3 Quia ecce in diebus illis, et in tempore illo cum convertero captivitatem Juda et Jerusalem ;
Quia ecce in diebus illis et in tempore illo cum convertero captivitatem Iuda et Hierusalem.
2 Congregabo omnes gentes, et deducam eas in vallem Josaphat ; et disceptabo cum eis ibi super populo meo, et hæreditate mea Israel, quos disperserunt in nationibus, et terram meam diviserunt.
Congregabo omnes gentes et deducam eas in valle Iosaphat et disceptabo cum eis ibi super populo meo et hereditate mea Israhel quos disperserunt in nationibus et terram meam diviserunt.
3 Et super populum meum miserunt sortem ; et posuerunt puerum in prostibulo, et puellam vendiderunt pro vino ut biberent.
Et super populum meum miserunt sortem et posuerunt puerum in prostibulum et puellam vendiderunt pro vino ut biberent.
4 Verum quid mihi et vobis Tyrus, et Sidon, et omnis terminus Palæstinorum ? numquid ultionem vos reddetis mihi ? et si ulciscimini vos contra me, cito velociter reddam vicissitudinem vobis super caput vestrum.
Verum quid vobis et mihi Tyrus et Sidon et omnis terminus Palestinorum numquid ultionem vos redditis mihi et si ulciscimini vos contra me cito velociter reddam vicissitudinem vobis super caput vestrum.
5 Argentum enim meum, et aurum tulistis ; et desiderabilia mea, et pulcherrima intulistis in delubra vestra.
Argentum enim meum et aurum tulistis et desiderabilia mea et pulcherrima intulistis in delubra vestra.
6 Et filios Juda, et filios Jerusalem vendidistis filiis Græcorum, ut longe faceretis eos de finibus suis.
Et filios Iuda et filios Hierusalem vendidistis filiis Graecorum ut longe faceretis eos de finibus suis.
7 Ecce ego suscitabo eos de loco, in quo vendidistis eos ; et convertam retributionem vestram in caput vestrum.
Ecce ego suscitabo eos de loco in quo vendidistis eos et convertam retributionem vestram in caput vestrum.
8 Et vendam filios vestros, et filias vestras in manibus filiorum Juda, et venundabunt eos Sabæis genti longinquæ, quia Dominus locutus est.
Et vendam filios vestros et filias vestras in manibus filiorum Iuda et venundabunt eos Sabeis genti longinquae quia Dominus locutus est.
9 Clamate hoc in gentibus, sanctificate bellum, suscitate robustos ; accedant, ascendant omnes viri bellatores.
Clamate hoc in gentibus sanctificate bellum suscitate robustos accedant ascendant omnes viri bellatores.
10 Concidite aratra vestra in gladios, et ligones vestros in lanceas. Infirmus dicat : Quia fortis ego sum.
Concidite aratra vestra in gladios et ligones vestros in lanceas infirmus dicat quia fortis ego sum.
11 Erumpite, et venite, omnes gentes de circuitu, et congregamini ; ibi occumbere faciet Dominus robustos tuos.
Erumpite et venite omnes gentes de circuitu et congregamini ibi occumbere faciet Dominus robustos tuos.
12 Consurgant, et ascendant gentes in vallem Josaphat ; quia ibi sedebo ut judicem omnes gentes in circuitu.
Consurgant et ascendant gentes in vallem Iosaphat quia ibi sedebo ut iudicem omnes gentes in circuitu.
13 Mittite falces, quoniam maturavit messis ; venite, et descendite, quia plenum est torcular, exuberant torcularia ; quia multiplicata est malitia eorum.
Mittite falces quoniam maturavit messis venite et descendite quia plenum est torcular exuberant torcularia quia multiplicata est malitia eorum.
14 Populi populi in valle concisionis ; quia juxta est dies Domini in valle concisionis.
Populi populi in valle concisionis quia iuxta est dies Domini in valle concisionis.
15 Sol et luna obtenebrati sunt, et stellæ retraxerunt splendorem suum.
Sol et luna obtenebricata sunt et stellae retraxerunt splendorem suum.
16 Et Dominus de Sion rugiet, et de Jerusalem dabit vocem suam ; et movebuntur cæli, et terra ; et Dominus spes populi sui, et fortitudo filiorum Israel.
Et Dominus de Sion rugiet et de Hierusalem dabit vocem suam et movebuntur caeli et terra et Dominus spes populi sui et fortitudo filiorum Israhel.
17 Et scietis quia ego Dominus Deus vester habitans in Sion monte sancto meo ; et erit Jerusalem sancta, et alieni non transibunt per eam amplius.
Et scietis quia ego Dominus Deus vester habitans in Sion in monte sancto meo et erit Hierusalem sancta et alieni non transibunt per eam amplius.
18 Et erit in die illa ; stillabunt montes dulcedinem, et colles fluent lacte ; et per omnes rivos Juda ibunt aquæ ; et fons de domo Domini egredietur, et irrigabit torrentem spinarum.
Et erit in die illa stillabunt montes dulcedinem et colles fluent lacte et per omnes rivos Iuda ibunt aquae et fons de domo Domini egredietur et inrigabit torrentem Spinarum.
19 Ægyptus in desolationem erit, et Idumæa in desertum perditionis ; pro eo quod inique egerint in filios Juda, et effuderint sanguinem innocentem in terra sua.
Aegyptus in desolatione erit et Idumea in desertum perditionis pro eo quod inique egerint in filios Iuda et effuderint sanguinem innocentem in terra sua.
20 Et Judæa in æternum habitabitur, et Jerusalem in generationem et generationem.
Et Iudaea in aeternum habitabitur et Hierusalem in generatione et generationem.
21 Et mundabo sanguinem eorum, quem non mundaveram ; et Dominus commorabitur in Sion.
Et mundabo sanguinem eorum quem non mundaveram et Dominus commorabitur in Sion.
Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org || Nova Vulgata Bibliorum Sacrorum Editio.