Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Job

(Versiculus)

34 Pronuntians itaque Eliu, etiam hæc locutus est :

Pronuntians itaque Heliu etiam haec locutus est.

2 Audite, sapientes, verba mea, et, eruditi, auscultate me.

Audite sapientes verba mea et eruditi auscultate me.

3 Auris enim verba probat, et guttur escas gustu dijudicat.

Auris enim verba probat et guttur escas gustu diiudicat.

4 Judicium eligamus nobis, et inter nos videamus quid sit melius.

Iudicium eligamus nobis et inter nos videamus quid sit melius.

5 Quia dixit Job : Justus sum, et Deus subvertit judicium meum.

Quia dixit Iob iustus sum et Deus subvertit iudicium meum.

6 In judicando enim me mendacium est, violenta sagitta mea absque ullo peccato.

In iudicando enim me mendacium est violenta sagitta mea absque ullo peccato.

7 Quis est vir ut est Job, qui bibit subsannationem quasi aquam ?

Quis est vir ut est Iob qui bibit subsannationem quasi aquam.

8 Qui graditur cum operantibus iniquitatem, et ambulat cum viris impiis ?

Qui graditur cum operantibus iniquitatem et ambulat cum viris impiis.

9 Dixit enim : Non placebit vir Deo, etiam si cucurrerit cum eo.

Dixit enim non placebit vir Deo etiam si cucurrerit cum eo.

10 Ideo, viri cordati, audite me : Absit a Deo impietas, et ab Omnipotente iniquitas !

Ideo viri cordati audite me absit a Deo impietas et ab Omnipotente iniquitas.

11 Opus enim hominis reddet ei, et juxta vias singulorum restituet eis.

Opus enim hominis reddet ei et iuxta vias singulorum restituet.

12 Vere enim Deus non condemnabit frustra, nec Omnipotens subvertet judicium.

Vere enim Deus non condemnabit frustra nec Omnipotens subvertet iudicium.

13 Quem constituit alium super terram ? aut quem posuit super orbem quem fabricatus est ?

Quem constituit alium super terram aut quem posuit super orbem quem fabricatus est.

14 Si direxerit ad eum cor suum, spiritum illius et flatum ad se trahet.

Si direxerit ad eum cor suum spiritum illius et flatum ad se trahet.

15 Deficiet omnis caro simul, et homo in cinerem revertetur.

Deficiet omnis caro simul et homo in cinerem revertetur.

16 Si habes ergo intellectum, audi quod dicitur, et ausculta vocem eloquii mei.

Si habes ergo intellectum audi quod dicitur et ausculta vocem eloquii mei.

17 Numquid qui non amat judicium sanari potest ? et quomodo tu eum qui justus est in tantum condemnas ?

Numquid qui non amat iudicium sanare potest et quomodo tu eum qui iustus est in tantum condemnas.

18 Qui dicit regi : Apostata ; qui vocat duces impios ;

Qui dicit regi apostata qui vocat duces impios.

19 Qui non accipit personas principum, nec cognovit tyrannum, cum disceptaret contra pauperem ; opus enim manuum ejus sunt universi.

Qui non accipit personas principum nec cognovit tyrannum cum disceptaret contra pauperem opus enim manuum eius sunt universi.

20 Subito morientur, et in media nocte turbabuntur populi, et pertransibunt, et auferent violentum absque manu.

Subito morientur et in media nocte turbabuntur populi et pertransibunt et auferent violentum absque manu.

21 Oculi enim ejus super vias hominum, et omnes gressus eorum considerat.

Oculi enim eius super vias hominum et omnes gressus eorum considerat.

22 Non sunt tenebræ, et non est umbra mortis, ut abscondantur ibi qui operantur iniquitatem.

Non sunt tenebrae et non est umbra mortis ut abscondantur ibi qui operantur iniquitatem.

23 Neque enim ultra in hominis potestate est, ut veniat ad Deum in judicium.

Neque enim ultra in hominis potestate est ut veniat ad Deum in iudicium.

24 Conteret multos, et innumerabiles, et stare faciet alios pro eis.

Conteret multos innumerabiles et stare faciet alios pro eis.

25 Novit enim opera eorum, et idcirco inducet noctem, et conterentur.

Novit enim opera eorum et idcirco inducet noctem et conterentur.

26 Quasi impios percussit eos, in loco videntium.

Quasi impios percussit eos in loco videntium.

27 Qui quasi de industria recesserunt ab eo, et omnes vias ejus intelligere noluerunt ;

Qui quasi de industria recesserunt ab eo et omnes vias eius intellegere noluerunt.

28 Ut pervenire facerent ad eum clamorem egeni, et audiret vocem pauperum.

Ut pervenire facerent ad eum clamorem egeni et audiret vocem pauperum.

29 Ipso enim concedente pacem, quis est qui condemnet ? ex quo absconderit vultum, quis est qui contempletur eum, et super gentes, et super omnes homines ?

Ipso enim concedente pacem quis est qui condemnet ex quo absconderit vultum quis est qui contempletur eum et super gentem et super omnes homines.

30 Qui regnare facit hominem hypocritam propter peccata populi.

Qui regnare facit hominem hypocritam propter peccata populi.

31 Quia ergo ego locutus sum ad Deum, te quoque non prohibebo.

Quia ergo ego locutus sum ad Deum te quoque non prohibeo.

32 Si erravi, tu doce me ; si iniquitatem locutus sum, ultra non addam.

Si erravi tu doce me si iniquitatem locutus sum ultra non addam.

33 Numquid a te Deus expetit eam, quia displicuit tibi ? tu enim cœpisti loqui, et non ego : Quod si quid nosti melius, loquere.

Numquid a te Deus expetit eam quia displicuit tibi tu enim coepisti loqui et non ego quod si quid nosti melius loquere.

34 Viri intelligentes loquantur mihi, et vir sapiens audiat me.

Viri intellegentes loquantur mihi et vir sapiens audiat me.

35 Job autem stulte locutus est, et verba illius non sonant disciplinam.

Iob autem stulte locutus est et verba illius non sonant disciplinam.

36 Pater mi, probetur Job usque ad finem ; ne desinas ab homine iniquitatis !

Pater mi probetur Iob usque ad finem ne desinas in hominibus iniquitatis.

37 Quia addit super peccata sua blasphemiam, inter nos interim constringatur ; et tunc ad judicium provocet sermonibus suis Deum.

Quia addit super peccata sua blasphemiam inter nos interim constringatur et tunc ad iudicium provocet sermonibus suis Deum.



Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org || Nova Vulgata Bibliorum Sacrorum Editio.

spacer 


Aperit