Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Jeremiæ

(Versiculus)

12 Justus quidem tu es Domine, si disputem tecum ; verumtamen justa loquar ad te : Quare via impiorum prosperatur ; bene est omnibus, qui prævaricantur, et inique agunt ?

Iustus quidem tu es Domine si disputem tecum verumtamen iusta loquar ad te quare via impiorum prosperatur bene est omnibus qui praevaricantur et inique agunt.

2 Plantasti eos, et radicem miserunt ; proficiunt et faciunt fructum ; prope es tu ori eorum ; et longe a renibus eorum.

Plantasti eos et radicem miserunt proficiunt et faciunt fructum prope es tu ori eorum et longe a renibus eorum.

3 Et tu Domine nosti me, vidisti me, et probasti cor meum tecum ; congrega eos quasi gregem ad victimam, et sanctifica eos in die occisionis.

Et tu Domine nosti me vidisti me et probasti cor meum tecum congrega eos quasi gregem ad victimam et sanctifica eos in die occisionis.

4 Usquequo lugebit terra, et herba omnis regionis siccabitur propter malitiam habitantium in ea ? consumptum est animal, et volucre, quoniam dixerunt : Non videbit novissima nostra.

Usquequo lugebit terra et herba omnis regionis siccabitur propter malitiam habitantium in ea consumptum est animal et volucre quoniam dixerunt non videbit novissima nostra.

5 Si cum peditibus currens laborasti : quomodo contendere poteris cum equis ? cum autem in terra pacis securus fueris, quid facies in superbia Jordanis ?

Si cum peditibus currens laborasti quomodo contendere poteris cum equis cum autem in terra pacis secura fueris quid facies in superbia Iordanis.

6 Nam et fratres tui, et domus patris tui, etiam ipsi pugnaverunt adversum te, et clamaverunt post te plena voce ; ne credas eis, cum locuti fuerint tibi bona.

Nam et fratres tui et domus patris tui etiam ipsi pugnaverunt adversum te et clamaverunt post te plena voce ne credas eis cum locuti fuerint tibi bona.

7 Reliqui domum meam, dimisi hæreditatem meam ; dedi dilectam animam meam in manu inimicorum ejus.

Reliqui domum meam dimisi hereditatem meam dedi dilectam animam meam in manu inimicorum eius.

8 Facta est mihi hæreditas mea quasi leo in silva ; dedit contra me vocem, ideo odivi eam.

Facta est mihi hereditas mea quasi leo in silva dedit contra me vocem ideo odivi eam.

9 Numquid avis discolor hæreditas mea mihi ? numquid avis tincta per totum ? venite, congregamini omnes bestiæ terræ, properate ad devorandum.

Numquid avis discolor hereditas mea mihi numquid avis tincta per totum venite congregamini omnes bestiae terrae properate ad devorandum.

10 Pastores multi demoliti sunt vineam meam, conculcaverunt partem meam ; dederunt portionem meam desiderabilem in desertum solitudinis.

Pastores multi demoliti sunt vineam meam conculcaverunt partem meam dederunt portionem meam desiderabilem in desertum solitudinis.

11 Posuerunt eam in dissipationem, luxitque super me ; desolatione desolata est omnis terra ; quia nullus est qui recogitet corde.

Posuerunt eam in dissipationem luxitque super me desolatione desolata est omnis terra quia nullus est qui recogitet corde.

12 Super omnes vias deserti venerunt vastatores, quia gladius Domini devorabit ab extremo terræ usque ad extremum ejus ; non est pax universæ carni.

Super omnes vias deserti venerunt vastatores quia gladius Domini devoravit ab extremo terrae usque ad extremum eius non est pax universae carni.

13 Seminaverunt triticum, et spinas messuerunt ; hæreditatem acceperunt, et non eis proderit ; confundemini a fructibus vestris, propter iram furoris Domini.

Seminaverunt triticum et spinas messuerunt hereditatem acceperunt et non eis proderit confundemini a fructibus vestris propter iram furoris Domini.

14 Hæc dicit Dominus adversum omnes vicinos meos pessimos, qui tangunt hæreditatem, quam distribui populo meo Israel : Ecce ego evellam eos de terra sua, et domum Juda evellam de medio eorum.

Haec dicit Dominus adversum omnes vicinos meos pessimos qui tangunt hereditatem quam distribui populo meo Israhel ecce ego evellam eos de terra eorum et domum Iuda evellam de medio eorum.

15 Et cum evulsero eos, convertar, et miserebor eorum ; et reducam eos, virum ad hæreditatem suam, et virum in terram suam.

Et cum evellero eos convertar et miserebor eorum et reducam eos virum ad hereditatem suam et virum in terram suam.

16 Et erit : si eruditi didicerint vias populi mei, ut jurent in nomine meo : Vivit Dominus, sicut docuerunt populum meum jurare in Baal ; ædificabuntur in medio populi mei.

Et erit si eruditi didicerint vias populi mei ut iurent in nomine meo vivit Dominus sicut docuerunt populum meum iurare in Baal aedificabuntur in medio populi mei.

17 Quod si non audierint, evellam gentem illam evulsione et perditione, ait Dominus.

Quod si non audierint evellam gentem illam evulsione et perditione ait Dominus.



Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org || Nova Vulgata Bibliorum Sacrorum Editio.

spacer 


Aperit