Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Isaiæ

(Versiculus)

13 Onus Babylonis, quod vidit Isaias, filius Amos.

Onus Babylonis quod vidit Isaias filius Amos.

2 Super montem caliginosum levate signum, exaltate vocem, levate manum, et ingrediantur portas duces.

Super montem caligosum levate signum exaltate vocem levate manum et ingrediantur portas duces.

3 Ego mandavi sanctificatis meis, et vocavi fortes meos in ira mea, exsultantes in gloria mea.

Ego mandavi sanctificatis meis et vocavi fortes meos in ira mea exultantes in gloria mea.

4 Vox multitudinis in montibus, quasi populorum frequentium, vox sonitus regum, gentium congregatarum.

Vox multitudinis in montibus quasi populorum frequentium vox sonitus regum gentium congregatarum Dominus exercituum praecepit militiae belli.

5 Dominus exercituum præcepit militiæ belli, venientibus de terra procul, a summitate cæli ; Dominus, et vasa furoris ejus, ut disperdat omnem terram.

Venientibus de terra procul a summitate caeli Dominus et vasa furoris eius ut disperdat omnem terram.

6 Ululate, quia prope est dies Domini ; quasi vastitas a Domino veniet.

Ululate quia prope est dies Domini quasi vastitas a Domino veniet.

7 Propter hoc omnes manus dissolventur, et omne cor hominis contabescet, et conteretur.

Propter hoc omnes manus dissolventur et omne cor hominis tabescet et conteretur

8 Torsiones et dolores tenebunt ; quasi parturiens dolebunt ; unusquisque ad proximum suum stupebit, facies combustæ vultus eorum.

Tortiones et dolores tenebunt quasi parturiens dolebunt unusquisque ad proximum suum stupebit facies conbustae vultus eorum.

9 Ecce dies Domini veniet, crudelis, et indignationis plenus, et iræ, furorisque, ad ponendam terram in solitudinem, et peccatores ejus conterendos de ea.

Ecce dies Domini venit crudelis et indignationis plenus et irae furorisque ad ponendam terram in solitudine et peccatores eius conterendos de ea.

10 Quoniam stellæ cæli, et splendor earum, non expandent lumen suum ; obtenebratus est sol in ortu suo, et luna non splendebit in lumine suo.

Quoniam stellae caeli et splendor earum non expandent lumen suum obtenebratus est sol in ortu suo et luna non splendebit in lumine suo.

11 Et visitabo super orbis mala, et contra impios iniquitatem eorum ; et quiescere faciam superbiam infidelium, et arrogantiam fortium humiliabo.

Et visitabo super orbis mala et contra impios iniquitatem eorum et quiescere faciam superbiam infidelium et arrogantiam fortium humiliabo.

12 Pretiosior erit vir auro, et homo mundo obrizo.

Pretiosior erit vir auro et homo mundo obrizo.

13 Super hoc cælum turbabo ; et movebitur terra de loco suo, propter indignationem Domini exercituum, et propter diem iræ furoris ejus.

Super hoc caelum turbabo et movebitur terra de loco suo propter indignationem Domini exercituum et propter diem irae furoris eius.

14 Et erit quasi damula fugiens, et quasi ovis, et non erit qui congreget. Unusquisque ad populum suum convertetur, et singuli ad terram suam fugient.

Et erit quasi dammula fugiens et quasi ovis et non erit qui congreget unusquisque ad populum suum convertetur et singuli ad terram suam fugient.

15 Omnis qui inventus fuerit occidetur ; et omnis qui supervenerit cadet in gladio ;

Omnis qui inventus fuerit occidetur et omnis qui supervenerit cadet in gladio.

16 Infantes eorum allidentur in oculis eorum, diripientur domus eorum, et uxores eorum violabuntur.

Infantes eorum adlident in oculis eorum diripientur domus eorum et uxores eorum violabuntur.

17 Ecce ego suscitabo super eos Medos, qui argentum non quærant, nec aurum velint ;

Ecce ego suscitabo super eos Medos qui argentum non quaerant nec aurum velint.

18 Sed sagittis parvulos interficient, et lactantibus uteris non miserebuntur, et super filios non parcet oculus eorum.

Sed sagittis parvulos interficiant et lactantibus uteri non misereantur et super filios non parcat oculus eorum.

19 Et erit Babylon illa gloriosa in regnis, inclyta superbia Chaldæorum, sicut subvertit Dominus Sodomam et Gomorrham.

Et erit Babylon illa gloriosa in regnis inclita in superbia Chaldeorum sicut subvertit Deus Sodomam et Gomorram.

20 Non habitabitur usque in finem, et non fundabitur usque ad generationem et generationem ; nec ponet tibi tentoria Arabs, nec pastores requiescent ibi.

Non habitabitur usque in finem et non fundabitur usque ad generationem et generationem nec ponet ibi tentoria Arabs nec pastores requiescent ibi.

21 Sed requiescent ibi bestiæ ; et replebuntur domus eorum draconibus ; et habitabunt ibi struthiones ; et pilosi saltabunt ibi ;

Sed requiescent ibi bestiae et replebuntur domus eorum draconibus et habitabunt ibi strutiones et pilosi saltabunt ibi.

22 Et respondebunt ibi ululæ in ædibus ejus, et sirenes in delubris voluptatis.

Et respondebunt ibi ululae in aedibus eius et sirenae in delubris voluptatis.



Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org || Nova Vulgata Bibliorum Sacrorum Editio.

spacer 


Aperit