis hujus reges et principes, sedentes super solium David, et ascendentes in curribus et equis, ipsi et principes eorum, viri Juda, et habitatores Jerusalem ; et habitabitur civitas hæc in sempiternum.

Ingredientur per portas civitatis huius reges et principes sedentes super solium David et ascendentes in curribus et equis ipsi et principes eorum vir Iuda et habitatores Hierusalem et habitabitur civitas haec in sempiternum.

26 Et venient de civitatibus Juda, et de circuitu Jerusalem, et de terra Benjamin, et de campestribus, et de montuosis, et ab austro, portantes holocaustum, et victimam, et sacrificium, et thus, et inferent oblationem in domum Domini.

Et venient de civitate Iuda et de circuitu Hierusalem et de terra Beniamin et de campestribus et de montuosis et ab austro portantes holocaustum et victimam et sacrificium et tus et inferent oblationem in domum Domini.

27 Si autem non audieritis me ut sanctificetis diem sabbati, et ne portetis onus, et ne inferatis per portas Jerusalem in die sabbati ; succendam ignem in portis ejus, et devorabit domos Jerusalem, et non extinguetur.

Si autem non audieritis me ut sanctificetis diem sabbati et ne portetis onus et ne inferatis per portas Hierusalem in die sabbati succendam ignem in portis eius et devorabit domos Hierusalem et non extinguetur.



Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org || Nova Vulgata Bibliorum Sacrorum Editio.

spacer 


Aperit