Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Isaiæ

(Versiculus)

26 In die illa cantabitur canticum istud in terra Juda : Urbs fortitudinis nostræ Sion ; Salvator ponetur in ea murus et antemurale.

In die illa cantabitur canticum istud in terra Iuda urbs fortitudinis nostrae salvator ponetur in ea murus et antemurale.

2 Aperite portas, et ingrediatur gens justa, custodiens veritatem.

Aperite portas et ingrediatur gens iusta custodiens veritatem.

3 Vetus error abiit ; servabis pacem ; pacem, quia in te speravimus.

Vetus error abiit servabis pacem pacem quia in te speravimus.

4 Sperastis in Domino in seculis æternis, in Domino, Deo forti, in perpetuum.

Sperastis in Domino in saeculis aeternis in Domino Deo forti in perpetuum.

5 Quia incurvabit habitantes in excelso, civitatem sublimem humiliabit ; humiliabit eam usque ad terram, detrahet eam usque ad pulverem.

Quia incurvabit habitantes in excelso civitatem sublimem humiliabit humiliabit eam usque ad terram detrahet eam usque ad pulverem.

6 Conculcabit eam pes, pedes pauperis, gressus egenorum.

Conculcabit eam pes pedes pauperis gressus egenorum.

7 Semita justi recta est, rectus callis justi ad ambulandum.

Semita iusti recta est rectus callis iusti ad ambulandum.

8 Et in semita judiciorum tuorum, Domine, sustinuimus te ; nomen tuum et memoriale tuum in desiderio animæ.

Et in semita iudiciorum tuorum Domine sustinuimus te nomen tuum et memoriale tuum in desiderio animae.

9 Anima mea desideravit te in nocte, sed et spiritu meo in præcordiis meis de mane vigilabo ad te. Cum feceris judicia tua in terra, justitiam discent habitatores orbis.

Anima mea desideravit te in nocte sed et spiritu meo in praecordiis meis de mane vigilabo ad te cum feceris iudicia tua in terra iustitiam discent habitatores orbis.

10 Misereamur impio, et non discet justitiam ; in terra sanctorum iniqua gessit, et non videbit gloriam Domini.

Misereamur impio et non discet iustitiam in terra sanctorum inique gessit et non videbit gloriam Domini.

11 Domine, exaltetur manus tua, et non videant ; videant, et confundantur zelantes populi ; et ignis hostes tuos devoret !

Domine exaltetur manus tua et non videant videant et confundantur zelantes populi et ignis hostes tuos devoret.

12 Domine, dabis pacem nobis, omnia enim opera nostra operatus es nobis.

Domine dabis pacem nobis omnia enim opera nostra operatus es nobis.

13 Domine Deus noster, possederunt nos domini absque te ; tantum in te recordemur nominis tui !

Domine Deus noster possederunt nos domini absque te tantum in te recordemur nominis tui.

14 Morientes non vivant, gigantes non resurgant ! propterea visitasti et contrivisti eos, et perdidisti omnem memoriam eorum.

Morientes non vivant gigantes non resurgant propterea visitasti et contrivisti eos et perdidisti omnem memoriam eorum.

15 Indulsisti genti, Domine, indulsisti genti ; numquid glorificatus es ? elongasti omnes terminos terræ.

Indulsisti genti Domine indulsisti genti numquid glorificatus es elongasti omnes terminos terrae.

16 Domine, in angustia requisierunt te, in tribulatione murmuris doctrina tua eis.

Domine in angustia requisierunt te in tribulatione murmuris doctrina tua eis.

17 Sicut quæ concipit, cum appropinquaverit ad partum, dolens clamat in doloribus suis, sic facti sumus a facie tua, Domine.

Sicut quae concipit cum adpropinquaverit ad partum dolens clamat in doloribus suis sic facti sumus a facie tua Domine.

18 Concepimus, et quasi parturivimus, et peperimus spiritum ; salutes non fecimus in terra ; ideo non ceciderunt habitatores terræ.

Concepimus et quasi parturivimus et peperimus spiritum salutes non fecimus in terra ideo non ceciderunt habitatores terrae.

19 Vivent mortui tui, interfecti mei resurgent. Expergiscimini, et laudate, qui habitatis in pulvere, quia ros lucis ros tuus, et terram gigantum detrahes in ruinam.

Vivent mortui tui interfecti mei resurgent expergiscimini et laudate qui habitatis in pulvere quia ros lucis ros tuus et terram gigantum detrahes in ruinam.

20 Vade, populus meus, intra in cubicula tua ; claude ostia tua super te, abscondere modicum ad momentum, donec pertranseat indignatio.

Vade populus meus intra in cubicula tua claude ostia tua super te abscondere modicum ad momentum donec pertranseat indignatio.

21 Ecce enim Dominus egredietur de loco suo, ut visitet iniquitatem habitatoris terræ contra eum ; et revelabit terra sanguinem suum, et non operiet ultra interfectos suos.

Ecce enim Dominus egreditur de loco suo ut visitet iniquitatem habitatoris terrae contra eum et revelabit terra sanguinem suum et non operiet ultra interfectos suos.



Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org || Nova Vulgata Bibliorum Sacrorum Editio.

spacer 


Aperit