Via - Scriptura Spiritismi Christiani † Antiquus Testamentum

Index generalis |  Principium  | Continue

Vulgatam Clementinam

(Concordantiae biblicae plenae - Hieronymus Vulgata - IntraText Edition) ®
(Editio Lusitana)

Exodus

(Versiculus)

30 Facies quoque altare ad adolendum thymiama, de lignis setim,

Facies quoque altare in adolendum thymiama de lignis setthim.

2 Habens cubitum longitudinis, et alterum latitudinis, id est, quadrangulum, et duos cubitos in altitudine. Cornua ex ipso procedent.

Habens cubitum longitudinis et alterum latitudinis id est quadrangulum et duos cubitos in altitudine cornua ex ipso procedent.

3 Vestiesque illud auro purissimo, tam craticulam ejus, quam parietes per circuitum, et cornua. Faciesque ei coronam aureolam per gyrum,

Vestiesque illud auro purissimo tam craticulam eius quam parietes per circuitum et cornua faciesque ei coronam aureolam per gyrum.

4 Et duos annulos aureos sub corona per singula latera, ut mittantur in eos vectes, et altare portetur.

Et duos anulos aureos sub corona per singula latera ut mittantur in eos vectes et altare portetur.

5 Ipsos quoque vectes facies de lignis setim, et inaurabis.

Ipsos quoque vectes facies de lignis setthim et inaurabis.

6 Ponesque altare contra velum, quod ante arcum pendet testimonii coram propitiatorio quo tegitur testimonium, ubi loquar tibi.

Ponesque altare contra velum quod ante arcam pendet testimonii coram propitiatorio quo tegitur testimonium ubi loquar tibi.

7 Et adolebit incensum super eo Aaron, suave fragrans, mane. Quando componet lucernas, incendet illud ;

Et adolebit incensum super eo Aaron suave fraglans mane quando conponet lucernas incendet illud.

8 Et quando collocabit eas ad vesperum, uret thymiama sempiternum coram Domino in generationes vestras.

Et quando conlocat eas ad vesperum uret thymiama sempiternum coram Domino in generationes vestras.

9 Non offeretis super eo thymiama compositionis alterius, nec oblationem, et victimam, nec libabitis libamina.

Non offeretis super eo thymiama conpositionis alterius nec oblationem et victimam nec liba libabitis.

10 Et deprecabitur Aaron super cornua ejus semel per annum, in sanguine quod oblatum est pro peccato, et placabit super eo in generationibus vestris. Sanctum sanctorum erit Domino.

Et deprecabitur Aaron super cornua eius semel per annum in sanguine quod oblatum est pro peccato et placabit super eo in generationibus vestris sanctum sanctorum erit Domino.

11 Locutusque est Dominus ad Moysen, dicens :

Locutusque est Dominus ad Mosen dicens.

12 Quando tuleris summam filiorum Israel juxta numerum, dabunt singuli pretium pro animabus suis Domino, et non erit plaga in eis, cum fuerint recensiti.

Quando tuleris summam filiorum Israhel iuxta numerum dabunt singuli pretium pro animabus suis Domino et non erit plaga in eis cum fuerint recensiti.

13 Hoc autem dabit omnis qui transit ad nomen, dimidium sicli juxta mensuram templi. Siclus viginti obolos habet. Media pars sicli offeretur Domino.

Hoc autem dabit omnis qui transit ad nomen dimidium sicli iuxta mensuram templi siclus viginti obolos habet media pars sicli offeretur Domino.

14 Qui habetur in numero, a viginti annis et supra, dabit pretium.

Qui habetur in numero a viginti annis et supra dabit pretium.

15 Dives non addet ad medium sicli, et pauper nihil minuet.

Dives non addet ad medium sicli et pauper nihil minuet.

16 Susceptamque pecuniam, quæ collata est a filiis Israel, trades in usus tabernaculi testimonii, ut sit monimentum eorum coram Domino, et propitietur animabus eorum.

Susceptamque pecuniam quae conlata est a filiis Israhel trades in usus tabernaculi testimonii ut sit monumentum eorum coram Domino et propitietur animabus illorum.

17 Locutusque est Dominus ad Moysen, dicens :

Locutusque est Dominus ad Mosen dicens.

18 Facies et labrum æneum cum basi sua ad lavandum ; ponesque illud inter tabernaculum testimonii et altare. Et missa aqua,

Facies et labium aeneum cum basi sua ad lavandum ponesque illud inter tabernaculum testimonii et altare et missa aqua.

19 Lavabunt in ea Aaron et filii ejus manus suas ac pedes,

Lavabunt in eo Aaron et filii eius manus suas ac pedes.

20 Quando ingressuri sunt tabernaculum testimonii, et quando accessuri sunt ad altare, ut offerant in eo thymiama Domino,

Quando ingressuri sunt tabernaculum testimonii et quando accessuri ad altare ut offerant in eo thymiama Domino.

21 Ne forte moriantur. Legitimum sempiternum erit ipsi, et semini ejus per successiones.

Ne forte moriantur legitimum sempiternum erit ipsi et semini eius per successiones.

22 Locutusque est Dominus ad Moysen,

Locutusque est Dominus ad Mosen.

23 Dicens : Sume tibi aromata, primæ myrrhæ et electæ quingentos siclos, et cinnamomi medium, id est, ducentos quinquaginta siclos, calami similiter ducentos quinquaginta ;

Dicens sume tibi aromata prima et zmyrnae electae quingentos siclos et cinnamomi medium id est ducentos quinquaginta calami similiter ducentos quinquaginta.

24 Casiæ autem quingentos siclos in pondere sanctuarii, olei de olivetis mensuram hin ;

Cassiae autem quingentos siclos in pondere sanctuarii olei de olivetis mensuram hin.

25 Faciesque unctionis oleum sanctum, unguentum compositum opere unguentarii,

Faciesque unctionis oleum sanctum unguentum conpositum opere unguentarii.

26 Et unges ex eo tabernaculum testimonii, et arcam testamenti,

Et ungues ex eo tabernaculum testimonii et arcam testamenti.

27 Mensamque cum vasis suis, et candelabrum, et utensilia ejus, altaria thymiamatis,

Mensamque cum vasis suis candelabrum et utensilia eius altaria thymiamatis.

28 Et holocausti, et universam supellectilem quæ ad cultum eorum pertinet.

Et holocausti et universam supellectilem quae ad cultum eorum pertinent.

29 Sanctificabisque omnia, et erunt Sancta sanctorum ; qui tetigerit ea, sanctificabitur.

Sanctificabisque omnia et erunt sancta sanctorum qui tetigerit ea sanctificabitur.

30 Aaron et filios ejus unges, sanctificabisque eos, ut sacerdotio fungantur mihi.

Aaron et filios eius ungues sanctificabisque eos ut sacerdotio fungantur mihi.

31 Filiis quoque Israel dices : Hoc oleum unctionis sanctum erit mihi in generationes vestras.

Filiis quoque Israhel dices hoc oleum unctionis sanctum erit mihi in generationes vestras.

32 Caro hominis non ungetur ex eo, et juxta compositionem ejus non facietis aliud, quia sanctificatum est, et sanctum erit vobis.

Caro hominis non unguetur ex eo et iuxta conpositionem eius non facietis aliud quia sanctificatum est et sanctum erit vobis.

33 Homo quicumque tale composuerit, et dederit ex eo alieno, exterminabitur de populo suo.

Homo quicumque tale conposuerit et dederit ex eo alieno exterminabitur de populo suo.

34 Dixitque Dominus ad Moysen : Sume tibi aromata, stacten et onycha, galbanum boni odoris, et thus lucidissimum, æqualis ponderis erunt omnia ;

Dixitque Dominus ad Mosen sume tibi aromata stacten et onycha galbanen boni odoris et tus lucidissimum aequalis ponderis erunt omnia.

35 Faciesque thymiama compositum opere unguentarii, mistum diligenter, et purum, et sanctificatione dignissimum.

Faciesque thymiama conpositum opere unguentarii mixtum diligenter et purum et sanctificatione dignissimum.

36 Cumque in tenuissimum pulverem universa contuderis, pones ex eo coram tabernaculo testimonii, in quo loco apparebo tibi. Sanctum sanctorum erit vobis thymiama.

Cumque in tenuissimum pulverem universa contuderis pones ex eo coram testimonio tabernaculi in quo loco apparebo tibi sanctum sanctorum erit vobis thymiama.

37 Talem compositionem non facietis in usus vestros, quia sanctum est Domino.

Talem conpositionem non facietis in usus vestros quia sanctum est Domino.

38 Homo quicumque fecerit simile, ut odore illius perfruatur, peribit de populis suis.

Homo quicumque fecerit simile ut odore illius perfruatur peribit de populis suis.



Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org || Nova Vulgata Bibliorum Sacrorum Editio.

spacer 


Aperit