38 In diebus illis ægrotavit Ezechias usque ad mortem ; et introivit ad eum Isaias filius Amos propheta, et dixit ei : Hæc dicit Dominus : Dispone domui tuæ, quia morieris tu, et non vives.
In diebus illis aegrotavit Ezechias usque ad mortem et introivit ad eum Isaias filius Amos propheta et dixit ei haec dicit Dominus dispone domui tuae quia morieris tu et non vives.
2 Et convertit Ezechias faciem suam ad parietem, et oravit ad Dominum,
Et convertit Ezechias faciem suam ad parietem et oravit ad Dominum.
3 Et dixit : Obsecro, Domine, memento quæso quomodo ambulaverim coram te in veritate, et in corde perfecto, et quod bonum est in oculis tuis fecerim. Et flevit Ezechias fletu magno.
Et dixit obsecro Domine memento quaeso quomodo ambulaverim coram te in veritate et in corde perfecto et quod bonum est in oculis tuis fecerim et flevit Ezechias fletu magno.
4 Et factum est verbum Domini ad Isaiam, dicens :
Et factum est verbum Domini ad Isaiam dicens.
5 Vade, et dic Ezechiæ : Hæc dicit Dominus Deus David patris tui : Audivi orationem tuam, et vidi lacrimas tuas : ecce ego adjiciam super dies tuos quindecim annos ;
Vade et dic Ezechiae haec dicit Dominus Deus David patris tui audivi orationem tuam vidi lacrimam tuam ecce ego adiciam super dies tuos quindecim annos.
6 Et de manu regis Assyriorum eruam te, et civitatem istam, et protegam eam.
Et de manu regis Assyriorum eruam te et civitatem istam et protegam eam.
7 Hoc autem tibi erit signum a Domino, quia faciet Dominus verbum hoc, quod locutus est ;
Hoc autem tibi erit signum a Domino quia faciet Dominus verbum hoc quod locutus est.
8 Ecce ego reverti faciam umbram linearum, per quas descenderat in horologio Achaz in sole, retrorsum decem lineis. Et reversus est sol decem lineis per gradus, quos descenderat.
Ecce ego reverti faciam umbram linearum per quas descenderat in horologio Ahaz in sole retrorsum decem lineis et reversus est sol decem lineis per gradus quos descenderat.
9 Scriptura Ezechiæ regis Juda cum ægrotasset, et convaluisset de infirmitate sua.
Scriptura Ezechiae regis Iuda cum aegrotasset et convaluisset de infirmitate sua.
10 Ego dixi : In dimidio dierum meorum vadam ad portas inferi. Quæsivi residuum annorum meorum ;
Ego dixi in dimidio dierum meorum vadam ad portas inferi quaesivi residuum annorum meorum.
11 Dixi : Non videbo Dominum Deum in terra viventium. Non aspiciam hominem ultra, et habitatorem quietis.
Dixi non videbo Dominum Dominum in terra viventium non aspiciam hominem ultra et habitatorem quievit.
12 Generatio mea ablata est, et convoluta est a me, quasi tabernaculum pastorum : Præcisa est velut a texente, vita mea : dum adhuc ordirer, succidit me : de mane usque ad vesperam finies me.
Generatio mea ablata est et convoluta est a me quasi tabernaculum pastorum praecisa est velut a texente vita mea dum adhuc ordirer succidit me de mane usque ad vesperam finies me.
13 Sperabam usque ad mane, quasi leo sic contrivit omnia ossa mea : De mane usque ad vesperam finies me ;
Sperabam usque ad mane quasi leo sic contrivit omnia ossa mea de mane usque ad vesperam finies me.
14 Sicut pullus hirundinis sic clamabo meditabor ut columba : Attenuati sunt oculi mei, suspicientes in excelsum : Domine vim patior, responde pro me.
Sicut pullus hirundinis sic clamabo meditabor ut columba adtenuati sunt oculi mei suspicientes in excelsum Domine vim patior sponde pro me.
15 Quid dicam, aut quid respondebit mihi, cum ipse fecerit ? Recogitabo tibi omnes annos meos in amaritudine animæ meæ.
Quid dicam aut quid respondebit mihi cum ipse fecerit recogitabo omnes annos meos in amaritudine animae meae.
16 Domine si sic vivitur, et in talibus vita spiritus mei, corripies me, et vivificabis me.
Domine sic vivitur et in talibus vita spiritus mei corripies me et vivificabis me.
17 Ecce in pace amaritudo mea amarissima : Tu autem eruisti animam meam ut non periret, projecisti post tergum tuum omnia peccata mea.
Ecce in pace amaritudo mea amarissima tu autem eruisti animam meam ut non periret proiecisti post tergum tuum omnia peccata mea.
18 Quia non infernus confitebitur tibi, neque mors laudabit te : non exspectabunt qui descendunt in lacum, veritatem tuam.
Quia non infernus confitebitur tibi neque mors laudabit te non expectabunt qui descendunt in lacum veritatem tuam.
19 Vivens vivens ipse confitebitur tibi, sicut et ego hodie ; pater filiis notam faciet veritatem tuam.
Vivens vivens ipse confitebitur tibi sicut et ego hodie pater filiis notam faciet veritatem tuam.
20 Domine salvum me fac, et psalmos nostros cantabimus cunctis diebus vitæ nostræ in domo Domini.
Domine salvum me fac et psalmos nostros cantabimus cunctis diebus vitae nostrae in domo Domini.
21 Et jussit Isaias ut tollerent massam de ficis, et cataplasmarent super vulnus, et sanaretur.
Et iussit Isaias ut tollerent massam de ficis et cataplasmarent super vulnus et sanaretur.
22 Et dixit Ezechias : Quod erit signum quia ascendam in domum Domini ?
Et dixit Ezechias quod erit signum quia ascendam in domo Domini.
Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org || Nova Vulgata Bibliorum Sacrorum Editio.